Jó 41:1 - Tupàn zeꞌeg

¹ Aze'eg putar newe zakarehu erewiàtà her ma'e rehe nehe kury. Aipo erepuner ipyhykaw rehe pina pupe. Aipo erepuner iapeku iàpixipixi haw rehe kyhàhàm pupe.

Jó 41:1 ပူးပေါင်းရင်းမြစ်များ

Gênesis 9:10

— Amume'u putar heremiapo ràm ma'ea'yr wanupe no, pepyr arer kanuhu wi uhem ma'e kwer wanupe: wiràmiri wanupe, ma'ea'yr tàpuznaw pe har wanupe, miar hehaite ma'e wanupe, ma'ea'yr ywy rehe har paw wanupe.

Jó 3:8

Amo paze ma'e ikàg wera'u àzàg Erewiàtà her ma'e wi wà. Tuwe a'e paze ma'e omono uze'egaiw a'e ipytunaw rehe wà nehe.

Jó 40:24

Mo upuner heha izo'okaw rehe wà. Mo upuner ipyhykaw rehe wà. Mo upuner ixi ipyhykaw rehe miar pyhykaw pupe wà.

Salmos 104:26

Kanuhu wata oho waiko yryhu rehe wà. Pirahu àzàg zàwenugar Erewiàtà her ma'e uzemaraz ipupe no. 'Y pe har uhua'u ma'e neremiapo kwer romo a'e.

Salmos 74:14

Erekamikamik àzàg Erewiàtà her ma'e iàkàg ne wà no. Eremono hetekwer miar ywyxiguhu rehe har wanupe wanemi'u romo.

Isaías 27:1

A'e 'ar mehe Tupàn Tuweharupi Wiko Ma'e upyhyk putar utakihepuku nehe. Uhua'u itakihe. Ikàg no. Ipuhuz no. Teko uze'eg àzàguhu Erewiàtà her ma'e rehe wà. Tupàn ukutuk putar a'e àzàguhu a'e nehe. Uwawak àzàguhu a'e. Uzemàzemàn no. Tupàn Tuweharupi Wiko Ma'e uzuka putar mozuhu yryhu pe har a'e nehe.