Joel 2:27 - Tupàn zeꞌeg

²⁷ Pekwaw putar penehe we hereko haw nehe. Pekwaw putar Tupàn Tuweharupi Wiko Ma'e pezar romo hereko haw nehe no. Pekwaw putar amo ae tupàn heta 'ymaw nehe no. Heremiaihu na'imaranugar wi pixik kwaw wà nehe, i'i Tupàn.

Joel 2:27 ပူးပေါင်းရင်းမြစ်များ

Salmos 46:5

Tupàn wiko a'e tawhu pupe. Teko nuityk pixik kwaw a'e tawhu wà nehe. Ku'em mehe izi'itahy Tupàn upytywà putar a'e tawhu a'e nehe.

Salmos 68:18

Uzeupir ywate wera'u har pe. Weraha teko wemipyhyk kwer tetea'u uzeupi uzeupir mehe wà. Te awa Tupàn heruzar 'ymar weraha ma'e imono pyràm izupe wà. Tupàn Tuweharupi Wiko Ma'e wiko putar a'e pe nehe.

Provérbios 1:23

Amume'u putar penemiawy kwer peme nehe. Pezeapyaka katu imume'u mehe nehe. Amume'u putar pureruze'egaw ikatu ma'e peme nehe no. Amuza'ak putar hema'ekwaw paw ipehegwer imono pà peme nehe no.

Isaías 12:6

Xiàw rehe har wà, penurywete nehe. Pemume'u Tupàn ikatu haw nehe, ta'e Tupàn Izaew wazar Ikatuahy Ma'e Ikàg Ma'e a'e xe, wiko wemiaihu wainuinuromo a'e xe.

Isaías 44:3

Amugyr kar putar àmàn ywyxiguhu rehe ihe nehe. Amuyryk kar putar yrykawhu ywy uxinig ma'e kwer rehe nehe no. Nezewegatete azakook putar Herekwe nezuapyapyr wanehe 'y ài nehe. Amono putar heze'egatu wanehe nehe.

Isaías 44:8

Heremiaihu wà, pekyze zo nehe. Pekyze wera'u zo nehe. Izypy mehe arer we amume'u uzeapo ma'e ràm paw peme. Pekwaw heremimume'u kwer. Aipo heta amo tupàn ikàg ma'e hezàwenugar. Nan. Naheta kwaw amo purehe uzekaiw ma'e. Nakwaw kwaw ni pitài ihe.

Isaías 45:18

Tupàn Tuweharupi Wiko Ma'e ywak iapo arer a'e, wiko Tupàn romo a'e. Xo pitài Tupàn heta. Uzapo ywy. Omono hexakaw ikwaw paw izupe no. Umuapyk henaw rehe no. Nuzapo kwaw ma'e heta 'ymaw romo. Uzapo uzehe wiko ma'e wanereko har romo. Uze'eg Tupàn Tuweharupi Wiko Ma'e nezewe. — Aiko Tupàn Tuweharupi Wiko Ma'e romo ihe. Naheta kwaw amo tupàn ihewi.

Isaías 45:5

Xo ihe zo aiko Tupàn Tuweharupi Wiko Ma'e romo ihe. Naheta kwaw amo tupàn wà. Nahekwaw kwaw pe ne. Nezewe rehe we amono hekàgaw newe. A'e rupi erepuner neàmàtyry'ymar waneitykaw rehe.

Isaías 45:6

Azapo nezewe haw ihe. Nezewe mehe teko ywy nànànar wà, ywy kwarahy hemaw rehe har wà, ywy kwarahy heixe haw rehe har wà no, upaw rupi ukwaw Tupàn romo hereko haw wà. Ukwaw amo tupàn heta 'ymaw wà no. Xo ihe zo aiko Tupàn Tuweharupi Wiko Ma'e romo ihe.

Isaías 46:9

Pema'enukwaw ma'e kwehe mehe uzeapo ma'e kwer rehe nehe. Xo ihe zutyka'i aiko Tupàn romo ihe. Pekwaw hereko haw. Naheta kwaw amo hezàwenugar.

Isaías 49:23

Tuwihawete amo ae ywy rehe har uzekaiw katu putar pememyr wanehe a'e wà nehe. Tuwihawete kuzà wiko putar wanehe uzekaiw ma'e romo wà nehe no. Tuwihawete wà, tuwihawete kuzà wà no, uzeamumew putar upenàràg rehe wapyk pà penenataromo wà nehe. Umuhyk putar uwa ywy rehe wà. Uwerew putar ywy imuku'i pyrer pepy wi u'ar ma'e kwer wà nehe no. Nezewe mehe pekwaw putar Tupàn Tuweharupi Wiko Ma'e romo hereko haw nehe. Herehe uzeruzar ma'e nuzemumikahy pixik kwaw wà nehe, i'i Tupàn.

Isaías 53:6

Zane paw zaiko àràpuhàràn hawitu ma'e ukàzym ma'e kwer ài zane. Zane pitàitàigatu zaha zaiko zanerape rupi zane. Tupàn Tuweharupi Wiko Ma'e uzepyk wemiruze'eg rehe. Upuraraw kar ma'erahy izupe zanekatu 'ymaw hekuzaromo. Nupuraraw kar kwaw a'e ma'erahy zanewe a'e.

Ezequiel 37:6

Amono putar to'ohàm peme nehe. Amono putar to'o peme nehe no. Apupyk putar pepir ràm pupe nehe no. Amono putar pytuhemaw pepupe nehe no. Nezewe mehe pekwaw putar Tupàn Tuweharupi Wiko Ma'e romo herekuwe haw nehe, i'i.

Ezequiel 39:22

A'e 'ar henataromo nehe, Izaew ukwaw putar Tupàn Tuweharupi Wiko Ma'e romo uzar romo herekuwe haw wà nehe.

