Jó 9:4 - Tupàn zeꞌeg

⁴ Ohoete ima'e kwaw katu haw 'yryhu ài. Ipuner haw uhua'u a'e no. Mo upuner iàmàtyry'ymaw rehe wà. Mo upuner heitykaw rehe wà.

Jó 9:4 ပူးပေါင်းရင်းမြစ်များ

2 Crônicas 13:12

Tupàn wiko urerehe we a'e. Oho urerenataromo no. Xaxeto izupe uma'ereko ma'e uzemuàgà'ym xi'àm ma'e 'ak kwer ipy àwàm rehe wà. Ipy mehe uruzypyrog putar peàmàtyry'ym pà ure nehe kury. Teko Izaew wà, pezàmàtyry'ym zo Tupàn Tuweharupi Wiko Ma'e peipy paw wazar nehe. Napepuner kwaw urereitykaw rehe nehe, i'i wanupe wà.

2 Crônicas 20:6

O Tupàn Tuweharupi Wiko Ma'e ureipy wazar. Ereiko Tupàn ywak rehe har romo ne. Ereiko teko ywy nànànar wanuwihawete romo. Nekàg. Erepuner no. Ni amo nupuner wera'u kwaw newi wà.

Jó 11:6

Nemu'e mo ma'ekwaw katu haw rehe a'e. Ta'e heta ma'e temigwaw 'ym tetea'u xe, ma'e imume'u haw inuromo xe. Nezewe mehe mo erexak Tupàn nerehe izepykaw. Nerehe izepykaw ipixika'i. Upuner mo zepykaw uhua'u ma'e pupe nerehe uzepykaw rehe, ta'e uhua'u neremiapo kwer ikatu 'ym ma'e xe.

Jó 12:13

Tupàn ukwaw katu ma'e a'e. Upuner katu no. Heta ma'e kwaw katu haw hehe. Ukwaw ma'e a'e.

Jó 15:13

Màràzàwe tuwe ereàmàtyry'ym Tupàn. Màràzàwe tuwe erekwahy Tupàn pe. Màràzàwe tuwe eremume'u hemiapo kwer ikatu 'ymaw.

Jó 23:6

Aipo Tupàn weityk mo upuner haw paw hekutyr. Nan. Herenu mo azeharomoete a'e.

Jó 24:22

Tupàn umumaw ikatu 'ym ma'e upuner haw pupe wà. Uzapo ma'e a'e iaiw ma'e waneko haw imumaw pà.

Jó 25:2

Tupàn upuner katu a'e. Tuwe teko ukyze izuwi wà nehe. Omono zeàmàtyry'ym 'ymaw ywak rehe.

Jó 28:23

Xo Tupàn zo ukwaw izupe uhemaw. Xo a'e zo ukwaw ipyta haw.

Jó 36:5

Upuner tuwe Tupàn a'e. Nuityk kwaw ni amo wà. Tupàn ukwaw ma'e paw rupi a'e.

Jó 37:23

Nazapuner kwaw Tupàn upuner wera'u ma'e ikwaw paw rehe. Uhua'u ipuner haw. Ikatuahy haw nupaw pixik kwaw. Nuzuka kwaw teko wà.

Jó 38:36

Mo omono ma'e kwaw paw wiràmiri wanupe. Mo omono ma'e kwaw paw wiràmiri iwi her ma'e pe. Umume'u Niru yrykawhu tyhu àwàm purupe a'e. Zapukaz uze'eg àmàn ikyr 'ym mehe a'e.

Jó 38:37

Mo upuner ywàkun wapapar haw rehe. Mo upuner izi'y izakookaw rehe àmàn romo.

Jó 40:9

Aipo nekàgaw nuzawy kwaw hekàgaw. Aipo neànoànogaw ikàg heànoànogaw ài.

Jó 41:2

Aipo erepuner iapygwar rupi kyhàhàm imono haw rehe iàpixipixi pà. Aipo erepuner hazyw ikutukaw rehe ma'e hàty'àz ma'e pupe.

Jó 6:10

Aze mo akwaw a'e ma'e Tupàn hemiapo ràm, Apoapor mo herurywete haw rehe. Aze mo apuraraw ma'erahy tetea'u, Nezewe rehe we mo apoapor mo. Ta'e Tupàn ikatuahy a'e xe. Hemiapo kar paw ikatu ihewe.

Jó 9:19

Aipo hekàg ihe. Ikàg wera'u a'e. Aipo ainoz putar tàmuzgwer wanenataromo ihe nehe. Mo umur kar putar nehe, aze natur wer kwaw nehe.

