Joel 3:9 - Tupàn zeꞌeg

⁹ — Pemume'u ko ma'e teko ywy nànànar wanupe nehe. Pezemuàgà'ym zeàmàtyry'ym àwàm rehe nehe. Tupàn uzàmàtyry'ym amogwer teko a'e wà nehe. Penoz zauxiapekwer wà nehe. Tuwe zauxiapekwer paw uhem wà wà nehe. Tuwe uzemuàgà'ym zeàmàtyry'ym àwàm rehe wà nehe.

Joel 3:9 ပူးပေါင်းရင်းမြစ်များ

Salmos 96:10

Pe ywy nànànar, peze'eg nezewe nehe. — Tupàn Tuweharupi Wiko Ma'e wiko tuwihawete romo a'e. Umuàtà ywy henaw rehe kwehe mehe. Ni amo nupuner kwaw imunyrykaw rehe henaw wi wà. Umume'u katu teko wanemiapo kwer ukatu haw rupi nehe, peze nehe.

Isaías 34:1

Teko ywy nànànar wà, pezur pezeapyaka pà nehe. Teko wà, pezemono'og ko ma'e rehe peme'egatu pà nehe. Tuwe ywy nànàn wiko ma'e wenu katu ko ma'e wà nehe.

Jeremias 31:10

Tupàn Tuweharupi Wiko Ma'e uze'eg wi kury. — Teko ywy nànànar wà. Ihe Tupàn Tuweharupi Wiko Ma'e ihe, peinu heremimume'u nehe kury. Pemume'u heze'eg yrypypo'o muite wera'u ma'e rehe nehe, ywy muite wera'u ma'e rehe nehe. Ihe amuhàmuhàz teko Izaew izuapyapyr ihe wà. Amono'og wi putar ihe wà nehe no. Àràpuhàràn wamono'ogar uzekaiw katu weimaw wanehe a'e. Nezewegatete azekaiw katu putar heremiaihu wanehe ihe wà nehe no.

Jeremias 50:2

Pemume'u ko ze'eg ywy nànàn nehe. Pemume'u teko nànàn nehe. Pemume'u uzeapo romo ma'e kwer imuhàmuhàz pà nehe. Pezumim zo puruwi nehe. Mawiron u'ar a'e. Watupàn Mew-Marunuk ipuner haw uhem izuwi. Maranugar haw upyk tupàn a'ua'u Mawiron pe har wà. Wanagapaw purumuhuhuk ma'e tynehem kyze haw pupe wà.

Jeremias 51:11

Tupàn Tuweharupi Wiko Ma'e ipurumumaw wer Mawiron rehe a'e, a'e rupi uma'ereko Mez wanuwihawete wapy'a pupe a'e. A'e rupi uzàmàtyry'ym oho wà kury. Nezewe mehe uzepyk putar wanehe nehe, ta'e umumew hàpuzuhu a'e wà xe. Nezewe haw tuwihaw uzapo kar wà. — Pemuaime penu'yw nehe. Pemuàgà'ym pemimaw nehe no.

Jeremias 51:27

— Pemono kar zauxiapekwer iàmàtyry'ym kar pà wanupe nehe. Pezupy pexi'àm ma'e 'ak kwer iapo pyrer nehe. Nezewe mehe teko wenu putar wà nehe. Pemuàgà'ym teko ywy tetea'u rehe har pe wà nehe, Mawiron iàmàtyry'ym kar pà wanupe pe wà nehe. Peze'eg Ararat ywy rehe har wanupe nehe, Mini ywy rehe har wanupe nehe no, Azkenaz ywy rehe har wanupe nehe no. Pexak amo awa zauxiapekwer wanuwihaw romo imuigo kar pà nehe. Perur kawaru tetea'u pe wà nehe. Tuwe waneta haw nuzawy kwaw tukur tetea'u waneta haw nehe. Tuwe nuzawy kwaw ywàkun nehe.

Jeremias 6:4

Uze'eg putar nezewe wà nehe. — Pezemuàgà'ym tawhu iàmàtyry'ymaw rehe nehe ty wà, i'i putar wà nehe. — Pezemuàgà'ym nehe. Zaha ikutyr kwarahy wapyter pe hin mehe nehe, i'i putar wà nehe. A'e re uze'eg putar nezewe wà nehe. — Upaw etea'i 'ar. Kwarahy wixe etea'i oho. I'àgaw ipukua'u kury.

Ezequiel 38:17

Ereiko heremimume'u kwer kwehe arer romo ne. Amuze'eg kar heze'eg imume'u har Izaew wainuromo har ihe wà. — Amo 'ar mehe nehe, arur putar amo zauxiapekwer teko Izaew waàmàtyry'ym kar pà wanupe ihe wà nehe, i'i teko wanupe wà, heze'eg imume'u pà wà. Zanezar Tuweharupi Wiko Ma'e uze'eg kwez kury.

Ezequiel 38:7

— Ezemuàgà'ym nehe, ere izupe nehe. — Emuàgà'ym neremiruze'eg zauxiapekwer ne wà nehe no, ere izupe nehe.

Miquéias 3:5

Tupàn ze'eg imume'u har hemu'em teko wanupe wà. Aze pemono ma'e wanupe, — Ikatuahy putar peneko àwàm nehe, i'i peme wà. Aze napemono kwaw ma'e wanupe, — Zeàmàtyry'ymawhu ur putar peme nehe, i'i peme wà. Nezewe uze'eg Tupàn Tuweharupi Wiko Ma'e iko a'e uze'eg imume'u mua'u har wanupe.

Ageu 2:7

Amuryryryryz kar putar teko ywy nànànar ihe wà nehe no. Amo werur putar wemetarer xe heràpuzuhu Zeruzarez pe har pe a'e wà nehe. Nezewe amynehem putar heràpuzuhu ma'e puràg eteahy ma'e pupe ihe nehe.

Zacarias 14:2

Tupàn Tuweharupi Wiko Ma'e omono'og putar teko ywy nànànar Zeruzarez iàmàtyry'ym kar pà wanupe wà nehe. Upyro putar tawhu wà nehe. Weraha putar tàpuz me har paw uzeupi wà nehe. Uzapo putar a'e iaiw ma'e kuzàgwer wanupe wà nehe. Weraha putar amo teko a'e pe har weko haw pe wemipyhyk kwer romo wà nehe. Amogwer upuner putar upyta haw rehe Zeruzarez pe wà nehe.

Zacarias 14:3

A'e re Tupàn Tuweharupi Wiko Ma'e uhem putar oho a'e ywy nànànar wàmàtyry'ym pà nehe. Kwehe mehe uzàmàtyry'ym oho wà. Uzàmàtyry'ym wi putar nezewegatete wà nehe no.