Jó 8:21 - Tupàn zeꞌeg

²¹ Nemupuka wi kar putar a'e nehe. Erehapukaz putar nerurywete romo nehe no.

Jó 8:21 ပူးပေါင်းရင်းမြစ်များ

Gênesis 21:6

Na'e Xar i'i kury. — Tupàn uzapo ikatu ma'e kwez ihewe 'y, hemupuka kar pà kwez 'y. Teko ko ma'e henu àràm paw upuka putar heinuromo a'e wà nehe no, i'i. — Upuka a'e, i'i Izak her zaneze'eg rupi.

Neemias 12:43

Uzuka ma'ea'yr tetea'u Tupàn henataromo a'e 'ar mehe wà. Omono ma'e tetea'u izupe wà no. Teko hurywete wà. Naheta kwaw zemumikahy haw. Ta'e Tupàn umynehem turywete haw pupe a'e wà xe. Kuzàgwer wà, kwarearer wà no, kuzàtàigwer wà no, wixe zegar haw pe wà. Teko muite har upuner iànoànogaw henu haw rehe wà.

Jó 35:10

Nezewe rehe we nuzewyr kwaw Tupàn pe wà, uwapo arer pe wà. 'Ar ipytunahy wera'u ma'e rehe Tupàn umur ukàgaw purupe.

Jó 5:22

Erepuka putar teko wazezukazuka mehe nehe, temi'u ihyk 'ym mehe nehe. Nerekyze kwaw miar ipuruzukaiwahy ma'e wanuwi nehe no.

Salmos 100:1

Pemuzàg zegar haw Tupàn Tuweharupi Wiko Ma'e pe nehe, Ywy nànànar wà.

Salmos 126:1

Tupàn Tuweharupi Wiko Ma'e zanemuzewyr kar zanereruwà Zeruzarez pe a'e. A'e 'ar mehe uzeapo ma'e kwer nuzawy kwaw zanepuahu haw zanewe.

Salmos 126:2

Zapuka tetea'u zanezegar pà zanerurywete haw rupi. Na'e amogwer ywy rehe har uze'eg nezewe wà. — Tupàn Tuweharupi Wiko Ma'e uzapo uhua'u ma'e a'e teko wanupe a'e, i'i wà.

Salmos 126:6

Ma'eà'yz itym pyràm heraha har uzai'o ma'e wà, Uzewyr putar uzegar pà urywete romo wà nehe. Werur putar arozràn haryw uzywa rehe wà nehe.

Salmos 32:11

Pe ikatu ma'e paw rupi pe wà, penurywete nehe. Penurywete tuwe Tuweharupi Wiko Ma'e hemiapo kwer rehe nehe. Pe Tupàn heruzar har pe wà, pezegar penurywete romo nehe.

Salmos 98:4

Pezegar Tupàn Tuweharupi Wiko Ma'e pe penurywete haw rupi nehe, teko ywy nànànar wà. Pemume'u Tupàn Tuweharupi Wiko Ma'e ikatu haw nehe, zegar haw wamuzàg pà nehe, penurywete haw rupi penehapukaz pà nehe.

Lucas 6:21

Pema'uhez peiko no, penurywete nehe no, ta'e amo 'ar rehe penewykàtà putar nehe xe, penurywete putar nehe xe. Pezemumikahy peiko pezai'o pà, pepuka putar nehe no.