Jó 8:8 - Tupàn zeꞌeg

⁸ Epuranu tua'uhez ma'e wanehe nehe. Ezemu'e neipy wanemiapo kwer rehe nehe no.

Jó 8:8 ပူးပေါင်းရင်းမြစ်များ

2 Crônicas 10:6

Tuwihawete Homoàw uze'eg oho awa tua'uhez wera'u ma'e wanupe. A'e awa wiko tu pe pureruze'egaw imume'u arer romo wà. Upuranu wanehe. — Ma'e a'e putar a'e teko wanupe nehe, i'i wanupe.

Jó 12:12

Tua'uhez ma'e wiko ma'e kwaw katu har romo wà. Ta'e tua'uhez haw werur ma'e kwaw paw purupe xe.

Jó 13:1

Aexak a'e ma'e paw hereha pupe ihe. Aenu heapyakwar pupe no. Aenu katu ikwaw pà.

Jó 15:10

Uruzemu'e ma'e rehe tua'uhez ma'e wapyr ure. Uzexak kar neru izexak kar 'ym mehe we wà.

Jó 15:18

Ma'e kwaw katu har upurumu'e ze'eg azeharomoete har rehe wà. Uzemu'e a'e ma'e rehe u wapyr wà.

Jó 20:4

Erekwaw katu ko ma'e. Kwehe mehe arer we, Teko ywy rehe waneko mehe arer we, Nezewe wanekon wà.

Salmos 44:1

O Tupàn, uruenu Ureipy wanemimume'u kwer ure. Uruenu neremiapo kwer uhua'u ma'e Ureipy waneko mehe arer ure, kwehe arer ure.

Isaías 38:19

Wikuwe ma'e umume'u nekatu haw wà. Amume'u nekatu haw teko wazàwegatete ihe kury. — Teko paw upuner Tupàn rehe uzeruzar haw rehe wà, i'i awa wa'yr wanupe wà.

Joel 1:2

— Peme'egatu nehe, tua'uhez kwer wà. Pezeapyaka katu nehe, Zuta ywy rehe har wà. Uzeapo putar amo iaiwahy ma'e nehe. Nuzeapo pixik kwaw agwer iaiw paw ko 'ar 'ym mehe we. Nuzeapo pixik kwaw zaneipy wa'ar rehe no.

Romanos 15:4

Ze'eg kwehe arer zanemu'e iko paw rupi a'e. Umukàg zanepy'a iko. A'e rupi zapuner Tupàn pyr zaneho àwàm hàro haw rehe zane kury. Tuwe nazapytu'u kwaw hàro re nehe.

1 Coríntios 10:11

A'e ma'e paw uzeapo a'e pe wanupe, ta'e Tupàn ipurumu'e wer zanerehe a'e xe, ikatu 'ym ma'e iapo 'ymaw rehe a'e xe. Umuapyk kar a'e ma'emume'u haw pape rehe, ikwaw kar pà zanewe. Ta'e zaiko 'ar iahykaw rehe har rehe zane kury xe. Na'iàrew kwaw Zezuz tur àwàm nehe.

Deuteronômio 32:7

Pema'enukwaw uzeapo ma'e kwer rehe nehe. Pema'enukwaw kwehe arer rehe nehe. — Ma'e uzeapo kwehe mehe, peze penu wanupe nehe. — Pemume'u uzeapo ma'e kwer kwehe arer nehe, peze tua'uhez ma'e wanupe nehe.

Deuteronômio 4:32

Pezemu'e uzeapo ma'e kwer rehe upaw rupi nehe: ywy iapo awer rehe, teko wapo awer rehe no. Peata ywy nànàn teko nànàn pepuranu pà nehe. — Aipo pexak agwer ma'e, peze wanupe nehe. — Aipo peinu agwer ma'e, peze wanupe nehe.