Jó 6:4 - Tupàn zeꞌeg

⁴ Tupàn upuner wera'u ma'e hezywa u'yw puruzuka haw hereko har pupe a'e. A'e puruzuka haw wixe hepy'a pupe. Heàmàtyry'ym awer pupe Tupàn hemynehem hekyzeahy haw pupe no.

Jó 6:4 ပူးပေါင်းရင်းမြစ်များ

Jó 16:9

Wikwahy mehe Tupàn hereityk azeharomoete a'e. Na'iakatuwawahy kwaw herehe ume'e mehe. Nuzawy kwaw miar ipuruzukaiwahy ma'e. Ur heraikweromo hezuka àwàm imume'u pà.

Jó 19:12

Hekutuk iaiw haw pupe. Iaiw haw nuzawy kwaw zauxiapekwer wà. Uhàwykàz ywykwar uzeàmimaw romo wà. Uzapo uker haw heràpuz izywyr wà.

Jó 20:16

U'u puruzuka haw mozaiw izuru pe har. A'e puruzuka haw uzuka i'u arer.

Jó 21:20

Tuwe Tupàn uzepyk ikatu 'ym ma'e iapo har rehe nehe. Tuwe nuzepyk kwaw amo rehe nehe. Tuwe a'e ae upuraraw Tupàn upuner wera'u ma'e ikwahy haw nehe.

Jó 30:15

Akyzeahy tuwe ihe. Ywytuhu weraha ka'akyr uxinig ma'e muite a'e. Nezewegatete weraha hekàgaw muite ihewi wà no. Ywàkun ukàzym na'arewahy. Nezewegatete heremetarer upaw ihewi no.

Jó 31:23

Nazapo pixik kwaw agwer ma'e ihe. Ta'e akyzeahy Tupàn izepyk àwàm wi ihe xe. Aze mo azapo agwer ma'e, Napuner iwer mo henataromo heho àwàm rehe nehe.

Jó 34:6

Upuranu iko nezewe a'e. — Aiko ikatu ma'e romo. Nezewe rehe we, — Hemu'em ma'e, i'i teko ihewe wà. Nazapo pixik kwaw ikatu 'ym ma'e ihe. Nezewe rehe we hema'eahy iteko ihe. Naheta kwaw hemukatu haw, i'i Izo iko.

Jó 7:20

Ma'e ikatu 'ym ma'e azapo, o teko wanehe ume'egatu ma'e. Màràzàwe tuwe hemuigo kar pe u'yw pupe neremizywà kwer romo, Aipo hepuhuz katu tuwe newe nezewe.

Jó 9:17

Tupàn hezuhaw ywytuaiw àmàn inuromo har pupe a'e. Umueta tetea'u e heperew.

Salmos 143:7

O Tupàn Tuweharupi Wiko Ma'e, ewazar heze'eg ihewe na'arewahy nehe, Ta'e nàro kwaw ikatu ma'e ihe kury xe. Ezeàmim zo ihewi nehe. Nezewe mehe naiko kwaw Umàno ma'e kwer wapyta haw pe wezyw ma'e wazàwe ihe nehe.

Salmos 18:14

Omomor u'yw. Umuhàmuhàz wàmàtyry'ymar wà. Àmàn iweraw paw heny katu ma'e pupe umuzàn kar a'e wà.

Salmos 21:12

Omomor putar u'yw wakutyr nehe, Wamuzàn kar pà nehe.

Salmos 38:2

Neru'yw purumuahy kar ma'e hekutuk a'e wà. Herehe nezepykaw nepo pe har ipuhuz katu ihewe.

Salmos 38:3

Erekwahy ihewe ne, a'e rupi hema'eahy ihe. Heretekwer nànàn hema'eahy Heremiapo kwer ikatu 'ym ma'e rehe.

Salmos 45:5

Haime neru'yw apyr. Ukutuk neàmàtyry'ymar wazà'à. Teko ywy nànànar u'ar nepy huwake wà.

Salmos 7:13

Upyhyk putar a'e puruzuka haw opo pe nehe. Omomor u'yw tata iapo pyrer nehe.

Provérbios 14:10

Xo ne zo erekwaw iro haw nepy'a pe har. Nerurywete haw no, nerepuner kwaw imuza'akaw rehe teko neremigwaw 'ym wanupe ikurer imono haw rehe no.

Provérbios 18:14

Ima'eahy ma'e heko wer tuwe a'e. A'e rupi numàno kwaw. Aze upytu'u weko wer ire, naheta kwaw hàro haw.

Isaías 28:19

Teko ma'erahy ipuraraw paw nànàn pepuraraw putar wainuinuromo pe nehe no. Tuweharupi ur putar nehe: ku'em mehe, kwarahy heixe re nehe no. Tupàn ze'eg pitàitàigatu werur putar pekyze haw ipyahu ma'e nehe.

Lamentações de Jeremias 2:4

Wagaw u'yw zanekutyr zaneàmàtyry'ymar ài. Ukàgaw rupi uzuka zaneànàm zaneremiamutar upuner wera'u ma'e wà. Uzakook wekwahy haw Zeruzarez pupe har wanehe tata ài.

Lamentações de Jeremias 3:3

Ukwaukwar tetea'u herehe opo pupe. Umumaw 'ar katu nezewe iapo pà.

Marcos 15:34

Karuk mehe uhapukaz Zezuz a'e kury. — Erui, Erui, erema xapatani, i'i Tupàn pe, uhapukaz pà. — Tupàn, Tupàn, màràzàwe tuwe nahepytywà kwaw pe ne, i'i a'e ze'eg zaneze'eg rupi.

2 Coríntios 5:11

Urukwaw Tupàn wi urekyze haw ure. A'e rupi urumume'u ize'eg oroho uruiko purupe. Aze teko uzeruzar hehe wà nehe, urerurywete putar nehe. Tupàn zanekwaw katu paw rupi a'e. Tuwe hekwaw pe pepy'a pe nezewegatete pe nehe no.

Deuteronômio 32:42

Teko wanuwykwer umupinipinim putar heru'yw nehe. Hetakihe puku uzuka putar heàmàtyry'ymar a'e wà nehe. Ni pitài heàmàtyry'ymar nuhem kwaw umàno haw wi wà nehe. Te heremipyhyk kwer azuka putar ihe wà nehe, i'i Tupàn.

Rute 1:20

— Hurywete ma'e, i'i Noemi her ze'egete rupi. — Imuiro kar pyrer, i'i Mara ze'egete rupi. — Noemi, hurywete ma'e, peze zo ihewe nehe. — Mara, imuiro kar pyrer, peze ihewe nehe kury. Ta'e Tupàn ikàg wera'u ma'e umuiro kar hereko haw ihewe a'e no 'y, i'i wanupe.