Jó 9:9 - Tupàn zeꞌeg

⁹ Tupàn uzapo zahytata wamono'og pà zemono'ogaw romo wà: Zàwàruhu ur her ma'e uhua'u wera'u ma'e, na'iruz Mari, 7 àràpuhàràna'yr. Uzapo zahytata kwarahy ihemaw awyze har kutyr har wà no.

Jó 9:9 ပူးပေါင်းရင်းမြစ်များ

Gênesis 1:16

Tupàn uzapo mokoz tatainy uhua'u ma'e a'e wà. Kwarahy uhua'u wera'u zahy wi a'e. Tupàn umuigo kar kwarahy 'ar heruze'egar romo a'e. Tupàn umuigo kar zahy pytun heruze'egar romo a'e no. Uzapo zahytata a'e wà no.

Jó 37:9

Àmànuhu ywytu inuromo har ur kwarahy ihemaw awyze har kutyr har wi. Tuixàgaw ur kwarahy heixe haw awyze har kutyr har wi.

Salmos 104:13

Eremugyr kar àmàn ywak wi ywytyr rehe. Tynehem ywy neremimur kwer ikatu ma'e pupe.

Salmos 104:3

Erezapo neràpuz 'y ywate har rehe. Ereata ywàkun rehe ywyramawa zeàmàtyry'ymawhu pe har ài. Erewewe ywytu nepepo romo iapo pà.

Salmos 147:4

A'e ae umume'u zahytata waneta àwàm kwehe mehe a'e. Omono waner wanupe pitàitàigatu wà no.

Amós 5:8

Tupàn uzapo zahytata wà. Uzapo 7 àràpuhàrànetea'yr wanagaw paw zahytata wanehe har. Uzapo na'iruz Mari wanagapaw zahytata wanehe no. Uzapo pytunaw 'ar romo. Uzapo 'ar pytunaw romo no. Wenoz 'y yryhu pe har ywy rehe izakook pà. Tupàn Tuweharupi Wiko Ma'e her romo a'e.

Atos 28:13

A'e wi uruata wi wi oroho kury, kanuhu pupe kury. Te uruhem oroho Hez taw pe kury. Iku'egwepe ywytu uhem wà kwarahy hemaw wi kury. Mokoz 'ar pawire uruhem uruzuwà Pozuri taw pe.