Jó 38:15 - Tupàn zeꞌeg

¹⁵ A'e tatainy uhyape katu wera'u iaiw ma'e wanupe. Teko wexak wanemiapo wà, a'e rupi a'e iaiw ma'e wà, nupuner kwaw puruzuka haw rehe a'e tatainy rehe wà.

Jó 38:15 ပူးပေါင်းရင်းမြစ်များ

2 Reis 6:18

Ur Xir ikutyr ipyhyk pà wà kury. Na'e uze'eg wi Erizew Tupàn pe. — O Tupàn Tuweharupi Wiko Ma'e. Emuigo kar ko zauxiapekwer hehàpyhà 'ym ma'e romo ne wà kury, i'i izupe. Uzapo Tupàn ma'e Erizew heminozgwer rupi. Xir nahehàpyhà kwaw wà kury.

Jó 18:18

Omono kar putar teko wikuwe ma'e wamyter wi wà nehe. Weraha putar tatainy wi wà nehe, ipytunaw pupe heityk pà wà nehe.

Jó 18:5

Tatainy uwew e a'e. Nezewegatete iaiw ma'e heko haw upaw putar nehe no. Nuzawy kwaw tata ukaz 'ym ma'e heny haw.

Jó 24:13

Iaiw ma'e na'iakatuwawahy kwaw tatainy rehe wà. Wape nànàn wata mehe ma'e paw iapo mehe nuputar kwaw tatainy wà.

Jó 31:22

Tuwe amo uzuhaw hezywa wà nehe, Tuwe ozo'ok heaxi'i wi wà nehe.

Jó 38:14

Tatainy 'aromo uhyape ma'e wexak kar ywytyruhu hexakaw. Wexak kar ywyàpyznaw hexak haw no. Nuzawy kwaw topoz izekanapaw. Nuzawy kwaw ter kwàku'aw har hemimuapyk kwer ywyzuwa rehe har no.

Jó 5:14

'Aromo katu upyta ipytunahy haw rehe wà. Kwarahy wapytepe hin mehe wata hehàpyhà 'ym ma'e ài wà. Opokok ma'e oho waiko pyhaw wata ma'e ài wà.

Jó 5:15

Tupàn upyro hemetarer 'ym ma'e wamàno haw wi wà. Upyro ma'e hereko 'ymar upuner ma'e wapo wi wà no.

Salmos 10:15

Hezar, emumaw ikatu 'ym ma'e wakàgaw nehe, iaiw ma'e wapuner haw nehe. Ezepyk wanehe wanemiapo kwer ikatu 'ym ma'e hekuzaromo nehe. Xo iapo re wapytu'u re zo epytu'u wanehe nezepyk ire nehe.

Salmos 37:17

Ikatu 'ym ma'e wakàgaw upaw putar nehe. Tupàn Tuweharupi Wiko Ma'e umunyryk kar ikatu ma'e ikatu 'ymaw wi wà nehe.

Provérbios 4:19

Ikatu 'ym ma'e wanape ipytunahy pytunaw ài. U'ar uzepyapi pà amo ma'e rehe. Nupuner kwaw a'e ma'e hexakaw rehe wà.

Jeremias 13:16

Pemume'u penemiapo kwer ikatu 'ym ma'e Tupàn Tuweharupi Wiko Ma'e pezar pe nehe, pytunahy haw imur 'ym mehe we nehe. Aze ipytunahy nehe, pezepyapi putar ywytyruhu rehe nehe. Peàro tatainy peiko. Nezewe rehe we uzapo putar tatainy ma'e'àgaw ipytun ma'e romo nehe. Uzapo putar ipytunahy haw romo nehe.

Ezequiel 30:22

Ihe nezar Tuweharupi Wiko Ma'e amume'u ko ma'e ihe kury. — Aiko Ezit ywy rehe har wanuwihawete iàmàtyry'ymar romo ihe. Azuhaw putar mokoz izywa ihe nehe. Azuhaw putar izywa ikatu ma'e nehe. Azuhaw wi putar izywa izuhaw pyrer nehe no. Takihepuku u'ar putar ipo wi nehe.

Números 15:30

Aze amo uzapo ikatu 'ym ma'e hehe ipurapo wer pà nehe, Izaew nehe, aze ru'u amo ywy rehe arer nehe, wiko putar Tupàn Tuweharupi Wiko Ma'e iàmàtyry'ymar romo nehe. Pezuka a'e teko nehe.