Juízes 5:15 - Tupàn zeꞌeg

¹⁵ Ixakar izuapyapyr wanuwihaw oho Nemora rupi wà. Azeharomoete Ixakar izuapyapyr oho wà. Oho Marak a'e no. Oho ywy ywytyr wamyter pe har pe wà. Humen izuapyapyr a'e wà, Uzemuza'aza'ak a'e wà. Uze'eg ahyahy uzeupeupe wà. A'e rupi noho kwaw wà.

Juízes 5:15 ပူးပေါင်းရင်းမြစ်များ

Gênesis 35:23

Heta amo ta'yr Zako pe Erez rehe we a'e wà. Na'aw waner xe wà: Humen (ta'yr ipy), Ximeàw, Erewi, Zuta, Ixakar, Zemurom.

Provérbios 22:13

Iranahy ma'e upyta wàpuz me. — Aze ahem nehe, zàwàruhu hepyhyk putar nehe, i'i mua'u uzeupe.

Atos 15:39

Na'e Pawru uze'eg ipyipykahy Panape rehe wà kury. A'e rupi uzemuza'ak wà kury. Panape oho Xip yrypypo'o pe kury, kanuhu pupe wata pà Zuàw Mak heraha pà kury.

Atos 20:13

Na'e kanuhu pupe uruixe oroho ypawhu waz ure. Uhem kanuhu oho Axoz taw pe kury. — Xiàwàxi putar Pawru a'e pe zane nehe, uru'e urezeupeupe. Ta'e Pawru uremono kar wenataromo kanuhu pupe a'e xe. Ta'e iho wer ywy rehe a'e xe.

2 Coríntios 11:2

Ta'e apuamutar katu ihe xe. Peiko kuzàwaza ài ihewe pe. Aiko penu ài ihe. Apumume'u amo awa pe hemireko ràm romo ihe. Zaneruwihawete Zezuz a'e, pemen ràm ài hekon a'e. Kuzà awa puhe oho pixik 'ym ma'e ài peiko. Heporomonokatu wer penehe Zaneruwihawete pe ihe. A'e rupi aze'eg nezewe agwer ma'e rehe ihe.

Juízes 4:10

Omono'ono'og Zemurom izuapyapyr Napitari izuapyapyr zauxiapekwer a'e pe wà. 10 miw awa oho hupi wà. Oho Nemora hupi wà no.

Juízes 4:14

Na'e Nemora uze'eg Marak pe kury. — Eho nehe 'y. Kutàri Tupàn umur putar Xi nepo pe nehe. Tupàn Tuweharupi Wiko Ma'e wiko putar nerehe we nehe, i'i izupe. A'e rupi Marak wezyw ywytyr Tamor wi kury, 10 miw zauxiapekwer wanupi kury.

Juízes 4:6

Amo 'ar mehe weraha kar uze'eg amo awa pe kury. — Eze'eg eho Marak Aminoàw ta'yr pe nehe. Kez tawhu pe Napitari waiwy rehe hekon a'e, i'i izupe. — Emono'og Napitari wapyr nehe, Zemurom wapyr nehe no. Emono'og 10 miw zauxiapekwer a'e ywy rehe har ne wà nehe. Eraha a'e awa ywytyr Tamor her ma'e pe nehe, ere izupe nehe.

Juízes 5:16

Màràzàwe tuwe upyta a'e pe àràpuhàràn wainuromo wà. Aipo ipuranu wer àràpuhàràn wanehe uzekaiw ma'e wanehe wà, waneimaw wanenoz mehe wà. Azeharomoete Humen izuapyapyr uzemuza'aza'ak a'e wà no. Uze'eze'eg ahyahy uzeupeupe wà. A'e rupi noho kwaw wà.