17 Xo utua'uhez mehe azeharomoete umàno a'e. Upaw.
Na'e amo 'ar mehe netua'uete mehe nereko haw ikatuahy putar nehe, eremàno putar nerurywete haw inuromo nehe. Utym putar neretekwer wà nehe. A'e re ereho putar neipy wapyr nehe, umàno ma'e kwer wapyta haw pe nehe.
Itua'uhez mehe tuwe umàno a'e. Oho uwipy wainuromo uzemono'og pà, umàno ma'e kwer wapyta haw pe.
A'e re Izo umumaw 140 kwarahy wiko pà a'e. Wexak wemimino wà. Wexak wemimino wana'yr wà no.
Eremàno putar netua'uhez mehe nehe, nekàg we mehe nehe no. Ereiko putar arozràn haryw i'ar rehe katete mehe ipo'o pyrer ài nehe.
Amono putar waneko haw ipukua'u ma'e wanupe wanemiapo kwer hekuzaromo nehe. Aexak kar putar wapyro har romo hereko haw wanupe nehe no, i'i Tupàn.
Ma'e kwaw katu haw omono wiwi heko haw teko wanupe. Ipukua'u waneko haw. Umur temetarer wanupe no. Amo teko uze'egatu a'e teko wanehe wà no.
Pekyze Tupàn Tuweharupi Wiko Ma'e Zanezar wi nehe: pe, pena'yr wà, penemimino wà. Tuweharupi peruzar ko ize'eg peme heremimur nehe: hemiapo kar paw, ize'eg paw. Nezewe mehe pemumaw putar kwarahy tetea'u peneko pà nehe.
