Juízes 15:4 - Tupàn zeꞌeg

⁴ A'e rupi wekar awara tetea'u oho wà. Upyhyk 300 wà. Mokomokozgatu uzàpixipixi wanuwaz rehe wà. Uzàpixi ka'akyr wanuwaz wanehe pitàitàigatu wà no.

Juízes 15:4 ပူးပေါင်းရင်းမြစ်များ

2 Samuel 14:30

A'e rupi uze'eg uzeupe uma'ereko ma'e wanupe. — Pexak kury. Zoaw iko a'e, heko izywyra'i rehe tuz a'e. Heta arozràn xewar her ma'e itym myrer iko pe. Pemunyk tata peho iko rehe nehe ty wà, i'i wanupe. A'e rupi umunyk tata oho Zoaw iko rehe wà.

Salmos 63:10

Zauxiapekwer uzuka putar a'e teko zeàmàtyry'ymawhu pe a'e wà nehe. Zawar zàwenugar hehaite ma'e u'u putar wanetekwer wà nehe.

Provérbios 26:18

Amo hemu'em amo pe wà. — Xo zemaraz taw zo, i'i wanupe a'e re. Agwer teko nuzawy kwaw he'o ma'e takihepuku puruzuka haw rehe uzemaraz ma'e a'e wà.

Cânticos dos Cânticos 2:15

Pepyhyk awara pe wà nehe. Pepyhyk awara'yr pe wà nehe. Pemupytu'u kar uwà tyw zaneremitygwer imuaiw 'ym mehe we pe wà nehe. Iputyr a'e kury.

Isaías 7:4

— Eme'egatu nehe, ere tuwihawete pe nehe. — Eiko zo he'o ma'e ài nehe. Ekyze zo wanuwi nehe, ere izupe nehe. Ezemumikahy zo tuwihawete Hezim iakatuwawahy 'ymaw rehe nehe. Xir ywy rehe har wanuwihawete romo hekon a'e. Ekyze zo Pek rehe nehe. Na'ikàg kwaw wà. Nuzawy kwaw mokoz zepe'aw ukaz ma'e kwer tàtàxiner imuhem kar har wà. Ekyze zo wanuwi nehe.

Lamentações de Jeremias 5:18

Ta'e naheta kwaw teko Xiàw ywytyr rehe wà kury xe. Awara wata tàpuz imuaiw pyrer myteromo wà.

Juízes 15:3

— Ko 'ar rehe azepyk putar Piri ywy rehe har wanehe azeharomoete har romo ihe nehe kury. Iaiw ma'e azapo putar wanupe nehe, i'i izupe.

Juízes 15:5

Umunyk tata ka'akyr rehe pitàitàigatu no. Umuhem kar awara wamono wà. Uzàn awara oho Piri ywy rehe har wako pe arozràn itymaw pe wà. Tata wapy arozràn imono'og pyrer paw. Wapy arozràn ko pe har paw no. Wapy uri tyw paw no.