Jó 5:18 - Tupàn zeꞌeg

¹⁸ Tupàn upurumugaz a'e. A'e ae umukatu wemimugaz kwer no. Upurukutuk no. Nezewe rehe we ipo umukatu wemikutuk kwer no.

Jó 5:18 ပူးပေါင်းရင်းမြစ်များ

Salmos 147:3

Umukatu uzemumikahy tuwe ma'e wà. Omono muhàg wakutuk awer rehe a'e, wakixi awer rehe a'e.

Isaías 19:22

Tupàn Tuweharupi Wiko Ma'e umuahy kar putar Ezit rehe har wà nehe. A'e re umukatu putar wà nehe. Ezit uzemumikahy putar wemiapo kwer rehe wà nehe. Uzewyr putar Tupàn Tuweharupi Wiko Ma'e pe wà nehe. Tupàn wenu putar waneminoz nehe. Umukatu putar wà nehe.

Isaías 30:26

Tupàn umukatu wemiaihu wamuahy kar awer nehe. Umuke'e putar wemiaihu waperew wemiapo kwer nehe no. A'e 'ar mehe zahy uhyape katu putar kwarahy ài nehe. Kwarahy uhyape katu wera'u 7 haw uhyape haw kwehe arer wi nehe. Pitài 'ar rehe ihyape katu haw nuzawy kwaw 7 'ar rehe ihyape katu awer nehe.

Jeremias 30:17

Peàmàtyry'ymar uze'eg nezewe wà. — Xiàw uzeapo ikàg 'ym ma'e romo a'e. Ni amo nuzekaiw kwaw hehe wà, i'i penehe wà. Amono wi putar penuhàgaw peme nehe. Amuke'e putar peperew nehe no. Ihe Tupàn Tuweharupi Wiko Ma'e aze'eg kwez kury.

Oséias 6:1

Teko Izaew uze'eg wà kury. — Zazewyr zaha Tupàn Tuweharupi Wiko Ma'e pe upaw rupi zane nehe ty wà. Zanekutuk a'e. Azeharomoete zanemukatu wi putar nehe no. Uzepyk zanerehe. Azeharomoete heharaz putar zaneremiapo kwer wi nehe no.

Levítico 14:48

Aze xaxeto uzewyr tàpuz rehe ume'e pà ywyok ipyk wi re nehe, aze naheta kwaw hàwe haw ywyok rehe nehe, — Ikatu, i'i putar izupe nehe. Ta'e hàwe haw ukàzym izuwi azeharomoete xe.

Deuteronômio 32:39

Pe paw rupi nehe, pekwaw ko ma'e nehe. Xo ihe zo aiko Tupàn romo ihe. Naheta kwaw amo tupàn wà. Apuruzuka ihe. Apurumuigo kar ihe no. Apurukutuk no. Apurumukatu no. Aze hepurapo wer amo ma'e rehe nehe, ni amo nupuner kwaw hemupytu'u kar haw rehe iapo re wà nehe.

1 Samuel 2:6

Tupàn Tuweharupi Wiko Ma'e a'e, purumumàno kar ma'e romo hekon a'e. Purumuigo kar ma'e romo hekon a'e no. Umàno ma'e kwer waneta haw pe poromono kar ma'e romo hekon a'e. Umuzewyr kar teko a'e wi a'e no.