Jó 4:6 - Tupàn zeꞌeg

⁶ Tupàn wi nekyze haw nanemukàg kwaw aipo. Nereko haw ikatu ma'e nanemynehem kwaw ma'e hàrogatu haw pupe aipo.

Jó 4:6 ပူးပေါင်းရင်းမြစ်များ

2 Reis 20:3

— O Tupàn Tuweharupi Wiko Ma'e. Tuweharupi aiko neremiruze'eg romo ihe. Ama'ereko katu tuwe newe hepytu'u 'ym pà. Tuweharupi azapo neremiapo putar haw iteko, i'i izupe. Na'e uzai'oahy kury.

Jó 1:1

Amo awa wiko Uz ywy rehe a'e. Izo her romo a'e. Ikatu a'e. Imunar 'ym ma'e romo hekon. Ukyze Tupàn wi. Uzeagaw ikatu 'ym ma'e iapo 'ym pà.

Jó 13:15

Naheta kwaw ma'e hàrogatu haw ihewe kury. Ta'e Tupàn hezuka putar nehe xe. Nezewe rehe we amume'u putar hekatu haw henataromo nehe.

Jó 16:17

Nezewe rehe we naiko pixik kwaw puruzuka ma'e romo ihe. Aze'eg Tupàn pe tuweharupi heremu'em 'ym pà.

Jó 17:15

Aze nezewe haw uzeapo nehe, ma'e àrogatu putar nehe. Aipo amo upuner ikatu ma'e ihewe uzeapo ma'e ràm hexakaw rehe wà.

Salmos 26:1

O Tupàn Tuweharupi Wiko Ma'e, emume'u ikatu ma'e romo hereko haw nehe, Ta'e azapo ikatu ma'e ihe xe. Azeruzar katu nerehe no.

Salmos 27:3

Aze zauxiapekwer tetea'u uzemono'og heywyr umàmàn pà wà nehe, Nakyze kwaw wanuwi nehe. Aze heàmàtyry'ym heàmàtyry'ymar wà nehe, Azeruzar wiwi Tupàn rehe nehe.

Provérbios 14:26

Tupàn Tuweharupi Wiko Ma'e wi kyze haw umukàg awa a'e. Upyro iànàm wà no.

Provérbios 3:26

Nu'ar kwaw nerehe nehe, ta'e Tupàn Tuweharupi Wiko Ma'e nepyk putar a'e nehe xe. Nanemu'ar kar pixik kwaw puruzuka haw pupe nehe no.

Isaías 33:6

Umuigo kar putar wemiaihu teko ukatu haw rehe wà nehe. Upyro tuwe a'e wà nehe. Ukwaw kar putar tuwe ma'e wanupe nehe. Ukwaw katu putar a'e wà nehe. Tupàn Tuweharupi Wiko Ma'e wi wakyze haw nuzawy kwaw temetarer tetea'u teko wanupe.

1 Pedro 1:13

Tupàn umur putar ikatuahy ma'e peme nehe, Zezuz Zaneruwihawete tur mehe nehe. Peàrogatu tur àwàm nehe. Pema'enukwaw tuwe Zezuz rehe nehe.

1 Pedro 1:17

Aze peze'eg Tupàn pe nehe, — Heru, peze izupe nehe. Aze amo uzapo ikatu 'ym ma'e nehe, Tupàn umume'u putar hemiapo kwer a'e nehe. Pitàitàigatu teko wanemiapo kwer umume'u putar nehe. — Namume'u kwaw neremiapo kwer nehe, ni'i kwaw amo pe. A'e rupi, ko ywy rehe peneko mehe pemuwete katu Tupàn nehe.