Jó 6:11 - Tupàn zeꞌeg

¹¹ Nahekàg kwaw ihe. Màràzàwe tuwe aikuwe ihe. Naheta kwaw ma'e hàrogatu haw ihewe.

Jó 6:11 ပူးပေါင်းရင်းမြစ်များ

Jó 10:20

Hereko haw uhem etea'i iahykaw rehe. A'e rupi, hemuigo kar pe puruàmàtyry'ym 'ymaw rehe nehe. Tuwe turywete haw pixika'i ma'e uhem ihewe nehe.

Jó 13:25

Aiko ka'a huwer ywytu hemiraha zàwe ihe. Màràzàwe tuwe hemukyze kar pe ne. Nazawy kwaw pino uxinig ma'e. Màràzàwe tuwe nepurupuraraw kar wer ma'erahy rehe ihewe.

Jó 13:28

Nezewe mehe apaw aha iteko ywyra kupi'i hereko har ài. Nazawy kwaw kamir yhok tetea'u wanemi'u kwer no.

Jó 17:1

Napuner tària'i kwaw hepytuhemaw rehe. Hereko haw upaw etea'i. Hetym àwàm heràro iko.

Jó 17:13

Heràpuz umàno ma'e kwer wapyta haw pe hin putar nehe. Azeàpàrirog putar heker pà ipytunaw rehe nehe.

Jó 21:4

Naze'eg zemueteahy kwaw teko wanehe. A'e rupi naàrogatu kwaw ma'e.

Jó 26:2

Minaz, nahekàg kwaw ihe. Naheta kwaw hekàgaw ihewe kury. Hepytywàgatu pe iko ne. Hemurywete katu kar pe iko no.

Jó 6:12

Aipo hekàg ita ài. Aipo ita morog uzeapo heretekwer romo.

Salmos 102:23

Kwàkwàmo romo aikuwe ihe rihi. Nezewe rehe we Tupàn o'ok hekàgaw ihewi. Umuaikwera'i kar hereko haw ihewi.

Salmos 39:4

— O Tupàn Tuweharupi Wiko Ma'e, màràn kwarahy amumaw putar hereko pà ihe rihi. Ekwaw kar hekwarahy heta tetea'u 'ym àwàm ihewe nehe. Màràn mehe àmàno putar nehe, a'e izupe.

Salmos 39:5

Hereko haw ihewe nemur awer na'ipuku kwaw a'e. Hereko haw ipuku haw pixika'i nerenataromo. Azeharomoete teko waneko haw nuzawy kwaw pytuhemaw a'e.