Josué 21:41 - Tupàn zeꞌeg

⁴¹ Izaew izuapyapyr omono 48 tawhu uiwy rehe har Erewi izuapyapyr wanupe wà. Omono ka'api'i rupaw waiwyr har wà no.

Josué 21:41 ပူးပေါင်းရင်းမြစ်များ

Gênesis 49:7

Amono heze'egaiw wanehaite haw rehe. Ta'e ipuruzukaiwahy a'e wà xe. Amono heze'egaiw wakwahy haw rehe. Ta'e upuraraw kar ma'erahy tetea'u purupe a'e wà xe, ma'ea'yr wanupe a'e wà no xe. Amuza'aza'ak putar wazuapyapyr Izaew ywy rehe ihe wà nehe. Amuhàmuhàz putar wazuapyapyr waànàm wainuromo wamono kar pà ihe wà nehe.

1 Crônicas 6:64

Nezewe Izaew omono tawhu Erewi izuapyapyr wanupe waneko àwàm romo wà. Omono ywy a'e tawhu waiwyr har ka'api'i heta haw wà no, waneimaw wamai'u haw romo wà no.

Deuteronômio 33:10

Umu'e putar teko paw neze'eg rehe wà nehe. Wapy putar yhyk zàwenugar nerenataromo wà nehe. Uzuka putar ma'ea'yr ma'ea'yr hapy haw nerenataromo har rehe wà nehe no.

Josué 21:3

Izaew weruzar Tupàn Tuweharupi Wiko Ma'e wà. Omono amo tawhu Erewi izuapyapyr wanupe wà. Omono amo ka'api'i rupaw wanupe wà no.

Josué 21:40

A'e Erewi izuapyapyr Merari izuapyapyr waànàm wà, upyhyk 12 tawhu wà.

Josué 21:42

A'e tawhu wazywyr heta ka'api'i rupaw pitàitàigatu wà.