Salmos 104:24

O Tupàn Tuweharupi Wiko Ma'e, erezapo ma'e tetea'u ne wà. Nema'ekwaw katu haw rupi erezapo ne wà. Ywy tynehem neremiapo kwer wapupe a'e.

Salmos 136:5

Uma'ekwaw katu haw rupi uzapo ywak kwehe mehe a'e. Ipuruamutar katu haw nupaw pixik kwaw nehe.

Êxodo 15:7

Nekàgahy haw rupi ereityk neàmàtyry'ymar ne wà. Nereikwahy haw nuzuawy kwaw tata, Wapy neàmàtyry'ymar ka'akyr ài.

Êxodo 9:7

Omono kar Parao amo awa a'e ma'e hexak pà wà. Ume'egatu Izaew waneimaw wanehe wà. Ni pitài numàno kwaw wà. — Naruzar kwaw Tupàn ze'eg ihe nehe. Namono kar kwaw hemiaihu xe wi ihe wà nehe, i'i Parao uzeupe.

Provérbios 28:14

Tupàn Tuweharupi Wiko Ma'e wi ukyze ma'e hurywete a'e. Ize'eg heruzar ire upytu'u ma'e u'ar putar iaiw paw pupe nehe.

Provérbios 29:1

Aze eremume'u amo hemiapo kwer ikatu 'ym ma'e iapo har pe tuweharupi nehe, aze nezewe rehe we nuzemukatu kwaw nehe, a'e teko u'ar putar iaiw paw pupe na'arewahy nehe. Nupuner kwaw uzepyro haw rehe nehe.

Isaías 45:9

Ywy'a nuzàmàtyry'ym kwaw wapo arer a'e. — Ma'e erezapo iko, ni'i kwaw ywy umuapu'apu'a har pe. — Nerekwaw kwaw nema'ereko haw, ni'i kwaw izupe.

Jeremias 50:24

Ne Mawiron ere'ar hepuruzuka haw pupe ikwaw 'ym pà ne. Nepyhyk nemumaw pà wà, ta'e heàmàtyry'ym pe ne xe.

Daniel 2:20

Nezewe i'i izupe no. Tuwe teko umume'u nerer ikatu haw tuweharupi wà nehe, Tupàn hezar. Ta'e ereiko ma'e kwaw katu haw izar romo ne xe. Ereiko puner haw izar romo ne.

Naum 1:3

Iàrew ikwahy haw a'e. Ikàg no. Nuezar kwaw ikatu 'ym ma'e wà, wanehe uzepyk 'ym pà wà. Wata ywytuàiw myter pe. Ywàkun nuzawy kwaw ywy ku'i kwer ipy iwy pe har wà. Umuzeupir upy pupe wata mehe.

Romanos 11:33

Tupàn a'e, ma'e paw wazar romo hekon a'e. Ukwaw katu ma'e paw rupi a'e no. Nazapuner kwaw hemiapo kwer ikwaw paw rehe zane. Nazapuner kwaw hemiapo ràm ikwaw paw rehe zane.

1 Coríntios 10:22

Aze erezapo nezewe haw nehe, Tupàn hewyrowyroahy putar a'e nehe, wikwahy putar a'e nehe. Nanekàg wera'u kwaw izuwi. Uzepyk putar tuwe nerehe nehe.

Efésios 1:19

— Aze ereiko tatainy ài wapy'a pe nehe, ukwaw putar nekàg wera'u haw wanehe wiko ma'e a'e wà nehe no, a'e izupe.

Efésios 1:8

Nahekyty'ym kwaw wa'yr zanewe imur mehe. Ta'e ukwaw katu ma'e paw rupi katete xe. Ukwaw katu ma'e iapo katu haw paw rupi katete no xe.

Efésios 3:10

A'e rupi, ko 'ar rehe kury, omono'og wemipyro kwer iko uzeupe a'e wà kury. Tupàn heko haw pe har wanuwihaw a'e wà, ywate har ikàg ma'e a'e wà no, wexak putar hemipyro kwer ikatu haw a'e wà kury. A'e rupi ukwaw putar Tupàn hemigwaw a'e wà nehe kury. Xiroxiroahy hemigwaw. Ipuràg eteahy no.

Efésios 3:20

Aze xinoz ikatu ma'e izupe nehe, upuner tuwe a'e ma'e imur haw rehe zanewe nehe. Upuner amo ae ma'e iapo haw rehe zanewe nehe no. Aze ma'e ikatu zanewe, upuner a'e ma'e imur haw rehe zanewe a'e. Upuner amo ae ma'e zaneremimume'u 'ym imur haw rehe zanewe no. Ta'e umur ukàgaw zanewe a'e xe.