Joel 2:26 - Tupàn zeꞌeg

²⁶ Pereko putar penemi'u ràm tetea'u nehe. Napepuner kwaw a'e ma'e paw i'u haw rehe nehe. Pemume'u putar Tupàn Tuweharupi Wiko Ma'e pezar ikatu haw nehe. Ta'e umur ma'e ikatuahy ma'e tetea'u peme a'e xe. Heremiaihu na'imaranugar wi pixik kwaw wà nehe.

Joel 2:26 ပူးပေါင်းရင်းမြစ်များ

Gênesis 33:11

— Arur ma'ea'yr newe wà, arur ma'e newe no. Epyhyk ne wà nehe ty. Tupàn uzapo ikatu ma'e tetea'u ihewe tuweharupi a'e. Aze nuhyk kwaw ma'e ihewe, Tupàn umur a'e ma'e ihewe. Epyhyk tuwe ne wà nehe, i'i wyky'yr pe.

Neemias 9:25

Neremiaihu upyro tawhu wà. Pàrirogawtàtà iaiha ma'e umàmàn a'e tawhu waiwyr. Upyro ywy ikatu ma'e wà. Upyro tàpuz temetarer pupe tynehem ma'e wà no. Upyro ywykwar 'y rehe we har romo iapo pyrer wà. Upyro amo ma'e wà no: Uri 'yw, ma'e'a 'yw, ma'ywa tyw. U'u ma'e wemimutar paw wà. Te ikyra katu wà. Upyro ikatu ma'e neremimur kwer paw rupi katete wà.

Salmos 103:5

Hemurywete kar ikatu ma'e tetea'u imur pà ihewe. A'e rupi aikuwe kwàkwàmo ài. Hekàg wiràhu ài.

Salmos 116:7

Ezeruzar wiwi Tupàn Tuweharupi Wiko Ma'e rehe nehe, a'e hezeupe, Ta'e ikatuahy ihewe tuweharupi a'e xe.

Salmos 13:6

Amuzàg putar zegar haw newe nehe, o Tupàn Tuweharupi Wiko Ma'e pe, Ta'e nekatuahy ihewe ne xe.

Salmos 22:26

Ma'e hereko 'ymar u'u putar a'e ma'ea'yr ho'o kwer a'e wà nehe. Uhyk putar wanupe nehe. Tupàn Tuweharupi Wiko Ma'e imuwete katu har umume'u putar ikatu haw wà nehe. Tuwe uhyk wama'e wanupe tuweharupi nehe. Tuwe hurywete wà nehe.

Salmos 37:19

Kwarahy ikatu 'ym ma'e mehe nupuraraw kwaw ma'erahy wà nehe. Heta putar wanemi'u ràm wanupe ma'uhez taw uhua'u ma'e mehe nehe.

Salmos 67:5

Tuwe teko ywy nànànar umume'u nekatu haw wà nehe, o Tupàn. Tuwe teko paw umume'u nekatu haw wà nehe.

Salmos 72:18

Pemume'u Tupàn Tuweharupi Wiko Ma'e ikatu haw, Izaew wazar ikatu haw nehe, Ta'e a'e ikatuahy ma'e iapo har romo hekon a'e xe.

Provérbios 13:25

Heta temi'u tetea'u teko ikatu ma'e wanupe. Ikatu 'ym ma'e ima'uhez wà.

Cânticos dos Cânticos 5:1

Aixe hema'etymaw pupe ihe, heremireko ràm heremiamutar katu. Amono'og mir iteko ihe. Amono'og amo ka'a hyàkwegatu ma'e iteko ihe no. A'u hàir hàtàgwer iteko ihe. A'u hewin iteko. A'u hereimaw kamykwer iteko no. — Pezeamutamutar katu nehe. Pemai'u nehe. Pei'u nehe. Te pezeamutar katu haw pemuka'u putar nehe.

Isaías 25:1

O Tupàn Tuweharupi Wiko Ma'e, ereiko hezar romo. Urumuwete katu ihe. Amume'u putar nerer ikatu haw nehe, ta'e erezapo ikatuahy ma'e tetea'u ne xe. Erezapo tuwe ma'e neremimume'u kwer rupi katete ne. Kwehe mehe eremume'u neremiapo ràm purupe. Erezapo a'e ma'e iko tuweharupi neze'eg awer rupi katete.

Isaías 29:22

Tupàn Tuweharupi Wiko Ma'e, upyro Àmàrààw ikatu 'ymaw wi imàno haw wi a'e. Uze'eg iko teko Izaew izuapyapyr wanehe kury. — Heremiaihu nuzemumikahy wi kwaw wà nehe. Na'imaranugar pixik kwaw wà nehe.

