Jó 4:20 - Tupàn zeꞌeg

²⁰ Ku'em mehe zapuner zanereko haw rehe. Karuk mehe zàmàno zanereko wi 'ym pà. Ni amo nuzekaiw kwaw zanerehe wà.

Jó 4:20 ပူးပေါင်းရင်းမြစ်များ

2 Crônicas 15:6

Amo ywy rehe har uzàmàtyry'ym amo ywy rehe har oho wà. Amo tawhu pe har uzàmàtyry'ym amo tawhu pe har oho wà. Uzeàmàtyry'ym waiko wà. Ta'e Tupàn umu'ar kar ma'erahy ipuraraw paw tetea'u wanehe a'e xe.

2 Crônicas 21:20

Zeoràw wereko 32 kwarahy Zuta wanuwihawete romo wiko mehe. Umumaw 8 kwarahy Zeruzarez pe tuwihawete romo wiko pà. Imàno mehe ni amo nuzemumikahy kwaw wà. Uzutym hetekwer tawhu Tawi heko awer pupe wà. Nuzutym kwaw tuwihawete watym awer pupe wà.

Jó 14:14

Aipo amo wikuwe wi putar umàno re wà nehe. Ihe àro putar 'ar ikatu wera'u ma'e ihe nehe. Heremipuraraw ipaw ire apytu'u putar hàro re nehe.

Jó 14:2

Teko nuzawy kwaw ma'eputyr uzaw ire na'arewahy uxinig ma'e wà. Nuzawy kwaw i'àgaw wà no. Ukwaw ko rupi na'arewahy. Na'arewahy ukàzym no.

Jó 14:20

Ereityk teko ne wà. A'e rupi oho tuwe wà. Amo ae hexakaw eremono wanupe ko ywy wi waho mehe ne wà.

Jó 16:22

Amumaw putar amo kwarahy hereko pà nehe. Tupàn upapar a'e hekwarahy a'e. Aha putar iteko pe rupi ihe. Ni amo nuzewyr kwaw a'e pe rupi wà.

Jó 18:17

Ni amo na'ima'enukwaw pixik kwaw hehe wà nehe. Izywy rehe har heharaz putar her wi a'e wà nehe no.

Jó 20:7

Nezewe rehe we upaw putar tuwe tanimuk ài nehe. Nukweraw kwaw nehe. Ikwaw parer nukwaw kwaw izupe uzeapo ma'e kwer wà.

Salmos 37:36

Amo 'ar mehe akwaw huwake ihe. Naexak kwaw, ta'e ukàzym a'e xe. Aekar zepe ihe. Naexak kwaw.

Salmos 39:13

Epytu'u herehe neme'egatu re nehe. Nezewe mehe apuner putar herurywete haw pixika'i ma'e hereko haw rehe ihe nehe, Heho 'ym mehe we hemàno 'ym mehe we nehe.

Salmos 92:7

Ikatu 'ym ma'e iapo har hezuz ka'a ài wà. Iaiw ma'e upuner hemetarer katu haw rehe wà. Nezewe rehe we eremumaw putar ne wà nehe.

Provérbios 10:7

Teko ima'enukwaw putar ikatu ma'e wanehe a'e wà nehe. — Ze'egatu zàwenugar romo wanekon zanewe a'e wà, i'i putar wanupe wà nehe. Teko heharaz putar ikatu 'ym ma'e wanuwi na'arewahy wà nehe.