Jó 7:6 - Tupàn zeꞌeg

⁶ He'ar upaw na'arewahy. Nuzawy kwaw pàn ipyahaw. Na'arew uzàn oho. He'ar uhem oho ihewi ma'eràro katu haw hezar 'ym pà. Hereko haw nuzawy kwaw ywytu.

Jó 7:6 ပူးပေါင်းရင်းမြစ်များ

Jó 13:15

Naheta kwaw ma'e hàrogatu haw ihewe kury. Ta'e Tupàn hezuka putar nehe xe. Nezewe rehe we amume'u putar hekatu haw henataromo nehe.

Jó 14:19

'Y u'ar ita rehe imukwamukwar pà. 'y ywy rehe uwyrykahy ma'e weraha ywy uzeinuinuromo. Nezewegatete eremumaw teko wama'eràrogatu haw wanuwi ne.

Jó 16:22

Amumaw putar amo kwarahy hereko pà nehe. Tupàn upapar a'e hekwarahy a'e. Aha putar iteko pe rupi ihe. Ni amo nuzewyr kwaw a'e pe rupi wà.

Jó 17:1

Napuner tària'i kwaw hepytuhemaw rehe. Hereko haw upaw etea'i. Hetym àwàm heràro iko.

Jó 17:11

Hereko haw upaw oho iko. Napuner kwaw heremimutar iapo haw rehe. Ma'e hàrogatu pyr hepy'a pe har oho ihewi paw rupi.

Jó 17:15

Aze nezewe haw uzeapo nehe, ma'e àrogatu putar nehe. Aipo amo upuner ikatu ma'e ihewe uzeapo ma'e ràm hexakaw rehe wà.

Jó 17:16

Aipo heremiàro wezyw putar ipupyaikaw pyrer umàno ma'e kwer wapyta haw pe har pe nehe. Aipo upytu'u putar hepyr ywy iwy pe nehe.

Jó 19:10

Umàmàn heywyr heàmàtyry'ym pà. Te hemumaw. O'ok hema'eràrogatu haw ka'akyr ài. Te hapo o'ok.

Jó 6:11

Nahekàg kwaw ihe. Màràzàwe tuwe aikuwe ihe. Naheta kwaw ma'e hàrogatu haw ihewe.

Jó 9:25

He'ar uzàn wera'u awa uzàn ma'e wi. Nezewegatete he'ar upaw na'arewahy no. Upaw turywete haw hexak pixik 'ym pà.

Salmos 102:11

Hereko haw nuzawy kwaw ma'e 'àg kwarahy heixe mehe har. Aiko ka'api'i uxinixinig ma'e ài.

Salmos 144:4

Teko nuzawy kwaw pytuhemaw wà. Waneko haw nuzawy kwaw ma'e'àg kwerupi ukwaw ma'e wà.

Provérbios 14:32

Ikatu 'ymaw weraha ikatu 'ym ma'e iaiw paw pe wà. Imunar 'ymaw uzekaiw ikatu ma'e wanehe.

Jeremias 2:25

Teko Izaew izuapyapyr wà. Pema'emua'u katu nehe. Nezewe mehe napezepyapi kwaw nehe. Ta'e peata tetea'u amo tupàn a'ua'u wanekar pà pe xe. Pema'emua'u katu nehe. Nezewe mehe pe'az na'ixinigahy kwaw nehe. — Nan, peze peiko. — Nezewe rehe we aha putar tupàn a'ua'u amo ywy rehe har wanekar pà ihe nehe, ta'e azamutar katu ihe wà xe, peze peiko.

Efésios 2:12

A'e 'ar rehe naperuzar kwaw Zaneruwihawete ze'eg. Amo ae ywy rehe har ài peiko. Uiwy rehe wiko 'ym ma'e ài peiko. Napeiko kwaw Tupàn hemiruze'eg romo. Kwehe mehe Tupàn umume'u tuwe ma'e wemiruze'eg wanupe a'e, zutew wanupe a'e. Numume'u kwaw a'e ma'e peipy wanupe. A'e rupi peipy nuàro kwaw upyro àwàm a'e wà. Nuàro kwaw Tupàn pyr oho àwàm wà. Napeàro kwaw pe no. Napemuwete kwaw Tupàn peiko.

Tiago 1:11

Kwarahy uhem a'e. Hakuahy. Umuxinig ka'akyr iputyr. Iputyr u'ar izuwi. Ukàzym ipuràg eteahy haw izuwi. Nezewegatete hemetarer katu ma'e ukàzym putar wà nehe no, wemetarer ima'e mehe we wà nehe no.

Tiago 4:14

Naxikwaw pixik kwaw zanereko àwàm pyhewe àràm zane. Zaiko ywyximorer ài. Ywyximorer uzexak kar e ko rupi a'e. Tàrityka'i ukàzym.

1 Pedro 1:13

Tupàn umur putar ikatuahy ma'e peme nehe, Zezuz Zaneruwihawete tur mehe nehe. Peàrogatu tur àwàm nehe. Pema'enukwaw tuwe Zezuz rehe nehe.

1 Pedro 1:24

Ta'e nezewe i'i Tupàn ze'eg kwehe arer a'e xe. Teko paw rupi a'e wà, Ka'api'i ài wanekon a'e wà. Wakàgaw wapuràgaw a'e wà, Nuzawy kwaw ka'api'i putyr a'e wà. Uxinig ka'api'i. Iputyr uxinig u'ar pà izuwi no.