Jó 6:24 - Tupàn zeꞌeg

²⁴ Hemu'e pe nehe. A'e mehe naze'eg kwaw nehe. Pexak kar heremiawy kwer ihewe nehe.

Jó 6:24 ပူးပေါင်းရင်းမြစ်များ

Jó 10:2

O Tupàn, ezepyk zo herehe nehe. Emume'u heremiapo kwer ikatu 'ym ma'e ihewe nehe.

Jó 13:23

Màràn haw rupi azawy. Màràn ikatu 'ym ma'e azapo. Ma'enugar heremiawy kwer eremume'u iko. Ma'enugar heremiapo kwer ikatu 'ym ma'e eremume'u iko.

Jó 32:11

Peze'eg mehe we naze'eg kwaw ihe. Aenu katu pema'enukwaw paw. Pekar ze'eg ikatu wera'u ma'e peze'eg mehe.

Jó 33:1

A'e rupi, Izo, ezeapyaka katu heze'eg rehe nehe. Ezekaiw katu heremimume'u ràm nànàn nehe no.

Jó 34:32

— Exak kar hekatu 'ymaw ihewe nehe, aipo ere izupe. — Apytu'u putar ikatu 'ym ma'e iapo re nehe kury, aipo ere izupe.

Jó 5:27

Izo, zanereko haw zanemu'e nezewe haw rehe a'e. Ko ze'eg azeharomoete har romo a'e. Nema'enukwaw hehe nehe. Ikatu putar newe nehe.

Jó 6:23

— Hepyro pe heàmàtyry'ymar wi nehe, aipo a'e peme. — Imunar ma'e wanuwi hepyro pe nehe, aipo a'e peme.

Jó 6:25

Aze amo umume'u ze'eg azeharomoete har, teko uzeruzar hehe wà. — Ikatu 'ym ma'e erezapo Tupàn henataromo ne, peze ihewe. Napemume'u kwaw ze'eg azeharomoete har.

Salmos 19:12

Mo upuner wemiawy kwer hexakaw rehe. Hemukatu pe nehe, hezar, heremiawy kwer heremixak 'ym wanuwi nehe.

Salmos 32:8

Tupàn Tuweharupi Wiko Ma'e uze'eg ihewe. — Urumu'e putar pe neho àwàm rehe ihe nehe. Aexak kar putar neho àwàm nehe. Akwaw kar putar neremiapo ràm nehe no.

Provérbios 25:12

Aze amo ipurukwaw wer ma'e rehe, ma'e kwaw par ize'eg ikatu wera'u kwàku'aw har or iapo pyrer wi izupe. Ikatu wera'u henyahy ma'e zaneretekwer rehe har or ikatuahy ma'e iapo pyrer wi izupe.

Provérbios 9:9

Aze eremu'e amo ma'e kwaw katu har wyzài ma'e rehe nehe, ukwaw katu wera'u putar ma'e a'e re a'e nehe. Aze eremume'u wyzài ma'e teko ikatu ma'e pe nehe, ima'e kwaw katu haw uhua'u wera'u putar a'e re nehe.

Tiago 1:19

Peruzar ko ze'eg nehe, herywyr heremiamutar wà. Aze amo umume'u Tupàn ze'eg nehe, pezeapyaka katu hehe nehe. Aze napekwaw katu kwaw Tupàn ze'eg nehe, pemume'u zo ize'eg peho tàrityka'i amo pe nehe. Amo wikwahy tàrityka'i wyzài ma'e rehe wà. Peiko zo wazàwe nehe.

Tiago 3:2

Wyzài 'ar mehe xiawy Tupàn hape zane. Aze mo awa nuzawy pixik iwer uze'eg mehe, a'e mehe mo ikatuahy ma'e romo mo hekon a'e. Iawy 'ymar romo mo hekon. Uzeruze'eg mo azeharomoete.