Jó 8:20 - Tupàn zeꞌeg

²⁰ Azeharomoete Tupàn nuityk kwaw teko imunar 'ym ma'e wà. Nomono kwaw opo ikatu 'ym ma'e wanupe wapytywà pà.

Jó 8:20 ပူးပေါင်းရင်းမြစ်များ

Gênesis 18:25

Nerezuka kwaw ikatu ma'e ikatu 'ym ma'e wainuromo ne wà nehe. Ta'e ikatu ma'e nuzapo kwaw iaiw ma'e amogwer wazàwe wà xe. Ezuka zo a'e paw rupi ne wà nehe. Ereiko teko wanemiapo kwer ikwaw par romo ne, ikatu 'ym ma'e wanehe uzepyk ma'e romo ne. A'e rupi nerezepyk kwaw ikatu ma'e wanehe nehe, i'i Àmàrààw Tupàn pe.

Jó 21:30

Nezewe i'i a'e teko wà. — Tupàn ikwahy mehe teko wanehe izepyk mehe, Awa ikatu 'ym ma'e uzepyro izuwi wà.

Jó 4:7

Nema'enukwaw amo teko ikatu 'ym ma'e iapo 'ymar rehe aipo, Teko iaiw haw rehe u'ar ma'e kwer rehe aipo, Teko imunar 'ym ma'e imumaw pyrer rehe aipo.

Jó 9:22

Ma'e paw uzezàwezàwegatu. A'e rupi, — Tupàn umumaw ikatu ma'e ikatu 'ym ma'e wainuinuromo a'e wà, a'e hezeupe.

Salmos 34:17

Amo teko weruzar Tupàn Tuweharupi Wiko Ma'e wà. Aze a'e teko wenoz Tupàn a'e wà, a'e wenu waze'eg mehe wà. Upyro ma'erahy paw wi wà.

Salmos 37:24

Aze u'ar wà nehe, nupyta kwaw ywy rehe wà nehe, Ta'e Tupàn upytywà putar a'e wà nehe xe, wamupu'àm kar pà a'e wà nehe xe.

Salmos 37:37

Eme'egatu ikatu ma'e wanehe nehe. Eme'e imunar 'ym ma'e hemu'em 'ym ma'e wanehe nehe. Heta wazuapyapyr zeàmàtyry'ym 'ymaw iamutar har wanupe wà. Erexak putar waneta haw nehe.

Salmos 94:14

Tupàn Tuweharupi Wiko Ma'e nupuir kwaw wemiaihu wanuwi nehe. Nuezar kwaw ipytywà pyr 'ym romo wà nehe.

Provérbios 10:9

Teko imunar 'ym ma'e wata puràmàtyry'ym 'ymaw rupi a'e wà, ikatu haw rupi wata pà a'e wà. Amo wexak kar putar imunar ma'e ikatu 'ymaw purupe nehe.

Isaías 45:1

Tupàn Tuweharupi Wiko Ma'e umuigo kar Xiru tuwihawete romo a'e. Upyhyk ipo awyze har rehe. Omono ukàgaw izupe. A'e rupi upuner ywy tetea'u rehe har wapyhykaw rehe. Upuner tuwihawete waneitykaw rehe no. Tupàn Tuweharupi Wiko Ma'e uwàpytymawok tawhu hukenaw a'e. A'e rupi Xiru upuner tawhu pupe wixe haw rehe. Ni amo nupuner kwaw iwàpytym wi haw rehe wà nehe. Tupàn Tuweharupi Wiko Ma'e uze'eg nezewe Xiru pe: