Jó 39:9 - Tupàn zeꞌeg

⁹ Aipo amo tapi'ak hehaite ma'e ima'ereko wer putar newe nehe. Aipo uker putar pyhaw nereimaw wapyta haw pupe pàrirogaw pupe.

Jó 39:9 ပူးပေါင်းရင်းမြစ်များ

Jó 39:10

Aipo erepuner iàpixipixi haw rehe kyhàhàm pupe ywy iwykawyka kar haw rehe izupe. Aipo umutyk putar ywy iwykawyka pà newe nehe. Aipo umutyk putar ywy kàràz taw newe nehe.

Jó 39:8

U'u ka'api'i ywytyruhu rehe wà. Wekar wyzài ka'akyr wemi'u ràm romo a'e pe wà.

Salmos 22:21

Hemunyryk kar pe 'aw zàwàruhu iriàw wanuwi nehe. Napuner kwaw hezepyro haw rehe 'aw tapi'ak awa hehaite ma'e wanuwi ihe.

Salmos 29:6

Omopoopor kar ywytyr Irimano her ma'e tapi'aka'yr ài wà. Ywytyr Eremon her ma'e omopoopor tapi'aka'yr awa ài a'e.

Salmos 92:10

Hemukàg kar pe tapi'ak awa hehaite ma'e ài hemuigo kar pà ne. Eremur neze'egatu herehe hemurywete kar pà no.

Isaías 1:3

Tapi'ak ukwaw uzar. Zumen izar umuapyk hemi'u ràm imono izupe. Zumen ukwaw imuapyk àwàm a'e. Heremiaihu nukwaw kwaw ma'e wà. Teko Izaew izuapyapyr nukwaw pixik kwaw ma'e wà, i'i Tupàn.

Isaías 34:7

Uzuka putar tapi'ak hehaite ma'e a'e teko wanehe we wà nehe no. Uzuka putar tapi'aka'yr kuzà wà nehe. Uzuka putar tapi'aka'yr awa wà nehe no. Wanuwykwer umuàkym putar ywy 'y ài nehe. Wakawer upyk putar ywy nehe no.

Números 23:22

Tupàn upyro Izaew a'e wà, Ezit ywy wi a'e wà. Ikàg tapi'ak awa hehaite ma'e ài.

Deuteronômio 33:17

Ipuràg eteahy haw nuzawy kwaw tapi'aka'yr awa ipuràg eteahy haw. I'ak nuzawy kwaw tapi'ak awa hehaite ma'e i'ak. Manaxe izuapyapyr heta tetea'u ma'e wiko i'ak romo wà. Eparai izuapyapyr heta tetea'u ma'e wiko i'ak romo wà no. Zuze uzàmàtyry'ym wàmàtyry'ymar u'ak pupe wà. Oho wanaikweromo ywy nànàn wà.