Jonas 1:6 - Tupàn zeꞌeg

⁶ Kanuhu heruata har wanuwihaw wexak Zon a'e pe iker mehe. Uze'eg izupe. — Màràzàwe tuwe ereker iko. Epu'àm Tupàn nezar pe zanepytywà àwàm henoz pà nehe. Aze ru'u zanepuhareko putar nehe. Aze ru'u nazanemumàno kar kwaw nehe, i'i izupe.

Jonas 1:6 ပူးပေါင်းရင်းမြစ်များ

2 Samuel 12:22

— He'en pa, i'i Tawi wanupe. — Kwarer hekuwe mehe we namai'u kwaw hehe hezai'o pà ihe. Ta'e nezewe mehe Tupàn Tuweharupi Wiko Ma'e upuner mo hepuhareko haw rehe a'e, upuner mo imàno haw wi ipyro pà mo a'e.

Ester 4:16

— Eho Zutew Xuzà tawhu pe har paw wamono'og pà nehe. Pemumaw amo 'ar pemai'u 'ym pà Tupàn pe peze'eg pà herehe nehe. Pemumaw na'iruz 'ar pemai'u 'ym pà pei'u 'ym pà nehe. Ni 'aromo ni pyhaw napemai'u kwaw nehe. Ihe ihe nehe, ihewe uma'ereko ma'e a'e wà nehe no, urumumaw putar na'iruz 'ar uremai'u 'ym pà ure nehe no. A'e re aze'eg putar aha tuwihawete pe nehe. Tàmuzgwer waze'eg nahemuze'eg kar kwaw izupe. Nezewe rehe we aze'eg putar aha izupe nehe. Aze hezuka a'e mehe nehe, àmàno putar nehe, ere izupe nehe, i'i Eter Atak pe.

Salmos 107:6

Ma'erahy ipuraraw mehe uhapukaz upytywà àwàm henoz pà wà. Tupàn Tuweharupi Wiko Ma'e upyro ma'erahy wi wà.

Salmos 78:34

Tupàn uzuka amo wà. Na'e amo uzewyr izupe wà. Uzemumikahy wemiapo kwer rehe wà. Uze'eg Tupàn pe wemu'em 'ym pà wà.

Isaías 3:15

Mo uzuhaw kar heremiaihu peme wà. Mo pemumunar kar ma'e hereko 'ymar wama'e rehe, i'i putar wanupe nehe. Zanezar Tupàn Tuweharupi Wiko Ma'e Ikàg Wera'u Ma'e uze'eg iko a'e.

Ezequiel 18:2

— Màràzàwe tuwe teko Izaew ywy rehe har umume'u wiwi ko ze'eg xiroahy wà. — Wanu u'u uwà iapyw 'ym ma'e wà. Nezewe rehe we hazahy wana'yr wanàz wanupe.

Joel 2:11

Tupàn Tuweharupi Wiko Ma'e uze'egahy wahyhaw rupi wemiruze'eg zauxiapekwer wanupe kury. Umume'u katu wanemiapo ràm wanupe. Heta tetea'u zauxiapekwer wà. Nukyze kwaw ma'e wi wà. Iaiw tuwe Tupàn Tuweharupi Wiko Ma'e i'ar a'e. Ni amo nupuner kwaw hehe wà nehe.

Amós 5:15

Tuwe ikatu 'ymaw iro peme nehe. Pezamutar katu ikatu haw nehe. Teko tuwihaw wanenataromo waho mehe wà nehe, pezeruze'egatu waneko haw rehe. Pepyhyk e zo a'e ma'e teko wanuwi nehe. Aze ru'u Tupàn Tuweharupi Wiko Ma'e Ikàg Wera'u Ma'e upuhareko putar wemiaihu uzepyro ma'e ràm a'e ma'e purumumaw paw wi wà nehe.

Jonas 3:8

Teko paw wà, ma'ea'yr paw wà no, tuwe umunehew pàn ma'eryru iapo pyr uzehe wà nehe. Tuwe teko uze'eg tuwe Tupàn pe pitàitàigatu wà nehe. Tuwe wezar wape iaiw ma'e wà nehe. Tuwe upytu'u ikatu 'ym ma'e iapo re wà nehe no.

Jonas 3:9

Aze ru'u nezewe mehe Tupàn uzewyr putar uze'eg awer wi nehe. Aze ru'u uwew putar ikwahy haw nehe. Aze ru'u numumaw kwaw Nin nehe. Nezewe mehe nazamàno kwaw nehe.

Atos 21:13

Na'e Pawru i'i urewe a'e. — Màràzàwe tuwe pezai'o peiko nezewe, hemuzemumikahy kar pà. Tuwe heàpixipixi wà nehe. Tuwe hezuka wà nehe. Herurywete nezewe mehe nehe, ta'e Zanezar Zezuz hemiruze'eg romo aiko ihe xe, ta'e ize'eg imume'u har romo aiko ihe xe, i'i urewe.

Romanos 13:11

— Zezuz uzewyr putar na'arewahy a'e nehe kury, naza'e kwaw kwehe mehe. Ko 'ar rehe Zezuz uzewyr putar na'arewahy a'e nehe kury, za'e zaiko kury. Pekwaw iàrew 'ym àwàm. A'e rupi peàrogatu tuwe nehe kury.

Efésios 5:14

Aze zazeruzar Zaneruwihawete rehe nehe, zaiko putar 'aromo wata ma'e ài nehe. A'e rupi Tupàn i'i nezewe a'e, uze'eg imuapyk kar pà pape rehe a'e. Pe uker ma'e pe. Peme'e nehe. Pepu'àm pemàno haw wi pekweraw pà nehe A'e mehe Zaneruwihawete uhyape katu putar penehe a'e nehe.