Jó 8:9 - Tupàn zeꞌeg

⁹ Ta'e zazexak kar karumehe zane xe. Naxikwaw pixik kwaw ma'e zane. Zane'ar ywy rehe har upaw ma'e i'àgaw ài.

Jó 8:9 ပူးပေါင်းရင်းမြစ်များ

Gênesis 47:9

— Areko 130 kwarahy ihe kury. Amumaw kwarahy tetea'u heata pà ko rupi, kwe rupi no. Na'arewahy a'e hekwarahy upaw oho iko. Amumaw kwarahy tetea'u zawaiw katu haw rehe hereko pà. Heipy umumaw kwarahy tetea'u wera'u ihewi a'e wà. Waneko awer zawaiw katu hereko haw zàwe a'e wà, i'i Zako tuwihawete pe.

1 Crônicas 29:15

O Tupàn Tuweharupi Wiko Ma'e. Erekwaw ko ma'e ne. Ureipy a'e wà, ure ure no, uruiko amo ae ywy rehe har zàwenugar romo ure. Uruiko ko rupi ukwaw ma'e zàwenugar romo. Ure'ar nuzawy kwaw ma'e i'àgaw ko rupi ukwaw ma'e. Nurupuner kwaw uremàno àwàm wi urehemaw rehe.

2 Crônicas 10:6

Tuwihawete Homoàw uze'eg oho awa tua'uhez wera'u ma'e wanupe. A'e awa wiko tu pe pureruze'egaw imume'u arer romo wà. Upuranu wanehe. — Ma'e a'e putar a'e teko wanupe nehe, i'i wanupe.

Jó 14:1

Ure uruiko ikàg 'ym ma'e romo urezexak kar mehe arer we paw rupi ure. Urereko haw iaikwera'i. Ikatu 'ym ma'e tetea'u uzeapo urewe urereko mehe no.

Jó 14:2

Teko nuzawy kwaw ma'eputyr uzaw ire na'arewahy uxinig ma'e wà. Nuzawy kwaw i'àgaw wà no. Ukwaw ko rupi na'arewahy. Na'arewahy ukàzym no.

Jó 32:7

Nezewe a'e hezeupe. — Tuwe tua'u ma'e ràgypy uze'eg wà nehe. Wereko kwarahy tetea'u wà. A'e rupi ukwaw katu ma'e wà. Tuwe wexak kar wemigwaw purupe nehe, a'e hezeupe.

Jó 7:6

He'ar upaw na'arewahy. Nuzawy kwaw pàn ipyahaw. Na'arew uzàn oho. He'ar uhem oho ihewi ma'eràro katu haw hezar 'ym pà. Hereko haw nuzawy kwaw ywytu.

Jó 8:10

Tuwe tua'uhez ma'e uze'eg newe nemu'e pà wà nehe. Uze'eg putar nezewe newe uzeapo ma'e kwer rehe wà nehe.

Salmos 102:11

Hereko haw nuzawy kwaw ma'e 'àg kwarahy heixe mehe har. Aiko ka'api'i uxinixinig ma'e ài.

Salmos 102:12

Ne Tupàn Tuweharupi Wiko Ma'e ereiko putar tuwihawete romo tuweharupi nehe. Teko wiko ma'e ràm wà, ima'enukwaw putar nerehe wà nehe.

Salmos 144:4

Teko nuzawy kwaw pytuhemaw wà. Waneko haw nuzawy kwaw ma'e'àg kwerupi ukwaw ma'e wà.

Salmos 39:5

Hereko haw ihewe nemur awer na'ipuku kwaw a'e. Hereko haw ipuku haw pixika'i nerenataromo. Azeharomoete teko waneko haw nuzawy kwaw pytuhemaw a'e.

Salmos 82:5

— Ma'e kwaw par 'ym romo peiko. Napekwaw pixik kwaw ma'e. Peiko pytunahy haw rehe. Naperuze'egatu kwaw ywy rehe har pe wà.

Salmos 90:4

1.000 kwarahy nuzawy kwaw pitài 'ar newe. Nuzawy kwaw 'ar karumehe arer. Upaw a'e 'ar. 1.000 kwarahy nuzawy kwaw pitài or pyhaw har. Na'arewahy upaw.