Jó 40:8 - Tupàn zeꞌeg

⁸ Aipo nepuruexak kar wer iko hekatu 'ymaw rehe purupe. Aipo aiko ikatu 'ym ma'e iapo har romo. Aipo ereiko ikatu 'ym ma'e iapo 'ymar romo.

Jó 40:8 ပူးပေါင်းရင်းမြစ်များ

Jó 10:3

Ne ae heapo pe ne. Màràzàwe tuwe ma'erahy ihewe ipuraraw haw ikatu newe. Màràzàwe tuwe heretykaw ikatu newe. Màràzàwe tuwe teko ikatu 'ym ma'e wanemiapo ikatu newe.

Jó 10:7

Erekwaw ikatu 'ym ma'e iapo 'ymar romo hereko haw. Ni amo nupuner kwaw nepo wi hepyro haw rehe wà.

Jó 13:18

Azemuàgà'ym hekatu haw imume'u àwàm rehe. Akwaw hekatu haw.

Jó 16:11

Tupàn hemono awa iaiw ma'e wanupe. Hemu'ar kar teko ikatu 'ym ma'e wapo pe.

Jó 19:6

Nan kwaw nezewe. Tupàn uzepyk e herehe. Nazapo kwaw ikatu 'ym ma'e. A'e uzapo miar ipyhykaw zàwenugar hepyhyk pà a'e.

Jó 32:1

Izo ukwaw weko haw a'e. — Naiko kwaw ikatu 'ym ma'e iapo har romo ihe, i'i uzeupe. A'e rupi imyrypar upytu'u ikatu 'ymaw imume'u re izupe wà kury.

Jó 32:2

Amo awa Eriu her ma'e wiko a'e pe. Marakew ta'yr romo Muz izuapyr romo Hàw izuapyr romo hekon a'e. Eriu wikwahy Izo pe kury. Ta'e Izo umume'u ukatu haw a'e pe har wanupe a'e xe. — Nazapo kwaw ikatu 'ym ma'e ihe, i'i wiwi a'e pe har wanupe. — Tupàn upuraraw kar e ma'erahy ihewe a'e, i'i wanupe.

Jó 34:17

Aze mo Tupàn na'iakatuwawahy iwer mo teko wanereko katu haw rehe, nupuner iwer mo teko ywy rehe har wanuwihawete romo wiko haw rehe. Aipo neporomono kar wer teko ikatu ma'e wanehe zepykaw pe. Aipo neporomono kar wer upuner ma'e wanehe zepykaw pe.

Salmos 51:4

Azapo ikatu 'ym ma'e newe. Xo nekutyr zo azapo ikatu 'ym ma'e. Azapo neremimutar 'ym. Heremiapo kwer neremimume'u ikatu. Nekatu herehe nezepyk mehe, ta'e heaiw ihe xe.

Isaías 14:27

Tupàn Tuweharupi Wiko Ma'e Ikàg Wera'u Ma'e Uzapo putar a'e ma'e a'e nehe. Aipo amo upuner imupytu'u kar haw rehe wà nehe. Upir opo teko wanehe uzepyk pà. Aipo amo upuner ipo imuezyw kar haw rehe wà nehe.

Isaías 28:18

Màno haw rehe we peze'eg awer penemiapo katu kwer uzemumaw putar nehe. Umàno ma'e kwer wapyta haw rehe we peze'eg awer penemiapo katu kwer uzekazeka putar upaw pà nehe no. Iaiw hawhu tur mehe peneraha putar 'y uwyrykahy ma'e ài nehe.

Isaías 43:26

Teko heremiaihu wà, aze pepurumume'u wer amo heremiapo kwer rehe nehe, zaha tuwihaw wanenataromo nehe. Pemume'u kar heremiapo kwer hexak arer wanupe nehe. Xinu putar tuwihaw waze'eg nehe.

Isaías 45:9

Ywy'a nuzàmàtyry'ym kwaw wapo arer a'e. — Ma'e erezapo iko, ni'i kwaw ywy umuapu'apu'a har pe. — Nerekwaw kwaw nema'ereko haw, ni'i kwaw izupe.

Romanos 3:4

Azeharomoete Tupàn uzapo putar tuwe ma'e uze'eg rupi nehe. Teko tetea'u hemu'em a'e wà. Tupàn uzapo putar ma'e wemimume'u kwer rupi nehe, ta'e nahemu'em pixik kwaw a'e xe. Nezewe i'i ze'eg kwehe arer pape rehe imuapyk pyrer. — Azeharomoete neze'eg, Tupàn. — Ikatu 'ym ma'e iapo har romo ereiko ne, aze amo i'i newe nehe, hemu'em ma'e romo hekon putar a'e nehe. Teko ukwaw putar hemu'emaw a'e wà nehe.

Gálatas 3:15

Herywyr wà, amume'u putar ma'e peme ihe kury. Nazawaiw katu kwaw ko ze'eg. A'e rupi peinu katu putar nehe. Aze mokoz awa umume'u tuwe amo ma'e uzeupe wà nehe, aze umuapyk wemimume'u kwer pape rehe wà nehe, aze umuapyk uwer a'e ze'eg iwy pe wà nehe, amo ae awa numuapyk kwaw amo ae ze'eg a'e pape rehe a'e nehe.

Gálatas 3:17

A'e rupi nezewe a'e peme ihe kury. Tupàn umume'u ma'e Àmàrààw pe kwehe mehe a'e. — Azapo putar tuwe a'e ma'e ihe nehe, i'i izupe. 430 kwarahy pawire Tupàn umur amo ae ze'eg Moizez pe a'e no, zutew wanupe a'e no. A'e ze'eg ipyahu ma'e nuhaw kwaw a'e Tupàn hemimume'u kwer kwehe arer a'e. Numukàzym kar kwaw a'e ma'e ikatuahy ma'e zanewe iapo pyràm a'e.

Hebreus 7:18

Ze'eg kwehe arer a'e, nuzawy kwaw takihe haime 'ym ma'e a'e. Teko nomonohok kwaw ma'e takihe haime 'ym ma'e pupe wà. Nezewegatete ze'eg kwehe arer numukàg kwaw Tupàn hemiaihu wà. Aze umugeta nupytu'u kwaw ikatu 'ym ma'e iapo re wà. A'e rupi Tupàn uze'eg nezewe zanewe kury. — Peho zo a'e ze'eg kwehe arer rupi nehe kury, i'i zanewe kury.