Ezequiel 39:28

Na'e heremiaihu ukwaw putar ihe Tupàn Tuweharupi Wiko Ma'e romo uzar romo herekuwe haw a'e wà nehe. Ta'e araha kar waiwy wi zauxiapekwer wanupe amo wanemipyhyk kwer romo wamuigo kar pà ihe wà xe. Ko 'ar rehe amono'og wi waneruzewyr pà wà kury. Naezar kwaw ni pitài muite waiwy wi ihe wà.

Ezequiel 39:29

Azakook putar herekwe teko Izaew izuapyapyr wanehe nehe. Natyryk wi kwaw wanuwi nehe. Ihe nezar Tuweharupi Wiko Ma'e aze'eg kwez kury.

Joel 2:26

Pereko putar penemi'u ràm tetea'u nehe. Napepuner kwaw a'e ma'e paw i'u haw rehe nehe. Pemume'u putar Tupàn Tuweharupi Wiko Ma'e pezar ikatu haw nehe. Ta'e umur ma'e ikatuahy ma'e tetea'u peme a'e xe. Heremiaihu na'imaranugar wi pixik kwaw wà nehe.

Joel 3:17

Nezewe pekwaw putar Tupàn Tuweharupi Wiko Ma'e pezar romo hereko haw nehe. Aiko Xiàw pe ihe, ywytyr ihewe imonokatu pyrer pe ihe. Zeruzarez uzeapo putar tawhu ikatuahy ma'e romo nehe. Teko amo ae ywy rehe har nupyro pixik kwaw a'e tawhu wà nehe.

Sofonias 3:11

Pe heremiaihu pe. Pemumaw kwarahy tetea'u heputar 'ym pà pezar romo. A'e 'ar mehe nehe, pepytu'u putar heputar 'ym awer rehe pemaranugar ire nehe. Ta'e amukàzym kar putar wiko wera'u ma'e pemyter wi wà nehe xe. Amukàzym kar putar heko kateteahy wera'u ma'e pemyter wi wà nehe no. Napeiko wi pixik kwaw wiko wera'u ma'e heywytyr imonokatu pyrer rehe nehe.

Sofonias 3:17

Ta'e Tupàn Tuweharupi Wiko Ma'e pezar wiko penehe we a'e xe. Ikàg a'e. Pepyro putar nehe. Hurywete putar penehe nehe. Peamutar katu, a'e rupi umur putar peneko haw pyahu ma'e peme nehe. Uzegar putar Tupàn nehe. Hurywete putar nehe.

Zacarias 2:9

A'e rupi ihe ae apuàmàtyry'ym putar ihe nehe. Araha kar putar penemetarer paw pewi nehe, penemipyhyk kwer wanupe nehe, i'i Tupàn peme, a'e wanupe. A'e ma'e izeapo mehe pekwaw putar Tupàn Ikàg Wera'u Ma'e heremimur karer romo heko haw nehe, a'e wanupe.

Números 11:29

Na'e uwazar ize'eg izupe. — Nema'enukwaw zo hereko haw rehe nehe. Ihe hema'enukwaw hereko haw rehe ihe. Aze mo Tupàn Tuweharupi Wiko Ma'e umur wekwe 'aw teko nànàn, ikatu mo ihewe. Aze mo umuigo kar uze'eg imume'u har romo paw rupi wà, ikatu mo ihewe, i'i.

Números 23:21

Aexak Izaew waneko àwàm ihe. Naheta kwaw iaiw haw wanupe nehe. Naheta kwaw ma'erahy wanupe nehe. Tuweharupi Wiko Ma'e a'e, wazar a'e, wiko wanehe we a'e. Teko uhapukaz wà. — Tuweharupi Wiko Ma'e wiko zaneruwihawete romo a'e, i'i wà.

2 Coríntios 6:16

Tupàn a'ua'u wanàpuz me uzemono'og ma'e a'e wà, noho kwaw Tupànete hàpuzuhu pupe a'e wà. Uruiko Tupàn hàpuzuhu ài ure. Nezewe i'i Tupàn ze'eg kwehe arer a'e. — Aiko putar wapyr ihe nehe. Aiko putar watupàn romo ihe nehe. Wiko putar heremiaihu romo a'e wà nehe no.

Deuteronômio 23:14

Tupàn Tuweharupi Wiko Ma'e Zanezar wiko peker haw pe penehe uzekaiw pà a'e. Weityk kar putar peàmàtyry'ymar peme wà nehe. A'e rupi pemukatu peker haw nehe. Nezewe mehe Tupàn nuexak kwaw iro ma'e a'e pe nehe. Nezewe mehe nuhem kwaw pewi peneityk pà nehe.

1 Pedro 2:6

Ta'e nezewe i'i Tupàn ze'eg kwehe arer a'e xe. — Teko wexak ita ikatu ma'e a'e wà, tàpuz iwy pe har romo a'e wà. Nezewegatete aexak penuwihawete ihe no. Xiàw taw pe wiko putar a'e nehe. Hehe uzeruzar ma'e a'e wà nehe, nuzemumikahy pixik kwaw a'e wà nehe. Hurywete putar wà nehe, ta'e uzeruzar hehe wà nehe xe.

Apocalipse 21:3

Aenu amo ma'e uze'eg mehe uhapukaz mehe tuwihaw henaw pe ihe. — Tupàn heko haw a'e kury, teko wapyr tuz a'e kury, i'i iko. — Tupàn wiko putar wapyr a'e nehe. Hemiruze'eg romo wanekon putar a'e wà nehe no. Tupàn a'e ae wiko putar wapyr nehe, wainuromo nehe. Wiko putar wazar romo nehe. Wiko putar wanuwihaw romo nehe.