Jó 6:10 - Tupàn zeꞌeg

¹⁰ Aze mo akwaw a'e ma'e Tupàn hemiapo ràm, Apoapor mo herurywete haw rehe. Aze mo apuraraw ma'erahy tetea'u, Nezewe rehe we mo apoapor mo. Ta'e Tupàn ikatuahy a'e xe. Hemiapo kar paw ikatu ihewe.

Jó 6:10 ပူးပေါင်းရင်းမြစ်များ

Jó 11:4

— Heze'eg ikatuahy, ere iko nezeupe. — Aiko ikatu 'ym ma'e iapo 'ymar romo Tupàn henataromo ihe, ere iko.

Jó 15:11

Tupàn ipurumurywete kar wer nerehe. Màràzàwe tuwe nereputar kwaw nemurywete kar àwàm. Uruze'egatu uruiko newe her rehe.

Jó 21:33

Teko tetea'u oho tywypaw pe hetekwer heraha har wanupi wà. Te ywy hetekwer imimaw ipiruahy a'e.

Jó 22:22

Tuwe Tupàn nemu'e nehe. Emonokatu ize'eg nepy'a pupe nehe.

Jó 23:11

Ata pe ihewe hemixak kar rupi ihe. Napiza kwaw izuwi.

Jó 23:12

Aruzar Tupàn hemiapo kar. Azapo hemimutar tuweharupi. Nazapo kwaw heremimutar.

Jó 3:22

Uzetymaw pupe uwezyw mehe hurywete wà. Hurywete azeharomoete wà.

Jó 9:4

Ohoete ima'e kwaw katu haw 'yryhu ài. Ipuner haw uhua'u a'e no. Mo upuner iàmàtyry'ymaw rehe wà. Mo upuner heitykaw rehe wà.

Salmos 119:13

Tuweharupi amume'u Neremiapo kar wahy haw rupi ihe.

Salmos 119:50

Ma'erahy ipuraraw mehe hemurywete kar pe ne, Ta'e neremimume'u kwer umur wi nekàgaw ihewe xe.

Salmos 37:30

Umume'u ma'e ma'e kwaw katu har ài wà. Tuweharupi uze'eg ikatu ma'e rehe wà no. Uze'eg ikatuahy ma'e rehe wà.

Isaías 57:15

Tupàn Ikatuahy Ma'e Ywate Wera'u Ma'e a'e, Tupàn Tuweharupi Wiko Ma'e a'e, uze'eg a'e. — Hereko haw upyta ywate a'e. Ikatuahy a'e, ikatu 'ymaw wi imunyryk pyrer romo hekon a'e. Aiko ikàg 'ym ma'e wainuinuromo ihe no. Aiko ma'erahy ipuraraw par wainuinuromo ihe no. Nezewe mehe àro kar ikatu ma'e ikàg 'ym ma'e wanupe. Amono wakàgaw ipyahu ma'e ma'erahy ipuraraw par wanupe no.

Oséias 11:9

Namuigo kar kwaw hekwahy haw hezar romo nehe. Namumaw zuapyr wi kwaw heremiaihu ihe wà nehe. Ta'e Tupàn romo aiko ihe xe. Naiko kwaw teko romo. Ihe Tupàn ikatuahy ma'e ihe, aiko heremiaihu wainuromo ihe. Namumaw zuapyr wi kwaw ihe wà nehe.

Levítico 19:2

i'i Tupàn Tuweharupi Wiko Ma'e Moizez pe. — Peiko ikatu ma'e romo nehe, ta'e ihe Tuweharupi Wiko Ma'e pezar aiko ikatu ma'e romo ihe xe.

Habacuque 1:12

O Tupàn Tuweharupi Wiko Ma'e. Tuweharupi ereikuwe ne. O hezar ikatuahy ma'e. Neremàno pixik kwaw nehe. Ereiko urepyro har romo. O Tupàn Tuweharupi Wiko Ma'e. Erexarexak Mawiron pe har ne wà. Eremono nekàgaw wanupe. A'e rupi upuner urerehe uzepykaw rehe wà nehe.

