Jonas 2:2 - Tupàn zeꞌeg

² — O Tupàn Tuweharupi Wiko Ma'e ne, hemàno etea'i mehe azepytywà kar newe ihe. Erewazar heze'eg ihewe. Umàno ma'e kwer waneta haw wype hereko mehe, ahapukaz newe hezepytywà kar pà ihe. Herenu pe heze'eg mehe ne.

Jonas 2:2 ပူးပေါင်းရင်းမြစ်များ

2 Crônicas 33:12

Ma'erahy ipuraraw mehe Manaxe uze'eg tuwe Tupàn Tuweharupi Wiko Ma'e uzar pe kury. Heko wera'u haw uhem izuwi kury. Uzemumikahy wemiapo kwer rehe uwipy wazar henataromo kury.

Salmos 116:3

Màno haw nuzawy kwaw heàmàtyry'ymar a'e wà. Heàmàtyry'ymar ipuruàpixipixi wer herehe kyhàhàm pupe wà. Amàno etea'i ihe. Iaiw haw tywypaw pe har hemukyze wera'u kar a'e. Akyzeahy tuwe ihe. Azemumikahy azeharomoete no.

Salmos 120:1

Hezemumikahy mehe aze'eg Tupàn Tuweharupi Wiko Ma'e pe ihe, hepytywà àwàm henoz pà ihe. Uwazar heze'eg ihewe a'e.

Salmos 16:10

Ne Tupàn, hepyro pe màno haw ipuner haw wi ne. Azapo tuwe neremiapo putar haw ihe. A'e rupi nahemuezyw kar kwaw pe umàno ma'e kwer wapyta haw pe ne nehe.

Salmos 22:24

— Nuityk kwaw ma'e hereko 'ymar a'e wà. Naheharaz kwaw ma'erahy wanemipuraraw kwer wi. Nuzeàmim kwaw wanuwi. — Urepytywà pe nehe, aze i'i izupe wà, uwazar waze'eg wanupe a'e, a'e putar wanupe nehe.

Salmos 34:6

Ihe aiko ma'erahy ipuraraw par romo ihe. Ahapukaz ihe. Tupàn Tuweharupi Wiko Ma'e herenu a'e. Hepyro heremipuraraw wi a'e.

Salmos 4:1

O Tupàn hemukàg kar har ne, Ewazar heze'eg nerenoz mehe nehe. Zawaiw katu hereko awer ihewe. Hepytywà pe a'e 'ar mehe. Hepuhareko pe nehe. Einu newe heze'eg mehe nehe.

Salmos 61:2

Aiko muite hereko haw wi iaiw haw inuromo ihe. Aenoz hepytywà àwàm iteko ihe. Hereraha pe amo hemim àwàm me nehe.

Salmos 65:2

Erewazar waze'eg wanupe ne. A'e rupi ur putar nemuwete pà wà nehe,

Salmos 86:13

Heamutar katu pe ne. Uhua'u heamutar katu haw. Hepyro pe hemàno haw wi hetym àwàm ohoete ma'e wi ne.

Isaías 14:9

Ywy iwy pe har umàno ma'e kwer wapyta haw pe har, uzemuàgà'ym waiko Mawiron wanuwihawete imuixe katu kar àwàm rehe wà. Ywy rehe arer ikàg ma'e wanekwe ume'e wà kury. Tuwihawete kwehe arer upu'àm uwenaw wi wà no.

Lamentações de Jeremias 3:55

'Yzygwar wi ahapukaz Tupàn Tuweharupi Wiko Ma'e pe. — Hepytywà pe nehe, a'e izupe.

Ezequiel 26:20

Uruityk putar umàno ma'e kwer wapyta haw pe nehe. A'e pe erepyta putar teko kwehe umàno ma'e kwer wainuinuromo nehe. Apuir putar newi a'e pe ywy iwype har pe nehe, ywy tawhu heityk pyrer heta haw pe nehe. Erepyta putar umàno ma'e kwer wanehe we nehe. Ni amo nuiko pixik kwaw nepupe wà nehe, Xir. Nerezewyr kwaw ywy wikuwe ma'e waneko haw pe nehe. Nerezewyr kwaw nerenawer pe nehe.

Ezequiel 31:14

Ko 'ar henataromo ni amo ywyra na'itua'u kwaw a'e ywyra ài wà nehe. Nuhem kwaw ywàkun pe wà nehe. Teko upuner 'y tetea'u imono haw rehe izupe wà nehe. Nezewe rehe we na'itua'u kwaw izàwe wà nehe. Paw rupi umàno putar teko umàno ma'e ràm ài wà nehe. Uzemono'og putar umàno ma'e kwer wanehe we wapyta haw pe wà nehe.

Mateus 12:40

Zon umumaw na'iruz 'ar na'iruz pytun ipira uhua'u ma'e hie pe wiko pà a'e. (A'e mehe uhem hie wi a'e. Na'e umume'u Tupàn ze'eg oho Nin tawhu pe har wanupe a'e.) Nezewegatete Awa ta'yr a'e nehe no. Umumaw putar na'iruz 'ar na'iruz pytun ywykwar pupe wiko pà a'e nehe no.

Lucas 11:10

Ta'e aze awa wenoz ma'e nehe, Tupàn umur putar izupe nehe. Aze awa wekar ma'e nehe, wexak putar nehe. Aze awa wenoz wixe àwàm nehe, uken uzewàpytymawok putar izupe nehe.

Lucas 22:44

Uzemumikahy zepe Zezuz. Uze'eg wiwi tuwe Tupàn pe kury. Ipirakorer huwykwer zàwenugar utykytykyr ywy rehe izuwi kury.

Atos 2:27

Ta'e ne no Tupàn, nerepuir kwaw ihewi nehe xe, Nahemupyta kar kwaw pe tywypaw pe nehe xe. Ihe neremimur kar ihe. Ikatu 'ym ma'e iapo pixik 'ymar ihe. Neremupuga kar pixik kwaw heretekwer nehe.

Hebreus 5:7

Ko ywy rehe wiko mehe uze'eg Zezuz Tupàn pe tuweharupi a'e. — Hepytywà pe nehe, i'i izupe tuweharupi. Uzai'o izupe uze'eg mehe no. Tupàn upuner mo imàno haw wi ipyro haw rehe a'e. Nupyro kwaw. Zezuz uzeapo ikàg 'ym ma'e romo. Weruzar Tupàn ze'eg iko tuweharupi, hemiapo putar haw iapo pà. A'e rupi Tupàn wenu ize'eg mehe.

1 Samuel 1:16

Naiko kwaw kuzà wyzài romo ihe. Aze'eg Tupàn pe nezewe ta'e azemumikahy ihe 'y, ta'e apuraraw ma'erahy ihe 'y, i'i izupe.

1 Samuel 30:6

Wikwahy Tawi rehe we har wà. Na'ikatu pixik kwaw wana'yr waneraha awer wanupe. — Xiuka Tawi ita imomomomor pà hehe, i'i uzeupeupe wà. Ipuruzuka wer hehe wà. Tupàn umur ukàgaw Tawi pe.