Josué 7:4 - Tupàn zeꞌeg

⁴ A'e rupi 3.000 awa ru'u oho a'e pe wà. Zauxiapekwer Az tawhu pe har umuzàn kar Izaew wà.

Josué 7:4 ပူးပေါင်းရင်းမြစ်များ

Salmos 89:43

Eremuaiw tuwihawete ikàgaw. Ereityk kar zauxiapekwer wanupe zeàmàtyry'ymawhu pe.

Isaías 30:17

Peàmàtyry'ym mehe xo pitài peàmàtyry'ymar zo umuzàwehem kar putar 1000 zauxiapekwer penehe we har wà nehe. 5 peàmàtyry'ymar pemuzàwehem kar putar paw rupi a'e wà nehe. Xo màràn penehe we arer zo upyta putar wà nehe. Upyta ma'e nuzawy kwaw pànuhu tuwihaw her hereko har i'yw ywytyr apyr har wà nehe, i'i Tupàn.

Isaías 59:2

Nan. Penemiapo kwer ikatu 'ym ma'e pemunyryk penereko Tupàn pezar wi. Pekatu 'ymaw umuzeàmim kar Tupàn pewi. A'e rupi nuwazar kwaw izupe peze'egaw peme a'e.

Levítico 26:17

Aiko putar peàmàtyry'ymar romo nehe. Apuityk kar putar peàmàtyry'ymar wanupe nehe. Wiko putar pezar romo wà nehe. Aze naheta kwaw peme ma'erahy ipuraraw kar har wà nehe, nezewe rehe we pezàn putar wanuwi nehe.

Deuteronômio 28:25

Peneityk kar putar peàmàtyry'ymar wanupe nehe. Pezemono'og putar waàmàtyry'ym pà wanenaw pe nehe. Pezàn putar wanuwi pehàpehàz pà nehe. Teko ywy rehe har paw ipytuhegatu putar peme uzeapo ma'e kwer ikwaw mehe wà nehe.

Deuteronômio 32:30

Màràzàwe tuwe miw uzàn oho pitài wàmàtyry'ymar wi wà. Mokoz umuzàn kar 10.000 wà. Uzàn wanuwi wà, ta'e wanehe uzekaiw ma'e weityk a'e wà xe. Tupàn Tuweharupi Wiko Ma'e ume'eg wemiaihu waàmàtyry'ymar wanupe wà.

Josué 7:3

Uzewyr mehe uze'eg Zuzue pe wà. — Emono kar zo zauxiapekwer paw a'e pe ne wà nehe, ta'e naheta tete kwaw awa a'e pe wà xe, i'i izupe wà. — Aze ru'u 2.000 aze ru'u 3.000 awa emono kar wà nehe, Az tawhu heityk pà wà nehe. (Nezewe mehe amogwer zauxiapekwer na'ikene'o e kwaw wà nehe), i'i izupe wà.