Jó 7:9 - Tupàn zeꞌeg

⁹ Umàno ma'e kwer wapyta haw pe wezyw ma'e kwer nuzewyr pixik kwaw nehe. Nuzawy kwaw ywàkun. Ukwaw ko rupi. Nuzewyr pixik kwaw nehe.

Jó 7:9 ပူးပေါင်းရင်းမြစ်များ

2 Samuel 12:23

Umàno kwez kury. Màràzàwe tuwe azekwaku putar hemai'u 'ym pà ihe kury. Aipo apuner imugweraw kar haw rehe nezewe haw iapo pà. Amo 'ar mehe aha putar iho awer pe ihe nehe. Ta'e nuzewyr pixik kwaw xe ihewe nehe kury xe, i'i Tawi wanupe.

2 Samuel 14:14

Zane paw zàmàno putar nehe. Zaiko 'y ywy rehe izakook pyrer ài zane. Ni amo nupuner kwaw a'e 'y imono'og wi haw rehe wà. Ni Tupàn numuzewyr kar kwaw umàno ma'e kwer tywypaw wi a'e wà. Tuwihawete zo upuner amo awa imuzewyr kar haw rehe amo ae ywy wi a'e.

Jó 10:21

Ata putar nehe. Nazewyr kwaw a'e re nehe. Ata putar ipytunaw heta haw pe nehe. Aha putar ipytunahy haw pe nehe. Tuwe herurywete heata 'ym mehe we nehe.

Jó 11:8

Upuner ywak wi uhemaw rehe. Ywak nupyhyk kwaw Tupàn a'e. Nezewe rehe we nerepuner kwaw a'e pe nehemaw rehe. Tupàn ukwaw umàno ma'e kwer wapyta haw. Nerekwaw kwaw ne.

Jó 16:22

Amumaw putar amo kwarahy hereko pà nehe. Tupàn upapar a'e hekwarahy a'e. Aha putar iteko pe rupi ihe. Ni amo nuzewyr kwaw a'e pe rupi wà.

Jó 17:13

Heràpuz umàno ma'e kwer wapyta haw pe hin putar nehe. Azeàpàrirog putar heker pà ipytunaw rehe nehe.

Jó 17:16

Aipo heremiàro wezyw putar ipupyaikaw pyrer umàno ma'e kwer wapyta haw pe har pe nehe. Aipo upytu'u putar hepyr ywy iwy pe nehe.

Jó 3:13

Aze mo àmàno a'e 'ar mehe we, Aker mo ko 'ar rehe. Apytu'u mo ma'erahy ipuraraw 'ym pà.

Jó 30:15

Akyzeahy tuwe ihe. Ywytuhu weraha ka'akyr uxinig ma'e muite a'e. Nezewegatete weraha hekàgaw muite ihewi wà no. Ywàkun ukàzym na'arewahy. Nezewegatete heremetarer upaw ihewi no.

Jó 37:11

Tupàn umynehem ywàkun 'y pupe. Na'e ywàkun omomor uweraw haw no.

Salmos 39:13

Epytu'u herehe neme'egatu re nehe. Nezewe mehe apuner putar herurywete haw pixika'i ma'e hereko haw rehe ihe nehe, Heho 'ym mehe we hemàno 'ym mehe we nehe.

Isaías 26:14

A'e teko umàno wà. Nuzewyr kwaw wikuwe wi pà wà nehe. Nuzawy kwaw ma'e 'àgaw wà. Nukweraw wi pixik kwaw wà nehe ta'e erezepyk wanehe ne xe. Eremumaw ne wà. Ni amo na'ima'enukwaw kwaw wanehe ko 'ar rehe wà.

Isaías 38:11

— Naexak pixik kwaw Tupàn Tuweharupi Wiko Ma'e herekuwe mehe nehe, a'e hezeupe. — Naexak pixik kwaw amo teko ihe wà nehe, a'e hezeupe.