Habacuque 3:3

Tupàn ur iko Enom ywy wi. Tupàn Ikatuahy Ma'e ur iko Pàrà ywytyr wi. Ikàgaw uhyape katu ma'e upyk ywak a'e. Ywy rehe har paw umume'u ikatu haw wà.

Atos 20:20

Nakyze kwaw imume'u mehe ihe. A'e rupi amume'u Zezuz rehe Tupàn ze'eg peme paw rupi ihe, pemu'e pà, teko wanuwa rupi, penàpuz me no.

Atos 20:27

Ta'e Tupàn ze'eg puràg Zezuz Zaneruwihawete rehe har paw rupi katete amume'u peme ihe xe. Tupàn hemiapo putar haw paw rupi katete amume'u peme ihe.

Romanos 8:32

Umur wa'yr imumàno kar pà zanerekuzaromo a'e. Nahekyty'ym kwaw a'e. Umur wa'yr zanewe, a'e rupi umur putar ma'e paw zanewe nehe no.

Deuteronômio 29:20

Tupàn Tuweharupi Wiko Ma'e numunàn kwaw agwer ikatu 'ym ma'e iapo arer wi nehe. Uzakook putar wekwahy haw hehe nehe. Wikwahy putar izupe nehe. Uzepyk putar hehe uze'egaiw ko pape rehe imuapyk pyrer nànàn nehe. Ni amo na'ima'enukwaw kwaw hehe wà nehe.

Apocalipse 3:7

— Emono kar ko heze'eg uzeruzar ma'e Piratew tawhu pe har wanupe nehe kury ty, pape rehe imuapyk pà nehe kury ty, i'i Zezuz ihewe. Na'aw ize'eg xe kury. — Aiko ikatuahy ma'e romo ihe, ikatu 'ym ma'e wi uzemonokatu ma'e romo ihe. Azeharomoete heze'eg. Tawhu ipyahu ma'e azapo putar ihe nehe, iahykaw rehe ihe nehe. — Tawi heko haw, i'i putar teko a'e taw pe wà nehe. Aiko tuwe putar a'e taw pe ihe nehe. Aze teko heixe wer Tawi heko haw pe a'e wà nehe, hereko haw pe a'e wà nehe, ur putar hepyr a'e wà nehe. Aze a'e teko ikatu ihewe wà nehe, wixe putar Tawi heko haw pe wà nehe. Aze na'ikatu kwaw ihewe wà nehe, nuixe kwaw a'e pe wà nehe. Nuiko kwaw hepyr wà nehe. Aze namuixe kar kwaw a'e teko ihe wà nehe, amo numuixe kar kwaw a'e wà nehe no. Aze amuixe kar ihe wà nehe, — Eixe zo nehe, ni'i kwaw amo wanupe a'e wà nehe.

Apocalipse 4:8

Pitàitàigatu a'e ma'e wereko 6 upepo a'e wà. Heta tetea'u waneha a'e wà no, te wanetekwer wanehe heta heha a'e wà no, te wapy'a pe a'e wà no. Uzegar waiko wà, upytu'u 'ym pà wà. Ikatuahy, ikatuahy, ikatuahy, Zanezar Tupàn Ikàg Wera'u Ma'e a'e. Izypy mehe hekon a'e. Ko 'ar rehe hekon a'e no. Wiko putar tuweharupi a'e nehe no, i'i waiko izupe wà, uzegar pà wà.

1 Samuel 2:2

Ni amo na'ikatu kwaw Tupàn Tuweharupi Wiko Ma'e zàwe a'e wà. Naheta kwaw amo Tupàn. Xo a'e zo. Naheta kwaw amo purehe uzekaiw ma'e Zanezar zàwe a'e wà.