Jó 8:2 - Tupàn zeꞌeg

² Màràn 'ar eremumaw putar nezewe neze'eg pà nehe, Izo. Màràn 'ar neze'eg umumaw putar ywytuhu iawy 'ym pà nehe.

Jó 8:2 ပူးပေါင်းရင်းမြစ်များ

1 Reis 19:11

— Ehem eho xe wi herenataromo ywytyr rehe nepu'àm pà nehe kury, i'i Tupàn Tuweharupi Wiko Ma'e izupe. Na'e Tupàn ukwaw a'e rupi kury. Umur kar amo ywytuaiw ikàg ma'e. Ywytuaiw omonohok ywytyra'i a'e. Omowok ita, pehegwer tetea'u romo iapo pà no. Tupàn Tuweharupi Wiko Ma'e nuiko kwaw ywytu rehe. Ywytuaiw ipytu'u mehe ywy uryryryryz kury. Tupàn Tuweharupi Wiko Ma'e nuiko kwaw ywy iryryryryz haw rehe no.

Jó 15:2

Izo, awa ma'e kwaw katu har nuwazar kwaw amo ize'eg awer uze'egaw ipuhuz 'ym ma'e imume'u pà a'e. Numynehem kwaw upy'a ywytu pupe.

Jó 16:3

Aipo ko peze'eg ywytu zàwenugar nupaw pixik kwaw nehe. Màràzàwe tuwe napepytu'u kwaw heputupyk ire.

Jó 18:2

Izo, màràzàwe tuwe nerepytu'u kwaw neze'eg ire. Epytu'u nehe ty. Ezeapyaka katu heze'eg rehe nehe. Nezewe mehe zapuner putar ma'e rehe zaneze'egaw rehe nehe.

Jó 6:26

Aipo peze'eg zemueteahy wer heze'eg rehe. Aipo awa ma'erahy ipuraraw har ize'eg nuzawy kwaw ywytu peme.

Jó 6:9

A'e mehe mo o'ok mo hereko haw ihewi. Heàmàtyry'ym mo hemumaw pà no.

Jó 7:11

A'e rupi napuner kwaw hepyta haw rehe xe heze'eg 'ym pà ihe. Apuraraw ma'erahy teko. Heze'eg wer. Hepurumume'u wer ikatu 'ym ma'e ihewe uzeapo ma'e kwer rehe. Ta'e hepy'a tynehem iro haw pupe a'e xe.

Jó 8:1

Na'e Minaz Xuwa ywy rehe har uze'eg a'e kury.

Êxodo 10:3

A'e rupi Moizez a'e, Àràw a'e no, uze'eg oho Parao pe a'e wà kury. — Tupàn Tuweharupi Wiko Ma'e Emerew wazar uze'eg nezewe newe kury. — Màràn 'ar eremumaw putar pezar 'ym romo hereko haw imume'u pà nehe. Emuhem kar heremiaihu xe wi ne wà nehe, ta'e ipurumuwete katu wer herehe muite xe wi a'e wà xe.

Êxodo 10:7

Tuwihaw Parao rehe we har upuranu hehe a'e wà kury. — Màràn 'ar a'e awa umumaw putar ikatu 'ym ma'e zanewe iapo haw rehe upuner ma'e romo wiko pà a'e nehe. Emuhem kar a'e teko xe wi ne wà nehe ty. Tuwe umuwete katu uzar Tupàn Tuweharupi Wiko Ma'e a'e wà nehe. Umuaiw Ezit a'e. Aipo nerekwaw kwaw hemiapo kwer. Aipo nerexak kwaw imuaiw pawer, i'i izupe wà.

Provérbios 1:22

Nezewe uze'eg iko. — Teko he'o ma'e wà. Màràn 'ar pemumaw putar pene'o haw rehe peneko pà nehe. Màràn mehe pepytu'u putar ma'ekwaw paw rehe pepuka re nehe. Aipo napekwaw pixik kwaw ma'e nehe.

Jeremias 5:13

— Tupàn ze'eg imume'u har nuzawy kwaw ywytu wà. Numume'u kwaw Tupàn ze'eg purupe wà, i'i teko wà. Tupàn Tuweharupi Wiko Ma'e Upuner Wera'u Ma'e uze'eg ihewe. — Zeremi, i'i ihewe. — Amume'u putar 'aw teko wanupe uzeapo ma'e ràm ihe nehe kury, ta'e umume'u a'e ma'e a'e wà xe. Amuhem kar putar heze'eg nezuru wi tata ài ihe nehe, Zeremi. 'Aw teko wiko putar zepe'aw ài wà nehe. Tata ukaz putar wamumaw pà nehe, i'i ihewe.