Jó 41:10 - Tupàn zeꞌeg

¹⁰ Aze amo uputupyk, Wikwahy a'e. Mo oho iàmàtyry'ym pà wà.

Jó 41:10 ပူးပေါင်းရင်းမြစ်များ

Gênesis 49:9

Hera'yr Zuta a'e, nuzawy kwaw zàwàruhua'yr miar izuka mehe har a'e. Uzeamumew u'aw pà zàwàruhu awa ài, zàwàruhu kuzà ài. Aipo amo nukyze kwaw izuwi wà nehe, aipo amo uputupyk putar oho wà nehe.

Jó 3:8

Amo paze ma'e ikàg wera'u àzàg Erewiàtà her ma'e wi wà. Tuwe a'e paze ma'e omono uze'egaiw a'e ipytunaw rehe wà nehe.

Jó 3:9

Tuwe zahytata izi'itahy har a'e ipytunaw rehe har uwew wà nehe. Tuwe uwàro tatainy nehe. Tuwe tatainy nur kwaw izupe nehe. Tuwe na'iku'em pixik kwaw nehe.

Jó 40:9

Aipo nekàgaw nuzawy kwaw hekàgaw. Aipo neànoànogaw ikàg heànoànogaw ài.

Jó 41:9

Xo Erewiàtà rehe ime'e mehe zo teko wakàgaw uhem wanuwi. Iàkàzym izuwi ukyze pà wà.

Jó 9:4

Ohoete ima'e kwaw katu haw 'yryhu ài. Ipuner haw uhua'u a'e no. Mo upuner iàmàtyry'ymaw rehe wà. Mo upuner heitykaw rehe wà.

Jeremias 12:5

Uwazar Tupàn heze'eg ihewe. — Nekene'o awa wanupi nezàn ire. Aipo erepuner putar kawaru wanupi nezàn àwàm rehe nehe. Nerezepyro kwaw ywy zeàmàtyry'ym 'ymaw heta haw pe, aipo erepuner nereko haw rehe ka'a Zotàw yrykaw iwyr har rehe nehe.

Jeremias 49:19

Amo zàwàruhu iriàw uhem ka'a Zotàw yrykawhu izywyr har wi a'e. Uzeupir ywy ka'api'i ikatu ma'e pe no. Nezewegatete amuzàn kar putar Enom waiwy wi ihe wà nehe no. Na'e awa heremixak ràm wiko putar a'e ywy rehe har wanuwihaw romo a'e nehe. Mo upuner herehe wà. Mo nukyze kwaw ihewi wà. Mo heàmàtyry'ym putar wà nehe. Ma'enugar tuwihaw upuner hereitykaw rehe wà.

Jeremias 50:44

Zàwàruhu iriàw uhem ka'a wi yrykawhu Zotàw izywyr. Na'e uzeupir ywy ka'api'i ikyr katu ma'e heta haw pe no. Nezewegatete ihe Tupàn Tuweharupi Wiko Ma'e azur putar Mawiron wamuzàn kar pà waneko haw tawhu wi ihe wà nehe no. Na'e tuwihaw heremixak ràm wiko putar a'e teko wanuwihawete romo nehe. Mo ikàg hezàwe wà. Mo nukyze kwaw ihewi heàmàtyry'ym pà. Ma'enugar tuwihaw upuner herenataromo.

Números 24:9

Izaew nuzawy kwaw zàwàruhu iriàw upuner ma'e wà. Iker mehe ni amo numume'e kar kwaw wà. Aze amo omono ze'egatu Izaew wanehe nehe, Tupàn omono putar ze'egatu a'e ze'egatu imono har rehe nehe no. Aze amo omono ze'egaiw Izaew wanehe nehe. Tupàn omono putar ze'egaiw a'e ze'egaiw imono har rehe nehe no.

1 Coríntios 10:22

Aze erezapo nezewe haw nehe, Tupàn hewyrowyroahy putar a'e nehe, wikwahy putar a'e nehe. Nanekàg wera'u kwaw izuwi. Uzepyk putar tuwe nerehe nehe.