Isaías 45:17

Tupàn Tuweharupi Wiko Ma'e upyro teko Izaew a'e wà. Numuhem kar pixik kwaw wapyro haw wi wà nehe. Ni amo numuigo kar pixik kwaw ikàg 'ym ma'e romo wà nehe. Na'imaranugar pixik kwaw wà nehe.

Isaías 49:23

Tuwihawete amo ae ywy rehe har uzekaiw katu putar pememyr wanehe a'e wà nehe. Tuwihawete kuzà wiko putar wanehe uzekaiw ma'e romo wà nehe no. Tuwihawete wà, tuwihawete kuzà wà no, uzeamumew putar upenàràg rehe wapyk pà penenataromo wà nehe. Umuhyk putar uwa ywy rehe wà. Uwerew putar ywy imuku'i pyrer pepy wi u'ar ma'e kwer wà nehe no. Nezewe mehe pekwaw putar Tupàn Tuweharupi Wiko Ma'e romo hereko haw nehe. Herehe uzeruzar ma'e nuzemumikahy pixik kwaw wà nehe, i'i Tupàn.

Isaías 54:4

Ekyze zo nehe. Nanemaranugar kwaw nehe. Nepytuhegatu zo nehe, ta'e ni amo nanemuigo kar kwaw ikàg 'ym ma'e romo a'e wà nehe xe. Nekuzàtài mehe uzapo iaiw ma'e newe imaranugar ma'e romo nemuigo kar pà wà. Nereharaz putar a'e uzeapo ma'e kwer wi nehe. Nanema'enukwaw kwaw iaiw ma'e newe uzeapo ma'e kwer rehe nehe, kuzà imen umàno ma'e kwer romo nereko mehe uzeapo ma'e kwer rehe nehe.

Isaías 55:2

Màràzàwe tuwe pemono penemetarer penemi'u 'ym imekuzar pà. Màràzàwe mehe tuwe pemumaw penemetarer pema'ereko haw hekuzar penemi'u 'ym ime'eg kar pà. Aze peinu heremiapo kar nehe, aze peruzar nehe, Pe'u putar temi'u ikatu wera'u ma'e nehe. Heta putar temi'u hete katu wera'u ma'e peme nehe.

Levítico 25:19

Hezuz putar penemipo'o ràm hehe nehe. Temi'u uhyk putar teko nànàn nehe. Paw rupi wiko putar hehe ma'e ukyze 'ym pà wà nehe.

Levítico 26:26

Azepyk putar penehe nehe. A'e rupi penemi'u ràm upaw etea'i putar nehe. 10 kuzà upuner putar wemi'u ràm typy'ak iapo haw rehe pitài zepehe pupe wà nehe. Pitàitàigatu teko upyhyk putar temi'u pixika'i ma'e wà nehe. Nuhyk pixik kwaw wanupe nehe.

Levítico 26:5

Heta tetea'u putar arozràn ipo'o pyr nehe. Uwà ipo'o haw 'ar mehe pemono'og wiwi putar arozràn peiko nehe. Arozràn à'yz ko pe itymaw 'ar mehe pepo'o wiwi putar uwà peiko nehe. Heta putar temi'u peme paw rupi nehe. Peiko katu ko ywy rehe pekyze 'ym pà nehe.

Miquéias 6:14

Penemi'u ràm nuhyk kwaw peme nehe. Pema'uhez putar tuweharupi nehe. Peporomono'og wer putar penemetarer tetea'u rehe nehe. Napepuner kwaw wyzài penemetarer imono'ogaw rehe nehe. Aze pemonokatu amo ma'e pe nehe, amuaiw kar putar a'e ma'e zauxiapekwer wanupe peàmàtyry'ym kar mehe ihe nehe.

Sofonias 3:11

Pe heremiaihu pe. Pemumaw kwarahy tetea'u heputar 'ym pà pezar romo. A'e 'ar mehe nehe, pepytu'u putar heputar 'ym awer rehe pemaranugar ire nehe. Ta'e amukàzym kar putar wiko wera'u ma'e pemyter wi wà nehe xe. Amukàzym kar putar heko kateteahy wera'u ma'e pemyter wi wà nehe no. Napeiko wi pixik kwaw wiko wera'u ma'e heywytyr imonokatu pyrer rehe nehe.

Zacarias 9:15

Tupàn Ikàg Wera'u Ma'e upyro putar wemiaihu wà nehe. Uzuka putar wàmàtyry'ymar zauxiapekwer wà nehe. Umumaw putar watakihepuku wà nehe, wapurukutukaw wà nehe. Ui'u putar wàmàtyry'ymar wanuwykwer win i'u haw ài wà nehe. Tynehem putar kanek win pupe tynehem ma'e ài wà nehe, ipor ma'ea'yr hapy haw 'aromo izakook pyrer ài wà nehe.

