Jó 37:9 - Tupàn zeꞌeg

⁹ Àmànuhu ywytu inuromo har ur kwarahy ihemaw awyze har kutyr har wi. Tuixàgaw ur kwarahy heixe haw awyze har kutyr har wi.

Jó 37:9 ပူးပေါင်းရင်းမြစ်များ

Jó 38:1

A'e awa umumaw uze'egaw a'e kury. Na'e, ywytu àmànuhu herur har inuromo, Tupàn uwazar Izo ize'eg wà izupe kury.

Jó 9:9

Tupàn uzapo zahytata wamono'og pà zemono'ogaw romo wà: Zàwàruhu ur her ma'e uhua'u wera'u ma'e, na'iruz Mari, 7 àràpuhàràna'yr. Uzapo zahytata kwarahy ihemaw awyze har kutyr har wà no.

Salmos 104:3

Erezapo neràpuz 'y ywate har rehe. Ereata ywàkun rehe ywyramawa zeàmàtyry'ymawhu pe har ài. Erewewe ywytu nepepo romo iapo pà.

Salmos 147:17

Umur kar àmànita a'e, 'y tàtà huwixàg ma'e ikaika pyrer a'e. Tuwixàgaw imur mehe ni amo teko nupuner kwaw izupe wà.

Provérbios 25:23

Ywytu kwarahy heixe haw awyze har wi ur ma'e a'e, werur àmàn a'e. Nezewegatete uze'eze'eg zemueteahy ma'e werur purehe akatuwawahy 'ymaw wà no.

Isaías 21:1

Na'aw ze'eg Mawiron kutyr har xe kury: Ywyxiguhu yryhu iwyr har, i'i teko izupe wà: Ywytuaiw upeipeir ywy kwarahy hemaw awyze har kutyr har hereko. Nezewegatete puruzuka ma'e ràm ur putar ywyxiguhu wi a'e. Teko ukyze tuwe a'e ywyxiguhu wi wà.

Zacarias 9:14

Tupàn Tuweharupi Wiko Ma'e uzexak kar putar wemiaihu wa'aromo nehe. Omomor putar u'yw àmàn iweraw paw ài nehe. Tupàn Tuweharupi Wiko Ma'e Zanezar upy putar uxi'àm nehe. Oho putar ywytuaiw kwarahy hemaw awyze har kutyr har wamyter pe nehe.