Jó 7:14 - Tupàn zeꞌeg

¹⁴ A'e ma'e rehe heze'eg ire hemukuhem kar pe puahu pupe ne. Puahu iaiw ma'e pupe hemukyze kar pe ne.

Jó 7:14 ပူးပေါင်းရင်းမြစ်များ

Gênesis 41:8

Iku'em mehe uzemupy'a a'e. A'e rupi wenoz kar ma'e ikwaw pyr 'ym kwaw par paw wamuwà wàpuz me a'e wà kury. Werur kar ma'e kwaw par Ezit ywy rehe har paw a'e wà no. Umume'u upuahu awer wanupe. Ni amo ma'e kwaw par nukwaw kwaw imume'u haw izupe wà.

Jó 3:26

Naiko kwaw zeàmàtyry'ymaw rehe. Naheta kwaw hepytu'u haw ihewe. Naheawoawotahy kwaw zote ihe.

Jó 7:13

— Apytu'u putar heker haw rehe nehe, a'e zepe hezeupe. Heker haw umumaw putar herahy haw ihewi nehe, a'e zepe hezeupe.

Jó 7:15

Aze mo amo hezuka he'azuwyk pà nehe, ikatu mo ihewe. Hemàno haw ikatu wera'u ko heretekwer pupe hereko haw wi.

Jó 7:4

Ipytunaw ipukua'u a'e. Awawak tetea'u heker haw rehe pyhaw. Te iahykaw rehe heku'em. Apuranu wiwi hezehe. — Aipo uhem hepu'àmaw 'ar kury, a'e hezeupe.

Daniel 2:1

Tuwihawete romo wiko mehe mokoz haw kwarahy mehe Namukononozor uzypyrog upuahu pà kury. Ukyze katu a'e, a'e rupi nupuner kwaw uker haw rehe.

Daniel 4:2

Tupàn Upuner Wera'u Ma'e uzapo purumupytuhegatu kar haw ikatuahy ma'e tetea'u ihewe a'e. Hepurukwaw kar wer a'e ma'e rehe peme paw rupi katete ihe kury.

Mateus 27:19

Wapyk Pirat in tuwihaw henaw rehe kury. Hemireko omono kar uze'eg izupe. — Ezapo kar zo ma'e a'e awa pe nehe 'y, ta'e nuzapo pixik kwaw ikatu 'ym ma'e a'e 'y. Pyhaw apuahu hehe ihe. Apuraraw ma'erahy tetea'u ihe, hehe hepuahu mehe ihe, i'i umen pe, uze'eg imono kar pà izupe.