Juízes 5:12 - Tupàn zeꞌeg

¹² Eme'e nehe, Nemora. Eme'e kury. Eme'e nehe. Eme'e kury. Emuzàg amo zegar haw kury. Epu'àm kury, Marak Aminoàw ta'yr. Eraha neàmàtyry'ymar ne wà nehe, eraha neremityk kwer ne wà nehe.

Juízes 5:12 ပူးပေါင်းရင်းမြစ်များ

Salmos 108:2

Hewioràwiràn, eme'egatu nehe. Eme'egatu nehe no, hewioràwiràn irir her ma'e. Amume'egatu kar putar kwarahy ihe nehe.

Salmos 57:8

Eme'e nehe, hepy'a. Eme'e nehe, hewioràwiràn. Epu'àm nehe, hewioràw zàwenugar. Amume'e kar putar kwarahy ihe nehe.

Salmos 57:9

Hezar, amume'u putar nekatu haw ywy nànànar wainuinuromo nehe. Amume'u putar nekàgaw amogwer teko wainuinuromo nehe.

Salmos 68:18

Uzeupir ywate wera'u har pe. Weraha teko wemipyhyk kwer tetea'u uzeupi uzeupir mehe wà. Te awa Tupàn heruzar 'ymar weraha ma'e imono pyràm izupe wà. Tupàn Tuweharupi Wiko Ma'e wiko putar a'e pe nehe.

Isaías 14:2

Teko amogwemogwer ywy rehe har oho putar Izaew wanupi waiwy rehe wà nehe. Tupàn wiko a'e ywy izar romo a'e. A'e teko wiko putar Izaew wanupe uma'ereko e ma'e romo a'e wà nehe. Izaew wazar kwer wiko putar wanupe uma'ereko e ma'e romo wà nehe. Izaew wiko putar uwihaw kwer wanuwihaw romo wà nehe no.

Isaías 33:1

Ezemumikahy nehe, puràmàtyry'ymar purumumaw ma'e. Ni amo nanezuka pixik kwaw wà. Ezemumikahy nehe, umyrypar zuka har. Ni amo nemyrypar nanezuka pixik kwaw wà. Nepuruzuka re nehe, ma'e imumaw ire nehe, nemumaw putar amo nehe. Nemyrypar izuka re amo nemyrypar nezuka putar a'e nehe.

Isaías 51:17

Eme'e, Zeruzarez, eme'e nepu'àm pà nehe. Tupàn Tuweharupi Wiko Ma'e u'u kar wekwahy haw peme win ài a'e. Pei'u ipupe paw rupi. Peka'u i'u re.

Isaías 51:9

Eme'e nehe, Zanezar. Eme'e nehe. Urepyro pe nepuner haw uhua'u ma'e pupe nehe, ureipy wapyro awer kwehe arer zàwenugar ài nehe. Eremugamugaz àzàg zàwenugar yryhu pe har Ha'aw her ma'e ipegegwer romo ne, izuka pà ne.

Isaías 60:1

Epu'àm nehe, Zeruzarez. Tuwe neruwa heny katu nerurywete haw rehe nehe, ta'e neratainy uhem kwez kury xe. Tupàn Tuweharupi Wiko Ma'e ikàgaw ipuràg eteahy haw uhyape katu iko penehe a'e kury.

Jeremias 31:26

Na'e teko i'i putar wà nehe. — Aker katu ihe, herurywete kury, i'i putar wà nehe.

1 Coríntios 15:34

Pekwaw ikatu ma'e iapo haw, a'e rupi — Pezypyrog wi ikatu ma'e iapo pà nehe kury ty wà, a'e peme kury. — Pepytu'u ikatu 'ym ma'e iapo re nehe. Amo ma'e amume'u putar pemumaranugar kar pà ihe nehe kury. — Amo pepyr har nukwaw kwaw Tupàn ze'eg a'e wà, nukwaw kwaw ikàgaw a'e wà no, a'e peme kury.

Efésios 4:8

Nezewe i'i Tupàn ze'eg pape rehe imuapyk pyrer kwehe arer a'e. — Kwehe mehe Zaneruwihawete uzeupir oho ywate a'e. Tuwihawete romo hekon a'e kury. A'e rupi hehe uzeruzar ma'e noho kwaw tatahu pe a'e wà kury. Tuwihawete romo hekon, a'e rupi uzapo kar ikatuahy ma'e iko teko wanupe no.

Efésios 5:14

Aze zazeruzar Zaneruwihawete rehe nehe, zaiko putar 'aromo wata ma'e ài nehe. A'e rupi Tupàn i'i nezewe a'e, uze'eg imuapyk kar pà pape rehe a'e. Pe uker ma'e pe. Peme'e nehe. Pepu'àm pemàno haw wi pekweraw pà nehe A'e mehe Zaneruwihawete uhyape katu putar penehe a'e nehe.

2 Timóteo 2:26

Ukwaw wiwi putar ma'e nehe no. Weruzar wiwi putar Tupàn ze'eg nehe no. Uhem putar oho Zurupari mune wi nehe, ta'e Zurupari ipurupyhyk wer zepe hehe a'e xe, wemiapo putar haw iapo kar pà izupe a'e xe.

Juízes 5:13

Awa wikuwe ma'e oho uwihaw waneko haw pe wà. Teko Tupàn hemiaihu werur awa ikàg ma'e Marak pe wà. Uzemuàgà'ym zeàmàtyry'ymaw pe oho àwàm rehe wà.