Joel 2:10 - Tupàn zeꞌeg

¹⁰ Wata oho waiko upytu'u 'ym pà wà. Ywy uryryryryz iko a'e. Ywak uryryryryz iko a'e no. Kwarahy upytu'u uhyape katu re. Zahy upytu'u uhyape katu re. Zahytata upytu'u uhyape katu re wà no.

Joel 2:10 ပူးပေါင်းရင်းမြစ်များ

Salmos 114:7

Eryryryryz zanezar tur mehe nehe, ywy. Eryryryryz Tupàn Zako izar henataromo nehe,

Salmos 18:7

Na'e ywy uryryryryz tuwe uzemuaiw pà a'e. Ywytyr ipy uryryryryz uwauwak pà a'e wà no, Ta'e wikwahy Tupàn a'e xe.

Isaías 13:10

Zahytata paw upytu'u putar weny katu re wà nehe. Uhem ire na'arewahy kwarahy ipihun putar nehe. Zahy upytu'u weny katu re a'e nehe no.

Isaías 34:4

Tupàn umumaw putar kwarahy nehe, zahy nehe no, zahytata wà nehe no. Ywak uzemàzemàn putar pape huwer ài nehe. Huwer u'ar uwà 'yw wi wà. Huwer u'ar pi 'yw wi wà. Nezewegatete zahytata paw u'ar putar ywak wi nehe.

Isaías 5:30

A'e 'ar ihem mehe a'e teko wànoànog putar yryhu ài Izaew wanehe ipuràmàtyry'ym wer pà wà nehe. Aze amo ume'e ywy rehe wà nehe, xo ipytunahy haw zo wexak putar wà nehe. Wexak putar zemumikahy haw wà nehe. Wexak putar ywàkun ipihun ma'e tatainy ipykaw wà nehe.

Jeremias 4:23

Na'e ame'e kury. Naheta kwaw ma'e iapo katu haw ywy rehe. Naheta kwaw wikuwe ma'e wà no. Naheta kwaw tatainy ywak rehe.

Joel 2:2

Ipytun putar a'e 'ar mehe nehe. Nuzawy kwaw kwarahy heta 'ymaw nehe. Ywàkun ipihunahy putar a'e 'ar mehe wà nehe. Tukur ur zauxiapekwer tetea'u ikàg ma'e wazàwe wà. Nuzawy kwaw ywàkun ywytyr ipykaw wà. Ko 'ar 'ym mehe we teko nuexak pixik kwaw agwer ma'e wà. Ko 'ar henataromo nuexak pixik kwaw agwer ma'e wà nehe no.

Joel 2:31

Kwarahy upytu'u putar uhyape katu re nehe. Zahy uzexak kar putar tuwykwer ài nehe. A'e ma'e paw uzeapo putar nehe, Tupàn Tuweharupi Wiko Ma'e i'ar iaiw ma'e ihem 'ym mehe nehe, i'i Tupàn.

Joel 3:4

Teko Xir tawhu pe har wà, teko Xitom tawhu pe har wà, teko Piri ywy rehe har wà, ma'e peputar nehe. Ma'e amono putar peme nehe. Aipo pezepyk wer herehe. Aze a'e rupi nehe, ihe azemuàgà'ym penehe hezepyk àwàm rehe ihe nehe no.

Amós 5:8

Tupàn uzapo zahytata wà. Uzapo 7 àràpuhàrànetea'yr wanagaw paw zahytata wanehe har. Uzapo na'iruz Mari wanagapaw zahytata wanehe no. Uzapo pytunaw 'ar romo. Uzapo 'ar pytunaw romo no. Wenoz 'y yryhu pe har ywy rehe izakook pà. Tupàn Tuweharupi Wiko Ma'e her romo a'e.

Naum 1:5

Ywytyruhu uryryryryz henataromo wà. Ywytyra'i uzekazeka wà. Izexak kar mehe ywy a'e, hehe har paw a'e wà no, uryryryryz a'e wà no.

Mateus 24:29

Uze'eg wi Zezuz urewe. — A'e ma'erahy ipaw ire nehe, kwarahy uwew putar a'e nehe, zahy nuhyape kwaw a'e nehe no. Zahytata u'ar putar kwaw pà ywak wi a'e wà nehe no. Ma'e ywak rehe har uryryryryz putar a'e wà nehe no.

Mateus 27:51

Pàn pupir uhua'u ma'e Tupàn hàpuzuhu pupe heta a'e, imuzaiko pyrer romo a'e. Zezuz imàno re uzemu'i a'e pàn pupir uhua'u ma'e a'e kury. Uzemu'i mokoz pehegwer romo. Uzypyrog uzemu'i pà ywate wi te ywy kutyr rehe. Ywy uryryryryz a'e no. Itahu tetea'u uzekazeka no.

Atos 2:20

Kwarahy ipytunahy putar puruwi nehe Zahy nehe no, nuzawy kwaw ma'e huwykwer nehe no, Pezar Ikàg Ma'e Ipuràg eteahy Ma'e tur etea'i mehe nehe.

Apocalipse 20:11

Na'e aexak tuwihaw henaw uhua'u ma'e xig ma'e ihe kury. Aexak hehe wapyk ma'e ihe no. Na'e ywy a'e, ywak a'e no, ukàzym oho a'e wi izuwi a'e wà. Ni amo nuexak pixik kwaw waho haw wà. Ni amo nuexak kwaw a'e re wà.

Apocalipse 6:12

Na'e Àràpuhàràna'yr zàwenugar wexak kar amo pape pehegwer ihewe kury. 6 haw ma'erexak kar haw a'e pehegwer her romo a'e. Na'e ywy uryryryryz tuwe a'e kury. Kwarahy uwew a'e no. Ipytunahy pàn ipihun ma'e ài. Zahy ipiràg ma'eruwy kwer ài paw rupi a'e no.

Apocalipse 8:12

Na'e amo Tupàn heko haw pe har upy uxi'àm a'e kury. Amo upei'àg kwarahy kury, ipehegwer i'ok pà izuwi kury. Upei'àg zahy pehegwer no. Umumaw zahytata tetea'u a'e wà no. A'e rupi nuhyape katu kwaw ma'e izypy mehe arer ài a'e wà. Ni 'aromo nuhyape katu kwaw. Ni pyhaw nuhyape katu kwaw.

Apocalipse 9:2

Na'e zahytata uwàpytymawok ywykwaruhu kury. Uhem tàtàxin a'e wi a'e kury. Nuzawy kwaw tatahu. Tàtàxin umupihun kar kwarahy. Umupihun kar ywytu no.