Jó 5:20 - Tupàn zeꞌeg

²⁰ Temi'u ihyk 'ym mehe nanemumàno kar kwaw nehe. Teko wazeàmàtyry'ym mehe nepyro putar takihepuku wi nehe.

Jó 5:20 ပူးပေါင်းရင်းမြစ်များ

Gênesis 45:7

Tupàn hemur kar penenataromo a'e. Nezewe mehe pepyro ma'uhez taw wi xe a'e, pemumàno kar 'ym pà a'e. Nezewe mehe heta putar pezuapyapyr a'e wà nehe kury, ta'e heta temi'u peme a'e xe.

1 Reis 17:6

Ui'u a'e yrykaw rupi. Tuweharupi zàpuun werur typy'ak izupe wà. Werur ma'ero'o kwer izupe wà no. Ku'em mehe werur wà. Karuk mehe werur wà no.

Salmos 118:18

Uzepyk tuwe herehe a'e. Nezewe rehe we nahemumàno kar kwaw.

Salmos 144:10

Ereityk kar waàmàtyry'ymar tuwihawete wanupe ne wà. Erepyro neremiruze'eg Tawi imàno haw wi no.

Salmos 27:3

Aze zauxiapekwer tetea'u uzemono'og heywyr umàmàn pà wà nehe, Nakyze kwaw wanuwi nehe. Aze heàmàtyry'ym heàmàtyry'ymar wà nehe, Azeruzar wiwi Tupàn rehe nehe.

Salmos 33:19

Upyro wamàno haw wi wà. Umuigo kar wiwi temi'u heta 'ym mehe wà no.

Salmos 37:19

Kwarahy ikatu 'ym ma'e mehe nupuraraw kwaw ma'erahy wà nehe. Heta putar wanemi'u ràm wanupe ma'uhez taw uhua'u ma'e mehe nehe.

Salmos 49:7

Ni amo nupuner kwaw uzepyro haw rehe wà. Ni amo nupuner kwaw weko haw imekuzar haw rehe Tupàn pe wà,

Provérbios 10:3

Tupàn Tuweharupi Wiko Ma'e numuma'uhez kar kwaw teko ikatu ma'e wà. Nuzapo kwaw ikatu 'ym ma'e wanemimutar a'e.

Isaías 33:16

Agwer ma'e iapo 'ymar wiko katu putar nehe. Wàpuztàtà ita iapo pyrer pupe wexak putar uzepyro àwàm nehe. Heta putar hemi'u ràm izupe tuweharupi nehe. Uhyk putar 'y izupe tuweharupi nehe no.

Jeremias 37:21

A'e rupi tuwihawete Zeneki hemono kar zauxiapekwer waneko haw pe. Tuweharupi umur typy'ak typy'ak iapo haw parer wà. Te upaw typy'ak tawhu pe har. Xo a'e 'ar mehe upytu'u imur ire ihewe wà. Nezewe apyta zauxiapekwer waneko haw pe.

Jeremias 39:18

Urupyro putar ihe nehe. Ereikuwe putar nehe, ta'e erezeruzar herehe ne xe. Ihe Tupàn Tuweharupi Wiko Ma'e aze'eg kwez kury, i'i Emene-Merek pe.

Oséias 13:14

Aipo apyro putar heremiaihu wamàno àwàm wi wà nehe. Aipo namono kwaw umàno ma'e kwer waneta haw pe ihe wà nehe. O màno haw. Ezur kury. Erur ma'erahy neremipuraraw kar ràm nehe. O umàno ma'e kwer waneta haw. Erur purehe nezepyk àwàm nehe. Napuhareko kwaw ko teko ihe wà nehe.

Habacuque 3:17

Aze pi 'yw na'i'a kwaw nehe, aze uwà 'yw na'i'a kwaw nehe, aze naheta kwaw uri ipo'o pyràm nehe, Aze naheta kwaw arozràn ipo'o pyràm nehe, aze naheta kwaw àràpuhàràn ka'api'i pe wà nehe, aze naheta kwaw tapi'ak pari pupe wà nehe,

Mateus 24:6

Tuwihaw omono kar putar wemiruze'eg zauxiapekwer a'e wà nehe, amo ae zauxiapekwer wàmàtyry'ym kar pà a'e wà nehe. Wazeàmàtyry'ymaw wànoànog putar nehe. Peinu putar iànoànogaw penuwake har nehe. Peinu putar teko wazeàmàtyry'ymaw muite har nehe no. Pezeapyaka katu ko heze'eg rehe nehe ty wà. Pekyze zo wanuwi nehe. Ta'e agwer ma'e uzeapo putar tuwe nehe xe. Nuhem kwaw iahykaw a'e 'ar mehe.