Jó 5:1 - Tupàn zeꞌeg

¹ Ehapukaz nehe, Izo. Aze ru'u amo uwazar putar neze'eg newe wà nehe. Ma'enugar Tupàn heko haw pe har erenoz putar nehe.

Jó 5:1 ပူးပေါင်းရင်းမြစ်များ

Jó 15:15

Tupàn nuzeruzar kwaw weko haw pe har wanehe. Ni ywak na'ikatu kwaw henataromo,

Jó 17:3

O Tupàn, xo ne zo erepuner hepyro haw rehe azeharomoete. Naheta kwaw amo henewer haw imekuzar àràm wà.

Jó 4:18

Tupàn nuzeruzar kwaw ni uma'ereko ma'e weko haw pe har wanehe. Te weko haw pe har wanehe wexak ikatu 'ymaw a'e.

Salmos 106:16

A'e pe wanàpuzràn wanenaw rehe Hewyrowyroahy Moizez rehe wà. Hewyrowyroahy Àràw rehe wà, Tupàn Tuweharupi Wiko Ma'e hemiruze'eg ikatu ma'e rehe wà no.

Salmos 16:3

Teko uze'egatu Tupàn rehe uzeruzar katu ma'e wanehe wà. Hereko wer tuwe wainuinuromo ihe.

Salmos 89:5

O Tupàn Tuweharupi Wiko Ma'e, ywak uzegar ikatuahy ma'e neremiapo kwer rehe a'e. Nereko haw pe har uzemono'og ma'e kwer uzegar puruwi netyryk 'ymaw rehe wà no.

Isaías 41:1

Nezewe uze'eg Tupàn Tuweharupi Wiko Ma'e. — Teko ywy muite har rehe har wà, Pepytu'u peze'eg ire. Pezeapyaka katu nehe. Pemupyahu pekàgaw nehe. Pezur penemiapo kwer ikatu ma'e imume'u àwàm rehe pezemuàgà'ym pà nehe. Zazemono'og nehe. — Mo ikatu, za'e putar zanezehezehe zanepuranu pà nehe.

Efésios 1:1

Ihe Pawru ihe, Zaneruwihawete Zezuz hemimono karer romo aiko ihe, ta'e nezewe Tupàn uputar a'e xe. Ko hepape amono kar putar peme ihe nehe kury. Pe Ew tawhu pe har pe, Zaneruwihawete Zezuz rehe uzeruzar ma'e pe, hekwe inuromo uzemono'og ma'e romo peiko pe.

Hebreus 12:1

Aze'eg putar peme zanereko haw rehe ihe nehe kury. Heta tetea'u a'e zanerexakar zaneiwyr a'e wà. Uzeruzar tuwe Tupàn rehe wà. Tuwe zazeruzar hehe wazàwegatete nehe no. Aze amo ma'e zanemunyryk kar iko Tupàn wi nehe, xityk a'e ma'e nehe. Aze awa upirapoz oho nehe, aze upyhyk amo nehe, numuhem kar wi kwaw uzewi 'y pupe nehe. Nezewegatete aze teko uzapo ikatu 'ym ma'e tuweharupi wà nehe, zawaiw katu wapytu'u haw wà nehe. Zatyryk agwer ikatu 'ym ma'e wi nehe. Zaiko uzàn ma'e zàwe zane. Aze amo izàn wer nehe, nueraha kwaw ipuhuz katu ma'e uzeupi nehe. Nezewegatete zanepureruzar wer Zezuz rehe zane. A'e rupi, tuwe zapytu'u ikatu 'ym ma'e iapo re nehe. Ikatu 'ym ma'e iapo mehe nazanezeruzar wer kwaw hehe. Uzàn ma'e izàn wer tuwe a'e. Tuwe zanezeruzar wer tuwe Zezuz rehe nehe.