Juízes 5:2 - Tupàn zeꞌeg

² Ikatuahy Tupàn Tuweharupi Wiko Ma'e a'e. — Xiàmàtyry'ym teko ikatu 'ym ma'e wà nehe, i'i teko wà. A'e rupi uzemono'og tuwihawete hehe we hurywete romo wà.

Juízes 5:2 ပူးပေါင်းရင်းမြစ်များ

2 Crônicas 17:16

Amazi Zikiri ta'yr 200.000 zauxiapekwer wanuwihaw. Amazi uzemono Tupàn Tuweharupi Wiko Ma'e hemiruze'eg romo a'e. Ni amo numuzemono kar kwaw wà.

Neemias 11:2

Amo teko wiko Zeruzarez pupe wà, ta'e heko wer a'e pe wà xe. Teko omono uze'egatu a'e tawhu pupe wiko ma'e wanehe wà.

Salmos 103:2

Tuwe hepy'a paw umume'u Tupàn Tuweharupi Wiko Ma'e ikatu haw nehe. Tuwe nahereharaz kwaw ni pitài teko wanehe ize'egatu wi nehe.

Salmos 110:3

Amo 'ar mehe ereàmàtyry'ym putar ne wà nehe, o tuwihawete. A'e 'ar mehe teko neremiruze'eg ur putar newe zauxiapekwer romo wiko pà wà nehe. Zuwiri uzexak kar izi'itahy a'e. Nezewegatete uzemono'og putar kwàkwàmo oho ywytyr newe imonokatu pyrer rehe wà nehe, neàwàxi pà wà nehe.

Salmos 136:15

A'e pe yryhu pupe uzeapypyk Ezit ywy rehe har wanuwihawete a'e. Hemiruze'eg zauxiapekwer paw uzeapypyk wà no. Ipuruamutar katu haw nupaw pixik kwaw nehe.

Salmos 18:47

Umur heàmàtyry'ymar waneitykaw ihewe a'e. Weruzar kar heze'eg teko paw wanupe no.

Salmos 48:11

Penurywete nehe, teko Zeruzarez pe har wà. O Tupàn, nepureruze'egaw ikatuahy. Teko tawhu Zuta ywy rehe har pe har wà, penurywete ipureruze'egaw ikatu ma'e rehe nehe.

Salmos 94:1

O Tupàn Tuweharupi Wiko Ma'e, ereiko Tupàn purehe uzepyk ma'e romo ne. Exak kar nekwahy haw purupe nehe.

Salmos 97:8

Teko Zeruzarez tawhu pe har hurywete wà. Teko tawhu Zuta ywy rehe har pe har hurywete wà no, Ta'e eremume'u katu teko wanemiapo kwer ne xe, o Tupàn Tuweharupi Wiko Ma'e.

1 Coríntios 9:17

Aze mo heremimutar rupi amume'u, ainoz mo hekuzar peme. Hezar umume'u kar ihewe, a'e rupi nainoz kwaw hekuzar peme. Napuner kwaw hepytu'u haw rehe imume'u re.

2 Coríntios 8:12

Aze pepurumur e wer ma'e rehe wanupe nehe, pekatu putar Tupàn pe nehe. Aze pixika'i nehe, pekatu putar izupe nehe no, ta'e napeiko kwaw hemetarer katu ma'e romo pe xe. Napepuner kwaw ma'e tetea'u imono haw rehe nehe, ta'e napereko kwaw pe xe.

2 Coríntios 9:7

Pe pitàitàigatu pemono penemetarer penemimutar rupi nehe, pezemumikahy 'ym pà nehe. Tuwe penurywete imono mehe nehe. Peze'eg zo nezewe nehe. — Aze namono kwaw nehe, Tupàn uzepyk putar herehe nehe, a'e rupi amono putar nehe, peze zo imono mehe nehe. Aze awa omono ma'e Tupàn pe nehe, aze hurywete imono mehe nehe, Tupàn uzamutar katu putar a'e awa a'e nehe.

Deuteronômio 32:43

Tuwe teko paw umume'u Tupàn hemiaihu wakatu haw wà nehe. Tupàn uzepyk putar wemiruze'eg wazuka arer wanehe nehe. Uzepyk putar wàmàtyry'ymar wanehe nehe. Umunàn putar wemiaihu wanemiapo kwer ikatu 'ym ma'e nehe.

Deuteronômio 33:21

Upyhyk ywy imume'u pyrer ipehegwer uhua'u wera'u ma'e wà. Omono pehegweruhu tuwihaw pe imono pyr zàwenugar izupe wà. Weruzar Tupàn Tuweharupi Wiko Ma'e ze'eg wà. Weruzar hemiapo kar wà, teko wanuwihaw wazemono'og mehe wà.

Filipenses 2:13

Tuweharupi Tupàn penehe hekon. A'e rupi pepurapo wer ma'e rehe hemimutar rupi nehe. Pepuner putar hemiapo putar haw iapo haw rehe nehe, ta'e omono putar ukàgaw peme a'e nehe xe.

Filemom 1:14

Nahepurapo kar wer kwaw ko ma'e rehe newe ihe. Aze erezapo neze'eg rupi nehe, a'e mehe ikatu putar ihewe nehe. A'e rupi namupyta kar kwaw One xe ihe. Ta'e nakwaw kwaw neze'eg àwàm ihewe ihe xe.

Apocalipse 18:20

Pe ywak rehe har pe, penurywete nehe, ta'e Tupàn uzepyk hehe kury xe. Pe Tupàn hemiruze'eg pe, penurywete nehe no. Pe Tupàn hemimono karer pe, penurywete nehe no. Pe Tupàn ze'eg imume'u har pe, penurywete nehe no. Ta'e Tupàn uzepyk tawhu rehe kury xe, ta'e kwehe mehe a'e taw pe har upuraraw kar ma'erahy peme a'e wà xe.

Apocalipse 19:2

— Azeharomoete ize'eg no, ikatuahy no, i'i Tupàn rehe wà. — Umumaw kar kuzàwyzài ikàg ma'e a'e kury, ta'e a'e kuzà umuaiw ywy rehe har a'e wà xe, ikatu 'ym ma'e tetea'u iapo kar pà wanupe a'e wà xe. Uzepyk hehe, ta'e a'e kuzà uzuka kar hemiruze'eg a'e wà xe, i'i waiko wà.

Juízes 5:9

Herurywete Izaew wanuwihaw wanehe ihe. Herurywete zauxiapekwer ipuruàmàtyry'ym wer ma'e wanehe ihe no. Azeharomoete ikatuahy Tupàn Tuweharupi Wiko Ma'e a'e.