Jó 9:13 - Tupàn zeꞌeg

¹³ Tupàn nuzewyr kwaw wikwahy haw wi. Àzàg Haaw her ma'e imyrypar u'ar heityk pyrer romo ipy huwake wà.

Jó 9:13 ပူးပေါင်းရင်းမြစ်များ

Jó 26:12

Tupàn wiko yryhu izar romo upuner haw rupi. Uma'ekwaw katu haw pupe wiko àzàg Haaw her ma'e izar romo no.

Salmos 87:4

— Aze teko amo ywy rehe har hereruzar wà nehe, amuapyk putar a'e ywy her hepape rehe amogwer tawhu ikatu ma'e waner wanehe we ihe nehe. Na'aw waner heremimuapyk ràm xe wà kury: Ezit, Mawiron. Teko Piri ywy rehe har wà, Xir tawhu pe har wà no, Exio ywy rehe har wà no, wiko putar ikatu ma'e romo herenataromo wà nehe. Areko katu putar a'e teko paw Zeruzarez pe ihe wà nehe, uzexak ma'e kwer ài ihe wà nehe, i'i Tupàn.

Salmos 89:10

Erezuhaw àzàg Haw her ma'e izuka pà ne. Nekàgaw uhua'u ma'e rupi ereityk neàmàtyry'ymar ne wà.

Isaías 30:7

Ezit nupytywà pixik kwaw wà nehe. A'e rupi amono ko her Ezit wanupe ihe kury. — Mozuhu Ipuruzukaiw 'Ym Ma'e, a'e wanupe, i'i Tupàn.

Isaías 5:25

A'e rupi Tupàn Tuweharupi Wiko Ma'e wikwahy wemiaihu wanupe. Upyho opo wanehe uzepyk pà. Ywytyruhu uryryryryz wà. Zauxiapekwer wezar umàno ma'e kwer wanetekwer nahu rupi heityk pyrer ài wà. Nezewe rehe we Tupàn ikwahy haw nupytu'u kwaw. Upyho opo iko wanehe uzepyk àwàm rehe rihi.

Isaías 51:9

Eme'e nehe, Zanezar. Eme'e nehe. Urepyro pe nepuner haw uhua'u ma'e pupe nehe, ureipy wapyro awer kwehe arer zàwenugar ài nehe. Eremugamugaz àzàg zàwenugar yryhu pe har Ha'aw her ma'e ipegegwer romo ne, izuka pà ne.