Jó 6:25 - Tupàn zeꞌeg

²⁵ Aze amo umume'u ze'eg azeharomoete har, teko uzeruzar hehe wà. — Ikatu 'ym ma'e erezapo Tupàn henataromo ne, peze ihewe. Napemume'u kwaw ze'eg azeharomoete har.

Jó 6:25 ပူးပေါင်းရင်းမြစ်များ

Jó 13:5

A. Aze mo pepytu'u peze'eg ire, — Ma'ekwaw katu har, i'i mo teko peme wà.

Jó 21:34

Hemyrypar wà, peze'eg nahemurywete kar kwaw. Penemu'em peze'eg mehe.

Jó 24:25

— Nan kwaw nezewe, aipo amo upuner u'e haw rehe wà. — Neremume'u kwaw ze'eg azeharomoete har, Aipo amo upuner u'e haw rehe ihewe wà.

Jó 27:12

Nan. Namume'u kwaw nehe, ta'e pexak a'e ma'e paw rupi xe. Màràzàwe tuwe pepyta xe iranaiw ma'e ài peze'eg pà.

Jó 32:3

Wikwahy a'e na'iruz imyrypar wanupe no. Ta'e nupuner kwaw Izo pe ize'eg iwazar haw rehe wà xe. — Tupàn ru'u uzawy aipo, i'i a'e pe har uzeupeupe wà.

Jó 4:4

Amo i'ar mehe ikene'o mehe ikàg 'ym mehe, Neze'eg umukàg a'e teko wamupu'àm kar pà wà.

Jó 6:24

Hemu'e pe nehe. A'e mehe naze'eg kwaw nehe. Pexak kar heremiawy kwer ihewe nehe.

Jó 6:26

Aipo peze'eg zemueteahy wer heze'eg rehe. Aipo awa ma'erahy ipuraraw har ize'eg nuzawy kwaw ywytu peme.

Provérbios 12:18

Uze'eg zemueteahy ma'e ize'eg upurukutuk takihepuku apyr ài. Ma'e kwaw katu har ize'eg upuner purumukatu haw rehe.

Provérbios 15:23

Aze amo ukwaw ze'eg iwazar haw, hurywete a'e. Ze'eg ikatu ma'e 'ar ikatu ma'e rehe har ikatuahy.

Provérbios 18:21

Neremimume'u upuner teko wapyro haw rehe màno haw wi. Upuner màno haw pe wamono kar haw rehe no. A'e rupi ezekaiw katu neze'eg àwàm rehe nehe. A'e mehe ikatu ma'e uzeapo putar newe nehe.

Provérbios 25:11

Ze'eg ikatu ma'e i'ar ikatu ma'e rehe har nuzawy kwaw ma'eragapaw or iapo pyrer itaxig rehe imomog pyrer a'e. Puràg eteahy a'e.