Joel 2:5 - Tupàn zeꞌeg

⁵ Opoopor wà waiko ywytyr apyr wà. Wànoànog ywyramawa zeàmàtyry'ymaw pe har wazàwe wà. Ywyra àkàgwer uxinig ma'e opoopok tata pupe. Nezewegatete opoopok a'e tukur ur mehe wà no. Nuzawy kwaw zauxiapekwer tetea'u zeàmàtyry'ymaw pe uzemuàgà'ym ma'e kwer wà.

Joel 2:5 ပူးပေါင်းရင်းမြစ်များ

Jó 39:20

Opoopor tukur ài wà. Aipo ereiko wamopor kar har romo ne. Teko ipytuhegatu waze'eg mehe. Aipo ereiko wamuze'eg kar har romo.

Êxodo 5:12

Na'e a'e teko uhàuhàz Ezit ywy rehe paw rupi wà, ka'api'i imono'ono'og pà wà. Te ka'api'i pykwer imonohok pyrer omono'og wà.

Isaías 30:30

Teko paw wenu putar Tupàn Tuweharupi Wiko Ma'e ize'eg ikatuahy ma'e. Wexak kar putar wekwahy haw ipuruzukaiw ma'e wanupe nehe. Heta putar tata hakuahy ma'e wenataromo har paw hapy har nehe. Heta putar 'y ywy ipykar nehe no. Ywytu ur putar àmàn inuromo nehe. Ita tetea'u ukyr putar àmàn ài nehe. Upir putar uzywa ikàg ma'e teko wanehe uzepyk pà nehe.

Isaías 5:24

Tata wapy ka'axinig. Tata heny kwer umumaw ka'api'i. Nezewegatete pekàzym putar upaw rupi nehe. Peiko putar ywyra hapo ipuga ma'e kwer ài nehe. Ywytu weraha ma'eputyr ywyra wi ywyku'i kwer ài a'e. Naperuzar kwaw Tupàn Tuweharupi Wiko Ma'e Ikàg Wera'u Ma'e ize'eg. Napezekaiw kwaw Izaew Wazar Ikatuahy Ma'e hemiapo karer rehe.

Jeremias 50:42

Heta tetea'u ywyrapar wanupe. Heta tetea'u takihepuku wanupe no. Puruzuka haw ikatu wanupe. Nupurupuhareko kwaw wà. Ur kawaru kupe pe wà. Waànoànogaw nuzawy kwaw yryhu wikwahy ma'e iànoànogaw. Uzemuàgà'ym kwez Mawiron iàmàtyry'ym àwàm rehe wà.

Mateus 3:12

— Yrypemutu opo pe hereko har umuwewe aroz apirer heityk pà izuwi a'e. Omono'og aroz hyru pupe. Wapy iapirer tata pupe. Heraikweromo ur ma'e ràm wiko a'e yrypemutu hereko har zàwenugar romo a'e. (Uzeruzar ma'e a'e wà, aroz ài wanekon a'e wà. Omono kar putar Tupàn pyr a'e wà nehe. Uzeruzar 'ym ma'e a'e wà, iapirer ài wanekon a'e wà. Omono kar putar tatahu pe a'e wà nehe, a'e tata uwew 'ym ma'e pupe a'e wà nehe, i'i Zuàw a'e, a'e ze'eg kwehe arer kwaw par wanupe a'e).

Apocalipse 9:9

Umunehew ukamir tàtàahy ma'e wà, uzeywà haw wi wà. Wapepo wànoànog wà. Wapepo iànoànogaw nuzawy kwaw ywyramawa tetea'u puràmàtyry'ymaw pe oho ma'e a'e wà.