Jó 41:14 - Tupàn zeꞌeg

¹⁴ Mo upuner izuru iwàpytymawok kar haw rehe izupe wà. Heta tetea'u hàz iaiw ma'e izupe.

Jó 41:14 ပူးပေါင်းရင်းမြစ်များ

Jó 38:10

Amume'u iho àwàm izupe. Awàpytym hukenawhu zàwenugar iwàpytygatu haw pupe.

Jó 41:13

Mo upuner ipir henuhemaw rehe izuwi wà. Heta mokoz ipir tàtà ma'e izupe wà. Mo upuner ikutukaw rehe wà.

Jó 41:15

Ipekwer uze'yrogatu ikupe ipyk pà. Uzehyzehykahy uzehezehe wà. Tàtàahy ita ài wà.

Salmos 57:4

Heàmàtyry'ymar umàmàn heywyr wà. Nuzawy kwaw zàwàruhu iriàw wà. Ipuru'u wer herehe wà. Wanàz nuzawy kwaw purukutukaw wà. Nuzawy kwaw u'yw wà no. Wapeku nuzawy kwaw takihepuku haime ma'e wà.

Salmos 58:6

O Tupàn. Ezuhaw ikatu 'ym ma'e wanàz nehe. O Tupàn Tuweharupi Wiko Ma'e, ezo'ok wanàz nehe, a'e zàwàruhu iriàw ipuruzukaiw ma'e wanuwi nehe.

Provérbios 30:14

Amo teko imunar hemetarer 'ym ma'e wama'e rehe wà, ma'e hereko 'ymar wama'e rehe wà no. Nupurupuhareko kwaw wà.

Eclesiastes 12:4

Napeapyha kwaw nehe no. A'e mehe napepuner kwaw teko wànoànogaw nahu rupi har henu haw rehe nehe. Pepytu'u etea'i putar arozràn imuku'iku'i haw henu re nehe. Pepytu'u etea'i putar teko wioràwiràn imupu haw henu re nehe. Pepu'àm putar izi'itahy wiràmiri waze'eg mehe nehe.

Daniel 7:7

Na'e aexak àzàguhu 4 haw kury. Ipuruzukaiwahy a'e. Upurumupytuhegatu kar. Ikàg tuwe no. Heta hàz itaper iapo pyrer izuru pupe. Upei'ài'àg wemi'u ràm i'u pà wàz pupe a'e wà. Ukamikamik ikurer upy pupe. Uzawy amogwer na'iruz àzàg wà. Heta 10 i'ak izupe.