João 14:18 - Tupàn zeꞌeg

¹⁸ Napuezar kwaw ihe nehe. Azewyr wi putar tuwà peme nehe no.

João 14:18 ပူးပေါင်းရင်းမြစ်များ

Salmos 101:2

Hepureruze'eg mehe naheremu'em kwaw ihe nehe, nahemunar kwaw ma'e rehe nehe. Màràn mehe erezur putar heàwàxi pà nehe. Aiko putar ikatu ma'e romo heràpuz me nehe.

Salmos 23:4

Aze ata ywyàpyznaw tatainy hereko 'ymar rupi nehe, màno haw zàwenugar rupi nehe, Nakyze kwaw ma'e wi ihe nehe, Ta'e ne Tupàn Tuweharupi Wiko Ma'e ereiko herehe we ne xe. Erezekaiw katu herehe. Heho àwàm erexak kar ihewe no.

Isaías 43:1

Teko Izaew wà, ko 'ar rehe Tupàn peapo arer uze'eg nezewe kury. — Pekyze zo nehe, ta'e apupyro putar ihe nehe xe. Apuenoz pener rupi ihe. Peiko heremiruze'eg romo.

Isaías 51:12

Uze'eg Tupàn Tuweharupi Wiko Ma'e wemiaihu wanupe. — Ihe ae amono putar hekàgaw peme. A'e rupi, màràzàwe tuwe pekyze teko wanuwi. Xo teko umàno ma'e ràm romo zo wanekon wà, upaw putar ka'a huwer uxinig ma'e ài wà nehe.

Lamentações de Jeremias 5:3

Uruiko tu 'ym ma'e romo. Urehy wiko imen umàno ma'e kwer romo wà.

Oséias 14:3

Axir nupuner kwaw urepyro haw rehe wà. Zauxiapekwer kawaru ku'az har nupuner kwaw urerehe uzekaiw katu haw rehe wà. — Peiko urezar romo, nuru'e pixik kwaw tupàn a'ua'u ureremiapo kwer wanupe nehe. Ne Tupàn urepuhareko katu pe ne. Xo ne zo erezekaiw katu putar ma'e hereko 'ymar wanehe ne, peze izupe nehe.

Oséias 6:3

Tuweharupi xiruzar wera'u Tupàn Tuweharupi Wiko Ma'e nehe, imuwete katu wera'u pà nehe. Kwarahy uhem tuweharupi azeharomoete a'e. Nezewegatete ur putar zanepytywà pà nehe no. Àmàn 'ar mehe ukyr àmàn ywy rehe azeharomoete. Nezewegatete Tupàn ur putar a'e nehe, i'i Izaew uzeupeupe wà.

Mateus 18:20

Aze mokoz teko uzemono'og hemuwete katu pà a'e wà nehe, aze na'iruz teko uzemono'og hemuwete katu pà a'e wà nehe, aiko putar a'e pe wainuromo ihe nehe.

Mateus 28:20

— Peruzar Zezuz ze'eg upaw rupi nehe, peze peho peiko nehe, heremimu'e wanupe nehe. Pema'enukwaw katu ko heze'eg rehe nehe. Aiko putar penehe we tuweharupi nehe, te iahykaw rehe nehe, i'i Zezuz urewe. Upaw hema'emume'u haw kwez xe kury. Matew.

João 14:16

Aenoz putar amo ae pepytywà har heru pe ihe nehe. Umur kar putar wekwe peme a'e nehe. Hekwe umume'u xo ze'eg azeharomoete har purupe a'e. Upyta putar pepyr tuweharupi a'e nehe.

João 14:3

Peneko àwàm imuhyk kar ire nehe, azewyr wi putar tuwà xe nehe no, pemono'ono'og pà hezeupe nehe no. A'e rupi peiko putar hepyr nehe.

João 16:16

— Nan kwehe tete aha putar pewi nehe. Naherexak kwaw pe a'e 'ar mehe nehe. A'e re nehe, nan kwehe tete nehe, herexak wi putar pe nehe no, i'i urewe.

João 16:33

Teko heremiruze'eg 'ym upuraraw kar putar ma'erahy peme a'e wà nehe. Hekàg wera'u a'e teko wanuwi ihe. Amono kar putar a'e teko tatahu pe ihe wà nehe. A'e rupi pekyze zo wanuwi nehe. Amume'u agwer ma'e kwez peme ihe kury. A'e rupi napekyze kwaw tuwihaw wanuwi nehe. Penurywete putar nehe.

2 Tessalonicenses 2:16

Zezuz Zaneruwihawete Zanezar a'e, Tupàn zaneru a'e no, zaneraihu har romo wanekon a'e wà, zanepytywà waiko ma'erahy ipuraraw mehe a'e wà. — Peàro urepyr peneko àwàm nehe, i'i waiko zanewe. Ta'e ikatuahy zanewe a'e wà xe.

Hebreus 2:18

Ywy rehe heko mehe Zurupari uzeagaw zepe ikatu 'ym ma'e iapo kar pà Zezuz pe a'e. Upuraraw Zezuz ma'erahy a'e no. Nuzapo kwaw ikatu 'ym ma'e. A'e rupi ko 'ar rehe upuner teko wapytywà haw rehe nehe kury, aze Zurupari ipurapo kar wer ikatu 'ym ma'e rehe wanupe nehe.