João 13:19 - Tupàn zeꞌeg

¹⁹ Amume'u putar agwer ma'e uzeapo ma'e ràm peme ihe kury, izeapo 'ym mehe we ihe kury. A'e rupi izeapo mehe nehe, pezeruzar putar Tupàn romo hereko haw rehe nehe.

João 13:19 ပူးပေါင်းရင်းမြစ်များ

Isaías 41:23

Pemume'u ma'e uzeapo ma'e ràm ko 'ar henataromo àràm nehe. Nezewe mehe urukwaw putar tupànete romo peneko haw nehe. Pezapo penemimutar ikatu ma'e nehe. Aze ru'u, pezapo penemimutar ikatu 'ym ma'e nehe. Nezewe mehe urukyze putar tuwe pewi nehe.

Isaías 43:10

Tupàn Tuweharupi Wiko Ma'e uze'eg. — Izaew wà, peiko putar heremiapo kwer imume'u har romo nehe. Peiko heremiruze'eg heremixamixak kwer romo. Azekwaw kar peme. Apumuzeruzar kar hezehe ihe. Xo pitài Tupànete zo heta. Aiko Tupànete romo ihe. Pekwaw hereko haw. Naheta kwaw tupàn herenataromo har wà. Naheta kwaw amo tupàn heraikweromo har wà nehe no.

Isaías 48:5

A'e rupi amumaw kwarahy tetea'u a'e ma'e rehe heze'eg pà. Izeapo 'ym mehe we amume'u a'e ma'e peme. A'e rupi napepuner kwaw tupàn ua'u wanehe ma'e hagapaw wanehe peze'egaw rehe nezewe. — Hetupàn a'ua'u uzapo a'e ma'e a'e, napepuner kwaw peze haw rehe. — Ma'e hagapaw heremimuwete uzapo a'e ma'e, napepuner kwaw peze haw rehe nehe.

Malaquias 3:1

Nezewe uze'eg Tupàn Ikàg Wera'u Ma'e. — Amono kar putar heze'eg heraha har herenataromo nehe. Umuàgà'ym putar herape ràm ihewe nehe. Pekar pezar ràm peiko. A'e tuwihaw uhem putar na'arewahy wàpuzuhu pe nehe. Ize'eg imume'u àràm penemiàro uhem iko kury. Azapo putar heze'egaw penehe we ihe nehe. Werur a'e heze'egaw iko peme.

Mateus 11:3

Upuranu oho hehe wà. — Zuàw umume'u Tupàn ta'yr ur ma'e ràm a'e, purupe a'e. Aipo ne ereiko Tupàn ta'yr romo ne, aipo ereiko hemimume'u kwer romo ne, i'i izupe wà, hehe upuranu pà wà. — Aze nereiko kwaw Tupàn ta'yr romo, uruàro putar amo ae ure nehe, i'i izupe wà.

Mateus 24:25

Peinu katu heze'eg. Ko ma'e amume'u kwez peme ihe, izeapo zanune ihe.

Lucas 21:13

A'e 'ar mehe pepuner Tupàn ze'eg puràg imume'u haw rehe nehe, teko wanuwa rupi tuwihaw wanuwa rupi nehe.

João 1:15

Zuàw (purumuzahazahak ma'e) a'e, umume'u Tupàn ta'yr romo heko haw oho iko purupe a'e. Nezewe i'i wanupe a'e. — Aikwez a'e awa a'e kury, peme heremimume'u kwer a'e kury. — Ur putar amo ae heraikweromo a'e nehe, a'e peme ihe. Ikàg wera'u tuwe ihewi a'e, ta'e hezexak kar 'ym mehe we wikuwe Tupàn zaneru ipyr a'e xe, a'e peme ihe.

João 14:29

Amume'u heho àwàm kwez peme ihe kury, heho 'ym mehe we ihe rihi. A'e rupi ywak rehe heho àwàm hexak mehe pezeruzar putar tuwe heze'eg rehe nehe, herehe nehe.

João 16:4

Agwer ma'e amume'u kwez peme ihe. A'e rupi a'e ma'e peme iapo mehe wà nehe, pema'enukwaw putar ko heze'eg rehe nehe. Namume'u kwaw a'e ma'e izypy mehe ihe, ta'e aikuwe pepyr a'e 'ar mehe ihe xe. Tàrityka'i aha putar pewi ihe nehe kury.

João 4:26

I'i Zezuz izupe. — Ihe ihe, newe uze'eg ma'e ihe, aiko a'e Tuwihawete romo ihe, aiko a'e Purupyro Ma'e romo ihe, i'i izupe.

João 8:28

A'e rupi Zezuz uze'eg wanupe kury. — Tupàn hemimur kar awa romo uzeapo ma'e kwer romo aiko ihe. Amo 'ar mehe herupir kar putar a'e nehe. A'e 'ar mehe hekwaw putar pe nehe. Peze'eg putar nezewe ihewe nehe. — Azeharomoete Tupàn romo hekon a'e, zaneipy wanupe uze'eg ma'e kwer romo hekon a'e, peze putar ihewe nehe. Ihe zutyka'i nazapo kwaw ma'e ihe. Heru hemu'e ma'e rehe a'e. Xo a'e ma'e zo amume'u peme ihe.

João 8:58

— Azeharomoete ko heze'eg ihe. Àmàrààw izexak kar 'ym mehe we AIKO IHE, i'i wanupe.