Jó 42:3 - Tupàn zeꞌeg

³ — Màràzàwe tuwe nerezeruzar kwaw hema'ekwaw katu haw rehe, ere ihewe. Ta'e aiko ma'e ikwaw 'ymar romo ihe xe. Aze'eg ma'e heremigwaw 'ym rehe ihe. A'e ma'e ikatuahy wera'u ihewe. Napuner kwaw ikwaw paw rehe.

Jó 42:3 ပူးပေါင်းရင်းမြစ်များ

Jó 11:7

— Apuner Tupàn ima'enukwaw paw uzeàmim ma'e kwer ikwaw paw rehe ihe, ere iko nezeupe. — Apuner Tupàn upuner wera'u ma'e ikwaw katu haw rehe ihe no, ere iko nezeupe.

Jó 11:9

Uhu wera'u ywy wi. Uhua'u wera'u yryhu wi no.

Jó 13:1

Aexak a'e ma'e paw hereha pupe ihe. Aenu heapyakwar pupe no. Aenu katu ikwaw pà.

Jó 38:2

Nerekwaw kwaw ma'e ne. Neze'eg awer wexak kar ikwaw 'ymaw ihewe. Mo romo ereiko. Màràzàwe tuwe nerezeruzar kwaw hema'ekwaw katu haw rehe.

Jó 5:9

Nazapuner kwaw hemiapo kwer purumupytuhegatu kar ma'e ikwaw katu haw rehe zane. Hemiapo hexak pyr 'ym waneta haw nupaw kwaw.

Salmos 131:1

O Tupàn Tuweharupi Wiko Ma'e. — Aiko wera'u amo wanuwi ihe, na'e kwaw. Apytu'u amogwer wanuwi hekàg wera'u haw imume'u re. Naikar kwaw uhua'u ma'e aha iteko kury. Aze ma'e zawaiw katu wera'u ihewe, nazeagaw kwaw iapo pà ihe. Naputar kwaw ma'e kury, aze napuner kwaw a'e ma'e hereko haw rehe.

Salmos 139:6

Màràzàwe tuwe hekwaw katu pe nezewe. Nakwaw kwaw ihe. Nema'ekwaw paw uhua'u a'e. Napuner kwaw ikwaw paw rehe ihe.

Salmos 40:5

O Tupàn Tuweharupi Wiko Ma'e urezar. Erezapo ma'e uhua'u ma'e urewe ne wà. Naheta kwaw amo nezàwenugar wà. Eremume'u ikatuahy ma'e urewe neremiapo ràm. Aze mo heze'eg wer a'e ma'e nànàn, Napuner iwer mo, ta'e heta tetea'u a'e wà xe. Teko nupuner kwaw wapapar haw rehe wà.