Zacarias 9:17

Ko ywy ikatuahy putar nehe. Ipuràg eteahy putar nehe no. Heta tetea'u putar arozràn i'u pyràm nehe. Heta tetea'u putar win nehe no. Uhyk putar nehe. Kwàkwàmo tua'u putar ikàg ma'e romo ipuràg eteahy ma'e romo wà nehe. Kuzàwaza ihya'u putar ikàg ma'e romo ipuràg eteahy ma'e romo wà nehe no.

Romanos 10:11

Nezewe i'i ze'eg kwehe arer a'e. — Hehe uzeruzar ma'e ràm nuzemumikahy pixik kwaw hehe uzeruzar haw rehe a'e wà nehe, na'imaranugar pixik kwaw izuwi a'e wà nehe, i'i ze'eg kwehe arer.

Romanos 5:5

Tupàn uzapo putar ma'e uze'eg rupi wemimume'u kwer rupi azeharomoete a'e nehe, ta'e zaneamutar katu a'e xe. Tekwe Puràg ukwaw kar zaneamutar haw iko zanepy'a pupe a'e. Tupàn umur e Wekwe Puràg zanewe.

Romanos 9:33

Nezewe i'i Tupàn ze'eg pape rehe imuapyk pyrer a'e. — Amono kar putar amo awa Xiàw ywytyr pe ihe nehe (Zeruzarez tawhu pe ihe nehe). A'e awa wiko putar itahu ài a'e pe har wanupe nehe. A'e ita umu'ar kar putar teko a'e wà nehe. Aze teko uzeruzar hehe wà nehe, hurywete putar a'e re wà nehe.

Deuteronômio 11:15

Heta putar ka'api'i tapi'ak wanupe nehe. Uhyk putar penemi'u peme nehe no.

Deuteronômio 12:12

Tupàn Tuweharupi Wiko Ma'e Zanezar henataromo teko paw hurywete putar wà nehe: pe, pena'yr wà, penazyr wà, peme uma'ereko e ma'e awa wà, peme uma'ereko e ma'e kuzà wà, Erewi izuapyapyr tawhu peneko haw pe wiko ma'e wà. Nupyhyk kwaw ywy Kànàà ywy rehe amogwer Izaew ta'yr wazuapyapyr wazàwe wà.

Deuteronômio 12:18

Pe'u putar ma'ea'yr izuka pyrer ho'o kwer a'e pe henataromo nehe: pe, pena'yr wà, penazyr wà, peme uma'ereko e ma'e awa wà, peme uma'ereko e ma'e kuzà wà, Erewi izuapyapyr tawhu peneko haw pe wiko ma'e wà. Paw rupi hurywete putar wà nehe, ta'e Tupàn omono uze'egatu pema'ereko haw rehe a'e xe.

Deuteronômio 12:7

A'e pe Tupàn Tuweharupi Wiko Ma'e Zanezar henataromo pe nehe, peànàm a'e wà nehe no, pe'u putar ma'ea'yr penemimur kwer ho'o kwer ikurer nehe. Penurywete putar nehe, ta'e Tupàn omono uze'egatu pema'ereko haw rehe a'e xe.

Deuteronômio 8:10

Aze peputar amo ma'e penemi'u ràm romo nehe, uhyk putar peme nehe. Pemume'u putar Tupàn Tuweharupi Wiko Ma'e Zanezar ikatu haw izupe nehe. Ta'e umur ywy ikatu ma'e peme a'e xe.

1 Timóteo 6:17

Eze'eg hemetarer katu ma'e wanupe nehe. — Peiko zo amogwer wanuwi ikatu wera'u ma'e romo nehe, ere wanupe nehe. — Aze ukàzym neremetarer newi nehe, ma'e ere'u putar nehe, ere wanupe nehe. — Nema'enukwaw tetea'u zo neremetarer rehe nehe. Nema'enukwaw tetea'u Tupàn rehe nehe, ere wanupe nehe. Ta'e umur ma'e tetea'u zanewe paw rupi a'e xe, zanemurywete kar pà a'e xe, ere wanupe nehe.

1 João 2:28

Azeharomoete ko heze'eg ihe, hepurumuzàmuzàg wà. Zaneruwihawete ur putar nehe. Peiko hemiruze'eg romo nehe. A'e rupi teko wanuwa rupi uzexak kar mehe nehe, nazakyze kwaw izuwi zane nehe. Zanekàg putar nehe. Nazazeàmim kwaw izuwi a'e 'ar mehe nehe, tur mehe nehe, ta'e nazanemaranugar kwaw izuwi zane nehe xe, huwa rupi zane nehe xe.