Jó 38:22 - Tupàn zeꞌeg

²² Amonokatu àmàn huwixàg ma'e amo me ihe. Amonokatu àmàntàtà a'e pe no. Aipo amo 'ar mehe ereho wamonokatu awer pe.

Jó 38:22 ပူးပေါင်းရင်းမြစ်များ

Jó 37:6

Tupàn umugyr kar àmàntàtà ywy rehe. Umugyr kar àmànuhu no.

Jó 38:23

Amonokatu a'e àmàn ihe. Ma'erahy ipuraraw paw 'ar mehe amugyr kar a'e àmàn. Amugyr kar zeàmàtyry'ymaw 'ar mehe, zeàmàtyry'ymawhu 'ar mehe no.

Jó 6:16

Izypy mehe tynehem 'y tàtà huwixàg ma'e pupe, 'y xig ma'e pupe no.

Salmos 135:7

Werur ywàkun ywy iahykaw wi. Umuàgà'ym iweraw paw àmànuhu pe ywytuhu pe. Umuhem kar ywytu imonokatu haw wi no.

Salmos 147:16

Umugyr kar àmànxig àràpuhàràn hawitu zàwenugar. Umuhàmuhàz zuwiri huwixàg ma'e ywyku'i ài.

Salmos 147:17

Umur kar àmànita a'e, 'y tàtà huwixàg ma'e ikaika pyrer a'e. Tuwixàgaw imur mehe ni amo teko nupuner kwaw izupe wà.

Salmos 33:7

Omono'og Tupàn yryhu paw pitài yryhu romo iapo pà. Omonokatu 'y yryhu rehe har imonokatu haw pupe no.

Êxodo 9:18

A'e rupi pyhewe ko 'or zàwenugar mehe amugyr kar putar àmàntàtà uhua'u ma'e iaiw wera'u ma'e ihe nehe. Izypy mehe arer we te ko 'ar rehe Ezit ywy rehe har nuexak pixik kwaw àmàntàtà iaiw ma'e ko àmàntàtà zàwenugar wà.

Isaías 30:30

Teko paw wenu putar Tupàn Tuweharupi Wiko Ma'e ize'eg ikatuahy ma'e. Wexak kar putar wekwahy haw ipuruzukaiw ma'e wanupe nehe. Heta putar tata hakuahy ma'e wenataromo har paw hapy har nehe. Heta putar 'y ywy ipykar nehe no. Ywytu ur putar àmàn inuromo nehe. Ita tetea'u ukyr putar àmàn ài nehe. Upir putar uzywa ikàg ma'e teko wanehe uzepyk pà nehe.

Ezequiel 13:11

— U'ar putar pàrirogawtàtà nehe, ere a'e teko wanupe nehe. Amugyr kar putar àmàn ipuhuz ma'e ihe nehe. Amugyr kar putar àmànita nehe no. Ywytu ipuhuz ma'e ur putar ikutyr nehe no.

Ezequiel 13:13

Na'e zanezar Tuweharupi Wiko Ma'e umume'u ko ze'eg peme kury. — Hekwahy mehe amono kar putar ywytuhu nehe, àmàn ipuhuz ma'e nehe no, àmànita nehe no, a'e pàrirogawtàtà imumaw pà nehe.

Josué 10:11

Heta we amo pe Mete-Orom kutyr har Azeka kutyr har rupi uzàn ma'e wà. Umugyrahy kar Tupàn àmàntàtà uhua'u ma'e uzàn ma'e wanehe, ywak wi kury. Izaew uzuka zauxiapekwer tetea'u wà. Àmàntàtà uzuka wera'u zauxiapekwer Izaew wanenataromo wà.

Apocalipse 16:21

Àmàn tàtàahy ma'e itahu zàwenugar ukyr teko wanehe a'e. Àmànita pitàitàigatu ipuhuz taw a'e, nuzawy kwaw awa ipuhuz taw a'e. Na'e teko uze'eg zemueteahy Tupàn rehe a'e wà, àmàn tàtàahy rehe a'e wà no, ta'e iaiw tuwe wanupe a'e xe.