Juízes 5:10 - Tupàn zeꞌeg

¹⁰ Pe zumen xig ma'e ku'az wata ma'e pe, peze'eg hehe nehe. Peapyk peiko pekawaru kupe har rehe. Pe upy rehe wata ma'e pe no,

Juízes 5:10 ပူးပေါင်းရင်းမြစ်များ

Salmos 105:2

Pezegar Tupàn pe nehe. Pemuzàg zegar haw izupe ikatu haw rehe nehe. Peze'eg hemiapo kwer ikatuahy ma'e rehe nehe.

Salmos 107:32

Teko wazemono'og mehe pemume'u Tupàn uhua'u haw nehe. Pemume'u ikatu haw tuwihaw wazemono'og mehe nehe.

Salmos 145:11

Teko paw uze'eg putar nepureruze'egaw ikàgaw rehe wà nehe, ipuràg eteahy haw rehe wà nehe no. Umume'u putar nepuner haw purupe wà nehe.

Salmos 145:5

Uze'eg putar nekàgaw rehe nepuràg eteahy haw rehe wà nehe. Uze'eg putar tuwihawete upuner ma'e romo nereko haw rehe wà nehe no. Hema'enukwaw putar neremiapo kwer ikatuahy ma'e wanehe nehe.

Isaías 28:6

— Urepurapo kar wer ikatu ma'e rehe teko wanupe ure, i'i putar pureruze'eg ma'e wà nehe, ta'e Tupàn uma'ereko putar wapy'a pupe nehe xe. Amo zauxiapekwer ume'egatu tawhu weko haw rehe uzekaiw pà wàmàtyry'ymar wanuwi. Tupàn umupytu'u kar putar a'e zauxiapekwer wakyze re a'e wà nehe no.

Joel 3:12

Pezemuàgà'ym nehe, teko ywy nànànar wà. Pezur ywyàpyznaw Zuzapa her ma'e pe nehe. Ta'e ihe Tupàn Tuweharupi Wiko Ma'e ihe xe, azepyk putar teko ko ywy huwake har wanehe upaw rupi ihe nehe xe.

Juízes 10:4

Heta 30 ta'yr izupe wà. Pitàitàigatu wapyk 30 zumen waku'az wà. Pitàitàigatu weruze'eg tawhu wà. Te ko 'ar rehe — Tawhu Zair ma'e wà, za'e wanupe.

Juízes 12:14

Heta 40 ta'yr Aminom pe wà. Heta 30 hemimino izupe wà no. Wata 70 zumen waku'az wà. Umumaw 8 kwarahy wanuwihaw romo wiko pà.