João 9:36 - Tupàn zeꞌeg

³⁶ — Hezar, mon aipo awa ta'yr a'e, emume'u ihewe nehe, a'e rupi apuner hehe hezeruzar haw rehe ihe nehe, i'i izupe.

João 9:36 ပူးပေါင်းရင်းမြစ်များ

Cânticos dos Cânticos 5:9

Ne, amo kuzà wanuwi ipuràg eteahy wera'u ma'e. Ewazar ko urepuranu haw urewe nehe. Aipo neremiamutar katu ikatu wera'u amogwer wanuwi a'e. — Ikatuahy a'e, ere iko izupe. Màràzàwe tuwe ereze'eg nezewe. Màràzàwe tuwe urumume'u putar a'e ma'e ureremiapo ràm newe nehe.

Mateus 11:3

Upuranu oho hehe wà. — Zuàw umume'u Tupàn ta'yr ur ma'e ràm a'e, purupe a'e. Aipo ne ereiko Tupàn ta'yr romo ne, aipo ereiko hemimume'u kwer romo ne, i'i izupe wà, hehe upuranu pà wà. — Aze nereiko kwaw Tupàn ta'yr romo, uruàro putar amo ae ure nehe, i'i izupe wà.

João 1:38

Uwak Zezuz waikweromo har wata ma'e wanehe ume'e pà. Wexak a'e mokoz awa a'e wà. — Ma'e pekar peiko, ma'e peputar, i'i wanupe. Uze'eg izupe wà. — Hawi, i'i izupe wà. (— Purumu'e ma'e, i'i zaneze'eg rupi.) — Ma'e pe nereko haw, i'i izupe wà.

João 9:37

— Erexak kwez kury ty. A'e uze'eg iko newe kury, i'i izupe.

Romanos 10:14

Aze amo nuzeruzar kwaw Zezuz rehe a'e nehe, nupuner kwaw ma'e henoz taw rehe izupe a'e nehe. Aze nuenu pixik kwaw Zezuz rehe ze'eg puràg a'e nehe, nupuner kwaw hehe uzeruzar haw rehe a'e nehe, ta'e nukwaw kwaw a'e ze'eg a'e xe. Aze amo numume'u pixik kwaw a'e ze'eg izupe a'e nehe, nuenu pixik kwaw a'e nehe.