Jó 7:5 - Tupàn zeꞌeg

⁵ Merua'yr upyk heretekwer wà. Heperew ike'e haw hepyk a'e wà no. Hepir oxorok. Uhem ipewer izuwi.

Jó 7:5 ပူးပေါင်းရင်းမြစ်များ

Jó 13:28

Nezewe mehe apaw aha iteko ywyra kupi'i hereko har ài. Nazawy kwaw kamir yhok tetea'u wanemi'u kwer no.

Jó 17:14

— Hetymaw wiko heru romo, a'e putar nehe. Merua'yr wiko hehy romo wà, hereinyr romo wà.

Jó 17:7

Apuraraw ma'erahy tetea'u teko ihe. Te naherehàpyhàgatu kwaw kury. Heretekwer nuzawy kwaw ma'e i'àgaw a'e.

Jó 19:20

Xo hepir hekagwer rehe we upyta we ihewe. Hereko wiwi haw zawaiw katu ihewe.

Jó 19:26

Hema'eahy haw uxi'uxi'u putar hepir paw rupi a'e nehe. Nezewe rehe we aexak putar Tupàn ko heretekwer pupe hereko mehe ihe nehe.

Jó 24:20

Te ihy na'ima'enukwaw kwaw hehe. Merua'yr u'u ho'o kwer wà. Ikatu wanupe i'u mehe. Teko paw heharaz izuwi wà. Tupàn umumaw ikatu 'ym ma'e iapo har ywyra u'ar ma'e wer ài.

Jó 9:31

Tupàn hereityk to'om pupe a'e. Hero te hekamir pe.

Isaías 1:6

Peàkàg wi te pepy rehe, penetekwer paw rehe heta pepetek awer. Heta tetea'u pekixi awer. Heta tetea'u peperew huwy ma'e no. Ni amo nuhez kwaw pekixi awer wà, peperew wà. Ni amo nomono kwaw pàn xig ma'e peperew rehe wà iwànaw romo wà. Ni amo numukatu kwaw uri kawer pupe wà.

Isaías 14:11

— Aiko wera'u pewi, ere urewe kwehe mehe. Ma'e ere iko ko 'ar rehe. Teko umupu uwioràwiràn nerenataromo wà. Upytu'u wà kury. Imupu arer wiko xe umàno ma'e kwer wapyta haw pe wà. Ere'aw putar amirikur wa'aromo xe ne nehe kury. Merua'yr upyk putar neretekwer wà nehe.

Isaías 66:24

A'e re uhem putar tawhu wi umàno ma'e kwer wanetekwer wanexak pà wà nehe. Umàno a'e teko wà, ta'e upytu'u hereruzar ire wà xe. Amirikur a'e teko wanetekwer i'u har numàno pixik kwaw wà nehe. Tata a'e teko wanapy har nuwew pixik kwaw nehe no. Wikuwe ma'e paw ihuhuk wer putar wanexak mehe wà nehe. Ihe Tupàn Tuweharupi Wiko Ma'e aze'eg kwez ihe kury. Upaw.

Ezequiel 20:43

Na'e pema'enukwaw putar penemiapo kwer purumumaranugar kar ma'e nànàn no. Pema'enukwaw putar iaiw ma'e romo peneko awer rehe nehe no. Pehuhuk putar pezehezehe nehe. Ta'e pema'enukwaw putar penemiapo kwer ikatu 'ym ma'e wanehe nehe xe.

Atos 12:23

A'e 'ar mehe we Tupàn heko haw pe har umuma'eahy kar Ero wà a'e kury, ta'e numuwete kwaw Tupàn a'e xe, ta'e uzemuigo kar Tupàn romo a'e xe. — Naiko kwaw Tupàn romo ihe pa, awa romo tuwe aiko ihe pa, ni'i kwaw teko wanupe. Ima'eahy tuwe Ero kury. Waxaaxaw amirikur hetekwer a'e wà kury. Umàno na'arewahy kury.