Jó 9:23 - Tupàn zeꞌeg

²³ Aze na'arewahy amo iaiw haw uzuka teko ikatu ma'e wà, Tupàn upuka.

Jó 9:23 ပူးပေါင်းရင်းမြစ်များ

Gênesis 17:17

Wapyk Àmàrààw upenàràg rehe kury. Umuhyk uwa ywy rehe. Uzypyrog upuka pà. Uze'eg nezewe uzeupe. — Aipo heta putar ta'yr amo awa 100 kwarahy hereko har pe. Heta 90 kwarahy Xar a'e no. Aipo upuner umemyr haw rehe azeharomoete nehe, i'i uzeupe.

2 Samuel 14:15

Tuwihawete. Azur newe heze'eg pà kwez ihe, ta'e teko umume'u iaiw ma'e ihewe wemiapo ràm a'e wà 'y. A'e rupi aze'eg hezeupe. Aze'eg putar tuwihawete pe nehe. Àro hereminoz kwer iapo àwàm teko ihe, a'e hezeupe.

2 Samuel 14:17

Ihe neremiruze'eg ihe. Nezewe a'e hezeupe. Tuwihawete hepyro putar uze'eg rupi a'e nehe. Ta'e tuwihawete wiko Tupàn reko haw pe har zàwenugar romo a'e 'y. Ukwaw ma'e paw a'e 'y, a'e hezeupe. Tuwe Zanezar Tupàn Tuweharupi Wiko Ma'e wiko nerehe we nehe, i'i kuzà Tawi pe.

Jó 2:7

Na'e Zurupari uhem Tupàn Tuweharupi Wiko Ma'e henatar wi kury. Omono perew tetea'u Izo hetekwer rehe. Upyk ipy wi te iàkàg rehe.

Jó 24:12

Ikutuk pyrer ikixi pyrer umàno etea'i ma'e wà, uhapukaz tawhu pupe wà. — Urepytywà pe nehe, i'i wà. Nezewe rehe we Tupàn nuenu kwaw wà.

Jó 4:7

Nema'enukwaw amo teko ikatu 'ym ma'e iapo 'ymar rehe aipo, Teko iaiw haw rehe u'ar ma'e kwer rehe aipo, Teko imunar 'ym ma'e imumaw pyrer rehe aipo.

Jó 8:20

Azeharomoete Tupàn nuityk kwaw teko imunar 'ym ma'e wà. Nomono kwaw opo ikatu 'ym ma'e wanupe wapytywà pà.

Salmos 44:22

Tuweharupi amo ipuruzuka wer urerehe a'e wà, ta'e urumuwete katu ure xe. Urereko àràpuhàràn wazuka àwàm mehe oho ma'e ài wà.

Ezequiel 21:13

Agaw heremiaihu wanereko ihe wà. Aze na'ipytu'u wer kwaw ikatu 'ym ma'e iapo re wà nehe, ko ma'e paw uzeapo putar wanupe nehe. Ihe nezar Tuweharupi Wiko Ma'e aiko ko ma'e imume'u har romo ihe.